كيفيه ظبط سخان وسلانسيه الكريستاله (مدعم بالصور)

**husseinsalah** · 28-06-2010 07:48 PM

انا لما اشتريت عربيتى لانسر 99 من واحد صاحبى وكان عمرة ما حطلها بنزين غير 90 اول ما استلمتها ما حطتش غير 80 من غير ما اعمل اى تظبيط على الكهرباء فا مش عارف اية الفرق ، العربية شغالة عادى معايا ولايمكن انا عشان حديث عهد بالسواقة مش هعرف الفرق؟
عموما لو حد خبرة يقولى الفرق اية اللى ممكن الاحظة من 90 الى 80

**mr_vampire** · 29-06-2010 01:46 AM

الحمد لله روحت للميكانيكي وفعلا وطي الكهربا شوية وبقي سحب العربية تمام والتسقيفة راحت مع دوسة البنزين بس لسة فيه رعشة برده عند التبطيل ممكن تبقي عايزة تتوطي تاني ؟؟؟؟؟؟؟؟ مع العلم انه لما وطاها اول مرة وجربت قولتله العربية مخنوقة وحاسس انها تقيل فرجعنا علينا سنة لحد مارضيت عن السحب وقالي كدة كويس عشان منخنقش العربية بس حكاية الرجرجة ده بقي منرفزاني حتي ساعات قبل ماابطل ادوس بنزين وابطل قبل ماصوتها يهدا عشان اتفادي الرجرجة وساعات بتنفع

**exact** · 29-06-2010 03:17 AM

المشاركة الأصلية كتبت بواسطة husseinsalah

انا لما اشتريت عربيتى لانسر 99 من واحد صاحبى وكان عمرة ما حطلها بنزين غير 90 اول ما استلمتها ما حطتش غير 80 من غير ما اعمل اى تظبيط على الكهرباء فا مش عارف اية الفرق ، العربية شغالة عادى معايا ولايمكن انا عشان حديث عهد بالسواقة مش هعرف الفرق؟
عموما لو حد خبرة يقولى الفرق اية اللى ممكن الاحظة من 90 الى 80

سيادتك هتلاحظ الكركرة الشهيرة بتاع البنزن 80 فالمكنة ولو مفيش نبقى الحمد لله
معلومة معرفش صحتها: فيه عربيات انجكشن الكمبيوتر بتاعها متوصل بحاجة اسمها حساس الطرق Knock Sensor وده موجود فالمكنة بحيث انه لو العربية كركرت يأخر الكهربا اوتوماتيك

المشاركة الأصلية كتبت بواسطة mr_vampire

الحمد لله روحت للميكانيكي وفعلا وطي الكهربا شوية وبقي سحب العربية تمام والتسقيفة راحت مع دوسة البنزين بس لسة فيه رعشة برده عند التبطيل ممكن تبقي عايزة تتوطي تاني ؟؟؟؟؟؟؟؟ مع العلم انه لما وطاها اول مرة وجربت قولتله العربية مخنوقة وحاسس انها تقيل فرجعنا علينا سنة لحد مارضيت عن السحب وقالي كدة كويس عشان منخنقش العربية بس حكاية الرجرجة ده بقي منرفزاني حتي ساعات قبل ماابطل ادوس بنزين وابطل قبل ماصوتها يهدا عشان اتفادي الرجرجة وساعات بتنفع

الرجرجة دي اعقتد والله اعلم لسه الكهربا مش مظبوطة وعايزة توطى ولازم يظبط الهوا فالكربيراتير بعد تاخير الكهربا....يعني مش تاخير ونمشي لازم الكربيراتير عشان متخشنش

**mr_vampire** · 29-06-2010 02:50 PM

شكرا لرد حضرتك بس ممكن افهم يعني ايه متخشنش؟؟؟؟؟؟؟؟؟؟

**exact** · 29-06-2010 07:07 PM

قصدي ميبقاش صوتها خشن....كانت حصلت معايا قبل كده فالسويفت أخرت الكهربا من غير ظبط الكربيراتير كان صوتها عالي وفيها خشونة...الميكانيكي باقول له مد ايده ظبط مالكربيراتير.....بقت ماشاء الله 100 100

**eng_a_h_helal** · 02-07-2010 10:51 AM

طب يا عم هيما أعرف منين اذا كان السخان عايز يعلى ولا يوطى
يعني لو السخان عالي بعرف ازاي ولو واطي اعرف ازاي
يعني انا مثلا العربيه عندي مش بتدور الصبح الا لما افضل ازود بنزين لمدة دقيقه تقريبا
ده معناه ايه بقه