الموضوع: حمله ضد السياس والشحاتين

انا رايى بصراحه يا جماعه اللى يركن مايقولش انه مش هيدفع فلوس زىو يقولله و انا طالع زى احد الاعضاء ما قال و اما يطلع هو و مزاجه
و رايى لو معاه تذكره لازم تدفعله بس تاخدها منه و لو معاهوش يبقى مايلزموش و تسيبه و تمشى الا لو فعلا ساعدك جدا و انت بتركن و من غيره ما كنتش هتعرف تركن فكده حلال عليه و انت بتديله على تعبه و فى خدمه عملهالك لكن لو واحد منهم قعد يقولك ورا ورا ورا لحد ما تسمع طخ (و اغلبهم بيبقوا كده بيقولك ورا اصلا من غير ما يبص) يبقى طبعا ما ياخدش حاجه و ياريت ما حدش يسيبلهم المفاتيح لان انا والله ساعات بشوفهم سايقين عربيات ناس و بيسوقوها بطريقه عنيفه جدا و الله بتصعب عليا العربيات و بعدين انت تعرف ده مين منين عشان تسيبله عربيتك
بس حاول من انك تخلص من انك ما تدفعش و انت طالع لان انت لو قلتلته انك مش هتدفع و انت بتركن بنسبه 99% هيعملك حاجه فى العربيه و ما تحاولش تحتك بيهم لانهم طبقه زباله و كائنات عنقوديه متطفله بيبقوا اغلبهم شاربين و مبرشمين
انتوا مش ملاحظين ظاهره جديده للشحاته و هو اما تيجى تسحب من اى atm لازم تلاقى العسكرى بتاع الامن و انت داخل سلام عليكم يا باشا و المكنه شغاله على فكره و يقفلك و و انت خارجه ها سحب يا بيه و كل سنه و انت طيب هو انا المفروض اديله عشان بسحب فلوس و ما يعرفش اصلا اذا كنت بسحبهم مثلا بالفيزا يعنى عليا دين كمان و لا بسحب مرتبى مثلا يعنى عشان اسحب مرتبى لازم ادفع عليه ضريبه مش كفايه الضرايب اللى عليه اصلا
بجد بقت حاجه غربيه و ربنا يرحمنا منهم باه و نفسى اقولهم انتوا بالنسبالنا باشاواااااااااااااااات لا فارقه معاكم لا مظهر و لا شكل و لا اى حاجه و معاكوا فلوس كتير احنا مش مليونيرات ارحمونا
و اسف للاطاله بس انا بجد مخنوق جدا منهم

الموضوع بقى يقرف .. و يخنق بطريقة بشعة
طب تعالوا نحلل بجد الموضوع
اللي بيقولوا ما ندفعلهمش .. هينفع لو هما من النوعية اللي بتاخد بعد ما ترجع .. ولو مش هتيجي المكان ده تاني .. والًا
وطبعا في منهم اللي بيبقى عايز قبل ما تسيب العربية .. وال
العربية هيتعمل فيها حاجة
طبعا الشخصيات اللي بتتعامل معاها شاربة مبرشمة .. خريجي سجون
يا ريت بجد نتكاتف ونلاقي حل عملي
الاول نتكاتف فكريا لحد ما نلاقي الحل
وبعدين عمليا ... وماحدش يقول ما تدفعش لأني اكيد هخاف على العربية
انا شخصيا بينرفزوني بطريقة بشعة و بحاول اركن بعيد عنهم قدر الامكان .. حتى لو هتمشى شوية حلوين
لو في مشوار واحنا اتنين في العربية وينفع واحد يعمل المشوار والتاني يفضل في العربية يبقى قشطة
لو هقابل حد .. بروحله بالظبط عشان ماركنش و استناه في اي مكان
ياريت لو نفكر في حلول بجد .. و ما يبقاش الموضوع مجرد شكوى

بعد السلام عليكم ورحمة الله وبركاته
موضوع لطيف ويستحق الإهتمام يا حضرات
أقولكم علي حاجة حلوة قوي أنا شغال جنب أبو شقره الميرغني ، هناك يقف عم حسن بيقفش علي العربية من 5 إلي ما شاء الله طبعاً وحضراتكم عارفين نوعية زبائن أبو شقره أضف إلي ذلك إسلوبه في الحديث عن أولادك وخلافه بيخليك تدور في جيوبك علي زيادة علشان تديله ، أقولكم إن عم حسن ده بيدفع للأمناء في اليوم ما يزيد عن 100 جنيه علشان ما حدش منهم ياخد العربيات الصف التاني مخالفه ، طب مثال بسيط روح عند سوبر ما ركت ماسكوت وشوف مشتريات عم حسن اليومية ده كام :) حاجة هتلخليكو تعيطوا بعون الله .
طبعاً للي عاوز يشتغل الشغلانه دي ممكن يدفع حياته ثمناً للإستيلاء علي منطقة نفوذ ، عم حسن ده إتدبح قبل كده من بنت بياعة مناديل شدت رقبته بموس علشان ما يقطعش عليها ويخليها تبيع في نفس المنطقة مما يعرضه لنقصان الشفقة وبالتالي نقصان الأبيج في ’خر اليوم .
إحتراماتي

المشاركة الأصلية كتبت بواسطة bshndi

بعد السلام عليكم ورحمة الله وبركاته
موضوع لطيف ويستحق الإهتمام يا حضرات
أقولكم علي حاجة حلوة قوي أنا شغال جنب أبو شقره الميرغني ، هناك يقف عم حسن بيقفش علي العربية من 5 إلي ما شاء الله طبعاً وحضراتكم عارفين نوعية زبائن أبو شقره أضف إلي ذلك إسلوبه في الحديث عن أولادك وخلافه بيخليك تدور في جيوبك علي زيادة علشان تديله ، أقولكم إن عم حسن ده بيدفع للأمناء في اليوم ما يزيد عن 100 جنيه علشان ما حدش منهم ياخد العربيات الصف التاني مخالفه ، طب مثال بسيط روح عند سوبر ما ركت ماسكوت وشوف مشتريات عم حسن اليومية ده كام :) حاجة هتلخليكو تعيطوا بعون الله .
طبعاً للي عاوز يشتغل الشغلانه دي ممكن يدفع حياته ثمناً للإستيلاء علي منطقة نفوذ ، عم حسن ده إتدبح قبل كده من بنت بياعة مناديل شدت رقبته بموس علشان ما يقطعش عليها ويخليها تبيع في نفس المنطقة مما يعرضه لنقصان الشفقة وبالتالي نقصان الأبيج في ’خر اليوم .
إحتراماتي

اد ايه بلدنا دي بقت جميلة حقيقي