واللهى يا ابو وليد حتى العجل خسارة فيهم
ده خدمة زى الزفت ومعاملة ازفت دنا من حوالى شهرين كان فيه نقط زيت بتنزل من عند الفتيس من تحت المهم دخلت ابو رواش وعلى الساعه 4 استعجلتهم قالولى تمام وحتطلع مفيش خدتها ووصلت لحد كارفور عل اول الشارع ولقيت لسا فيه نقط بتنزل رجعت تانى وانا مخنوق قالولى ده بقايا الزيت القديم مع انى همن فكوا الفتيس كله ونزلوه واتغسل كويس جدا كل ده انا شايفه من فوق من الاستراحة قلتلهم ازاى يعنى زيت قديم وهوا مغسول راحوا رفعوا العربية وقالولى معلش اصلى ربطنا مسمار العداد جامد وهوا ليه ربطه معينه ( اظاهر بيتعلموا فى العربيات ازاى توكيل ومهندسين ومش عارفين درجة الربطة)
فعلا مش توكيل ده زريبة
سؤال يا ابو وليد انت بعت الايميل لليابان بالعربى ولا الانجليزى؟؟؟؟؟؟
تصدق بالله يا شاركى هو فعلا كان ناقص الضرب ده مدير الفرع نده الامن وقالهم طلعوا بره ولولا انى عليت صوتى وقلت اللى حيلمسنى ححبسه بتوع الامن خافوا مهم غلابة برضه وبصراحة اتصلت بالنجدة قدام الامن فخافوا بس لميت موضوع الشرطة لانى ده يعنى محضر وممكن نيابة وانا مش فاضى وعايز اسافر بسرعة وجبت اخرى
الاخ ابو عبد لله
مع احترامى الشديد ليك بس اعتقد انك منحاز لتويوتا ايجبت بشده وفيه انكار شديد مع عدم تصديق للكلام مع الادعاء بأنى ده هجوم على تويوتا بدون مبرر
بس انا كنت اتمنى انى سيادتك تكون موجود ساعة اللى حصل وفعلا واللهى كل اللى عملته انى رزعت الباب وده اللى خلاه يقل ادبه مش عارف هو يمكن عنده مشاكله الخاصة بس ده المفروض ساعه وجوده فى الشغل ينسى كل ده بس والله انا بتعامل مع الناس بكل شياكة وادب وحتى المهندسين هناك عارفينى تحديدا لكثرة ذهابى هناك بسبب الحادثة وكلهم اول ما بيشوفونى بيسلموا عليه
وللاسف يا اخ عبد الله على الرغم انى من متابعين مواضيعك بس للاسف لم اتوقع رد فعلك ده او اسلوبك وكأنى مدعى او بكدب وطريقه دفاعك عن التوكيل لامبررها الا وجود مصالح او اقارب هناك او يمكن متعاملتش معاهم اساسا مجرد سمع او يمكن حظك كان كويس ومتعاملتش مع المدير لانى مش اى عميل بيقابل المدير الا لما تكون خربت يعنى
المفضلات