استهلاك البنزين عالى

**samirayad** · 03-04-2010 05:09 PM

طيب تسمحلى بقى استغل وجود حضرتك وكرمك ، ولا خلاص علشان صاحب الموضوع ميزعلش

أعمل يا أخى موضوع منفصل
بماتريد أن تتناقش فيه فى قسم الورشه

نظرا لأختلاف طراز سيارتك عن الدايو

وأنا حتابع معاك

إن شاء الله

**janaaly** · 04-04-2010 01:22 AM

الف الف شكر للباشا سمير على الرد الجميل
شكراااا فعلا
بس انا اسف ممكن اسال كام سؤال؟؟
تانى حاجه اى واحد عايز يسأل عن اى حاجه يتفضل الموقع ملك للجميع وليس حكر عليا خصوصا انا عضو جديد

**janaaly** · 04-04-2010 01:32 AM

المشاركة الأصلية كتبت بواسطة samirayad

ممكن يكون عيب فى نقل القدره من المكنه لمحاور السياره
بسبب عيب فى الفتيس مثلا
الفتيس عندى بياخر فى النقله الاخيره
وممكن يكون عيب فى منظومة الشكمان
لا الحمد لله الشكمان تمام
وممكن عيب فى منظومة الفرامل ( عامله مقاومه مع سحب العربيه )
انا شادد فرامل اليد على الاخر
وممكن عيب فى عملية التحكم ( بسبب خلل فى آداء حساس الشكمان )
حساس الشكمان لسه متغير وقارى كويس والحمد لله
وممكن عيب فى دورة الأشعال ( بوبينا- كابلات - بوجيهات )
العربيه بتدور بسرعه
فتش عن العيب فى الدوائر دى واحده واحده وأنت حتوصل
حاضر
وممكن عيب كمان فى طريقة تقييمك لأستهلاك البنزين

انا قيمته كذا مره
شكراا

**samirayad** · 04-04-2010 01:57 AM

الفتيس عندى بياخر فى النقله الاخيره

خللى ميكانيكى بيفهم فى النوبيرا الأتو

يقدملك النقل ويخليه على 3000 لفه مثلا
من خلاال التحكم فى كابل الكيك داون وجرب الجديد

انا شادد فرامل اليد على الاخر

ده غلط برضه وممكن تكون محمله معاك على التيل الخلفى وأنت مش حاسس ( وده يزود حرق البنزين برضه )

فرجلش الفرامل بصوره معقوله

وممكن تجرب تأثيرها على سحب السياره

وهى نازله (فرامل اليد )
والسيلكتور على ال n

والمكنه دايره

زق العربيه بأيدك .........وشوفها حتتحرك بسهوله ولا لا

الحته الأخيره دى من دماغى كده

وجربها كده ( مش حتخسر حاجه )

لأن المفروض على الn

العربيه تبقى متموره برضه ( زى الفتيس العادى وتقدر تزقها )

طالما المكنه دايره

**samirayad** · 04-04-2010 02:02 AM

تانى حاجه اى واحد عايز يسأل عن اى حاجه يتفضل الموقع ملك للجميع وليس حكر عليا خصوصا انا عضو جديد

شكرا على شعورك
بس فيه تخصص فى الأقسام

ومش عاوزين العربيات تخش فى بعضها برضه

وتعمل حوادث
وتبقى العمليه زى طبق الكشرى
أو سمك لبن تمر هندى

يعنى النظام حلو برضه

وفيه قسم الورشه لجميع الأنواع

وهو ده اللى عامل زى طبق الكشرى للأسف

بس مفيش حل غير كده مع الورشه

**janaaly** · 04-04-2010 02:04 AM

والله يا سمير بيه انا مش عارف اشكرك ازاى
هل رشاشات هيونداى بتقلل الاستهلاك فعلا

يرجى الدقة فى كتابة لفظ الجلالة

مشرف دايـــو

**samirayad** · 04-04-2010 02:20 AM

هل رشاشات هيونداى بتقلل الاستهلاك فعلا

طالما معدل تدفق البنزين منها أقل من اللى راكب عندنا حتقلل طبعا

بس منضمنش سحب العربيه يتأثر ولا لا

غاليا ممكن يتأثر معدل السحب

طالما معدل ضخها للبنزين أقل