الموضوع: سواقة بنات

المشاركة الأصلية كتبت بواسطة alsindrella

اقتباس
و انا بعرف اسوق (ذى كل البنات اللى فى مصر يعنى )
ما هو باين ان كل البنات اللى فى مصر بيسوقوا زييك

ليه بقى الغلط ده
مالهم البنات
اعتقد ان زى ما فى بنات ضعيفه فى السواقه فى شباب برضو كده[/quote]

يا جماعة انا شايف انها مش بتفرق شباب ولا بنات
انا مثلا كنت على طريق الاسماعلية الصحراوى بالاوبل فكترا وكان فى بنوته راكبة لانسر وكنا احنا الاتنين تقريبا على 180 كم/س عاملين اجمد شغل وحركات على الطريق يعنى برده فى بنات جامديين جدا فى السواقه

الموضوع موضوع قدرات عقلية وجراءة وتمكن من العربية وسرعة رد فعل وطبعا قبل كل دول ستر ربنا
والحاجات دى ممكن تكون موجوده عند اى شاب او بنت وممكن تزيد بالممارسة والتعليم والتدريب
ومتنسوش ان السواقة فن وذوق واخلاق :) ..... كويس ان الاخلاق اخر حاجة عشان مش موجوده كتير فى بلدنا
ومتنسيش قاعدة البوز بيز

واضح طبعا ان انت خبرتك لسه قليله بس عايز اقولك كلنا كنا كده يعني متنزعجيش من الموضوع ده دي مسأله وقت بس انت حاولي تنزلي بيها كتيررررررر في اوقات او شوارع تكون فاضيه شويه من السيارات والناس وامشي فيها كذا مره حاولي تدربي نفسك كتيررررررررر ومتجزفيش في الشوارع المصريه الرئيسيه لاني فعلا السواقه فيها حاجه مش سهله وزي ما بيقولوا الخبطه بفوره حاولي تركبي في الاول تاكسي ولا اي طريقه مواصلات لحد ما تتقني السواقه بالعربيه هتلاقي بهذه الطريقه عندك حافز اكبر للتعليم " تخيلي واحده عندها سياره وبتركب مواصلات عشان مبتسقش كويس ( اكيد حافز ) " وبعدين انتي عندك ميزه ان عربيتك صغيره وربنا معاكي والف مبروك علي العربيه ويااااااااااااااااااااااا ارب ما نشوفك خابطه حد علي الطريق ههههههههه

اولا مبروك عليكي العربيه و ربنا يباركلك فيها ان شاء الله

انا بس عايز اقولك على حاجه ممكن تساعدك شويه
حاولي على قد ما تقدري تركبي مع اي حد من قرايبك و هوه ببيسوق ( طبعا يكون حد بيسوق من فتره و يكون ملتزم بقواعد المرور ) و تراقبي حركات رجليه على الدواسات و تتفرجي عليه امتى بينقل الغيارات و امتى يهدي وامتى يمور و ازاي بيبص على المرايات و امتي يدي اشاره علشان يلف او يغير من حاره لحاره تانيه .
طبعا ده محتاج شوية صبر و وقت منك و من اللي انتي راكبه معاه و لو هوه عنده صبر ممكن تساليه هوه بيعمل الحاجات دي امتى و ليه.

ما تستعجليش على نفسك و ابتدي بركوب العربيه في اماكن هاديه جدا جدا و مهم جدا تتعلمي ازاي تطلعي بالعربيه من الثبات من غير ما العربيه تنطر منك دي حاجه مهمه جدا في السواقه و يا ريت تتدربي عليها كتييييييييييييييييييييييي ييير

مهم كمان انك تطلعي على الاول و تمشي شويه و تنقلي على التاني و بعدين تهدي سرعة العربيه عن طريق الضغط على الدبرياج و رفع رجلك عن دواسة البنزين و تموير العربيه الي ان تهدا السرعه ثم التعشيق مره احرى و متابعة السير.

مهم جدا ان تعرفي ابعاد عربيتك و تحفظيها تمام و تتعودي عليها و اقتراح الباشمهندس كريم يوضع زجاجات بلاستيك على الطريق هو اقتراج جيد جدا و اضيف له ان ممكن حضرتك تستعيني باحد اقربائك و تركبي العربيه و تخلي قريبك ده يقف عند كل ركن من اركان العربيه بالترتيب و تحاولي تحفظي المسافه اللي هوه واقف عندها دي قد ايه مع ملا حظة ان دي حاجة انتي هتحفظيها زي الصوره يعني هتثبت جوه عقلك كويس لو عملتيها بالطريقه دي

نصيحه اخيره ما تستعجليش على الجري و الغرز و الحاجات دي اتعلمي الاول السواقه بهدوء و مع الممارسه انتي نفسك هتحسي انك بتتقدمي و تقدري تاخدي خطوات متقدمه اكثر

ربنا معاكي و يحفظك و يستر طريقك .

المشاركة الأصلية كتبت بواسطة OlaOsman

تنشيط لأكثر مواضيع المنتدى ثراء بالنصائح لمبتدئي السواقة :)

تنشيط ايه بس يا علا ده اللي بتعمليه ده اسمه نقل مواضيع و ده مخالف لشروط المنتدى

المشاركة الأصلية كتبت بواسطة OsKaR

تنشيط ايه بس يا علا ده اللي بتعمليه ده اسمه نقل مواضيع و ده مخالف لشروط المنتدى

هي ناقلة من فين لـ فين؟