الموضوع: كيفيه ظبط سخان وسلانسيه الكريستاله (مدعم بالصور)

المشاركة الأصلية كتبت بواسطة hishamkenawy

السخان فيه مسمارين واحد اللى ورا ده اللى بتعالى وتوطى منه فيه مسمار تانى من قدام نحيه قربه المسحات(ناحيه اليمين ) الميكانيكى كان بيظبوطه على 2.5 ار بى ام وعلى فكره هو بيعلى وبيواطى برده بس اكيد ليه فائده اخرى ولحد يعرف يبقى نور المحكمه شكرا

اللي ناحيه قربه المساحات ؟؟؟ انت قصدك اللي في اول السخان اللي بالظبط في نص حاجه مدوره زي الماسوره كده ؟؟

المشاركة الأصلية كتبت بواسطة hema_lancer

اللي ناحيه قربه المساحات ؟؟؟ انت قصدك اللي في اول السخان اللي بالظبط في نص حاجه مدوره زي الماسوره كده ؟؟

تقريبا هو دة بس برده لتوضيح هو مكانه عكس المسمار اللى بيعلى ويواطىهو اول السخان تحت بص كويس فى السخان وانت تشوفه

المشاركة الأصلية كتبت بواسطة eng_a_h_helal

فعلا موضوع مهم جدا

أنا يوميا الصبح بعاني من الدواره
تقريبا السخان ملوش أي تأثير العربيه بتفضل تعلى وتوطى مع نفسها بس المؤشر بتاع الآر بي ام مش بيعدي الواحد مع رجرجه جامده ولما انتهى من معاناه التدوير ابدأ معاناه أخرى وهي التنتيش العربيه بتقعد تنتش معايا طول ما انا ماشي وبالذات بين كل غيار واللي بعده وطبعا هذه المعاناه بتنتهي بوصولي الشغل ثم أختم بمعاناه أخري وهي الرجرجه لما ابطل العربيه
أنا لسه شاري العربيه وانا بحب اللانسر جدا وباللذات الكريستاله ومش عايز أغير رأيي
للعلم أنا استشرت ناس قالولي أنضف الكربراتير ونضفته وفضلت المشكله قالوا غير بوجيهات وفضلت نفس المشكله
رجاء المساعده لأني فعلا أعاني من الاحباط

جزاكم الله خيرا

ظبطت السخان والكهربا وكل شيء هيبقي تمام بأذن الله

المشاركة الأصلية كتبت بواسطة hema_lancer

دي بقي الصوره اللي هتريح الناس كلها :f_eyeb1[1]:



زي ما انتو شايفين مكان السخان فين تحت العمه بالظبط وجنب سلك الاكسلاتير (البنزين)

المسمار اللي انا مكبره ده هو ده بقي اللي بيعلي ويوطي
المسماره اتجاه عكس يعني الراس بتاعته ناحيه الكابينه علشان كده بيحتاج مفك صغير في الطول
علشان توطي السخان
وانت واقف قدام العربيه حركه يمين (اتجاه البطاريه)
لو عايز تعلي السخان
حركه شمال (أتجاه قربه المساحات)
طبعا علشان تظبط الدنيا اول مره هتلف المسمار لفه كامله
وتدور لو الموضوع مظبطش ولسه عالي يبقي تاني يوم تلف كمان لفه (متلفش في ساعتها تاني خليها تاني يوم أحسن)
بس عموما اول مره لف مرتين مش مره واحده
ومره مع مره هتتظبط وتبقي تمااااااااااااااااااااااا اام


صبحي باشا لما العربيه تتظبط ماتنساش تعمل حواله ب 50 جنيه :e_braces[1]:

الرجاء رفع الصور مرة أخرى

موضوع جامد جدا شكرا هيما و ياريت تعيد رفع الصوره

المشاركة الأصلية كتبت بواسطة mr_vampire

انا كنت عايز استفسر عن حاجة ( بعد ازن صاحب الموضوع طبعا ) ساعات وانا ماشي بالعربية ( مكوة ) لو دوست بنزين مرة واحدة بحس ان الموتور بيسقف مع العلم انها بتبقي علي غيار مظبوط يعني مش علي تالت وماشي بسرعة تاني كدة يعني. وبحط بنزين 80 ومكنتش بتعمل كدة لما كنت بحط بنزين 90 ده من البنزين ولا ممكن عايزة تتظبط كهربا او بك البنزين بتاع الكربراتير وكمان ساعات لما ببطل العربية بلاقيها ترعش لحد ماتبطل . افيدونا ياشباب عشان الموضوع ده مزعلني ومنرفزني حاسس اني زعلتها مني لما بقيت احوطلها 80 بس لازم تقف جنبي وقت الزنقة وتبقي جنبي في كل ظروفي المادية صح ولا انا غلطان

وطي الكهربا وكل شيء هيبقي تمام بأذن الله