اخيرا اللانسر الشكل الجديد رخصت

**Ahmed Samy** · 30-01-2008 12:54 PM

أنا سمعت 149000 دي فعلا
بس الموديلين الأقل دول عند مين يا نوفو
و ياريت توصفلى المكان و تليفونهم لو معاك
و ألف شكر:)

**masry_gedan** · 30-01-2008 01:33 PM

ممكن نعرف اسم المعرض

**novo** · 04-02-2008 08:46 AM

العربيه موجوده عند سمير ريان و هي تسليم فوري و انت واقف بس من غير ضمان خالص,و عند سيارات الطيران بضمان 20000كم او سنه, و الاسعار زي مقولت بالضبط ...

**Ahmed Samy** · 07-02-2008 01:42 AM

النهاردة قابلت واحد تاجر عربيات (يستورد و يبيع للمعارض) و قاللي ان العربية اللانسر الشكل الجديد بترخص يوم عن يوم و ده بسبب أولا ان الطلب على العربية ضعيف لأن سعرها غالي و العربية (كلها اكصدامات) و شنطتها صغيرة ..
ثانيا ان الطلبيات بتاعتها بتتحمل على طلبيات الشكل القديم اللي الطلب عليه مازال شديد - يعني لو طلب 100 عربية قديم يقولولو لازم تشيل عليهم 20-25 جديد - وبعدين يلبس العربيات دي و تتراكم عنده لضعف الطلب فيبدا يعرضها بسعر أقل علشان تمشي و كل ما التراكم يزيد السعر هايقل لحد ما يبقى بيبيع لمجرد تحصيل رأس المال مع هامش ربح , و لكن هايحمل مكسب الفلوس دي على سعر لوت الشكل القديم و بالتالى القديم سعره هايغلى اكتر و الجديد يرخص اكتر و هو ما يحدث حاليا
--------------------------------------------------------------------------------
الموضوع أعلاه هو نقل لما قاله لي الرجل بدون اي تدخل منى

**PRO-DRIVE** · 07-02-2008 02:06 AM

^^^ له في خلقه شئووون

**Ahmed Samy** · 07-02-2008 02:41 PM

المشاركة الأصلية كتبت بواسطة PRO-DRIVE

^^^ له في خلقه شئووون

يعني ايه يا برو ؟؟

**PRO-DRIVE** · 08-02-2008 06:22 AM

المشاركة الأصلية كتبت بواسطة Ahmed Samy

يعني ايه يا برو ؟؟

يعني اقصد انهم مينزلوش الاسعار الا لما يكونوا خسرانين بس

غير كدا لو عليها طلب حتلاقي السعر علي اووووي

و القديم سعروا يغلي و الجديد يرخص :D

سبحان الله بجد

**Kisho** · 14-02-2008 11:00 AM

استاذ احمد كلام حضرتك مضبوط 100%,انا واحد صاحبي بيشتغل في تمويل تجار السيارات و كل التجار بشتكوله ان لازم في اي طلبيه لانسر النسبه 25% شكل جديد و 75% قديم و ده بيضغط علي سعر الاتنين بس بصوره عكسيه (القديم لفوق و الجديد لتحت).
بالنسبه لمكان سمير ريان فهو من الاتوستراد امام مستشفي المقاولون الناحيه التانيه.