الموضوع: اخيرا اللانسر الشكل الجديد رخصت

الموضوع تحول الى مقارنه بين اللنسر و السيفيك و نسيتوا خالص المازدا و الالنترا مع انهم من نفس الفئه و في نفس النطاق السعري.
علي العموم ان اختلف بشده مع كل اللي قال ان الهوندا لا تقارن باللنسر ,دا ممكن نقارنها بالالنترا كمان لانها مش بعيده عنها و لاننا مش بنقارن اسماء,احنا بنقارن عربيات وده اللي بيحصل بره ,يعني من قريب لسه قاري مقارنه في مجله كار مابين الBMW 3 series ,و الفورد مونديو الجديده و محدش قال لا ما ينفعش نقارن اي الماني مع امريكي (يعني بنقارن اداء و خامات و قيمه مقابل فلوس و سعر اعاده بيع و تكاليف تشغيل و خلافه)...
يا جماعه من حق كل صانع انه يجتهد و يطلع احسن ما عنده,ومن حقنا علي انفسنا اننا نجرب قبل ما نقول رأينا الشخصي لاننا مش هندي اي صانع موافقه على بياض علي عربيته مهما كانت,علي العموم انا بتفق مع الاستاذ Ahmed Samy في نقطه ان السيفيك تقارن جدا باللنسر و برضه تقارن بالالنترا,و بحترم قوي samo_1983 لانه قام بتجربه السيارتين قبل ما يتخذ قرار نهائي لانه بكده شاف اللى هوه عاوزه بعنيه و ابتعد عن اخذ الاشياء بدون تجربه ,ولان الحكم النهائي لازم يكون بمعيار انا هاخد ايه قدام اللي هدفعه بفلوسي.
علي فكره انا رحت مع واحد صاحبي امبارح عند سمير ريان كان عايز يشتري عربيه و ميزانيته حتي 140000 ,و قالي اهم حاجه عاوزها في العربيه انها تكون احصنه عاليه و انها تكون كامله المواصفات,و انها تكون يباني ,ركب السيفيك و عجبته بس حس انها فاضيه و عنده حق,ركب المازدا بس ما عجبوش ان القوه الحصانيه بتاعتها قوليله,ركب المييتسويشي و معجبوش نفس الموضوع...و اخيرا اقترحت عليه يبص علي الالنترا الخليجي الكامله115000(فتحه و جنط وايرباج)و اقل منهم كلهم ب25000جم,و رغم معارضته الشديده للكوري جرب و ذهل من نضافه التشطيب و جوده الخامات و لما عرف ان الفرق مابينها و مابين الهوندا لا يذكر في عدد الاحصنه (لا يزيد علي 5حصان),و الفرق في التجهيز لصالح الالنتراو الفرق في السعر 35000 لان الهوندا تسليم فوري ب150000 قر ياخد الالنترا,و علي فكره اللي هيقولي دي حاجه و دي حاجه تانيه هقوله الاتنين في نفس الفئه و صناعه اسيويه و فرق الكواليتي و ان كان لصالح الهوندا,و لكن هيونداي كجوده تصنيفها جيد جدا و مش بعيد عن الهوندا.
انا حكيت القصه دي بس لاني عايز اوضح ان ممكن صانع زي هيونداي صورته عند المستهلكين اقل من هوندا يعمل عربيه كويسه قوي تخطف فعليا زبائن من ميتسوبيشي و مازدا و هوندا.لانها قدرت تبقي احسن قيمه مقابل فلوس و قدرت توفي متطلبات مستهلك شال موضوع الصوره, و تعمق في العربيه كعربيه بغض النظر عن الماركه.
اخيرا انا لو مكان صديقي ده ما كنتش هشتري الالنترا مش علشان هي وحشه ,بس علشان كل واحد بيدور في العربيه عن حاجه خاصه بيه هوه بس,بصراحه كنت هاخد اللنسر لشكلها الجامد قوي و لاني برضه و اخد عربيه كامله...و شكرا