الموضوع: ايه الحل مع سيارات النقل المحملله بالرمل؟؟؟

المشاركة الأصلية كتبت بواسطة m_mekkawy

امال تعمل ايه فى عربيه تريلا طالعه مطلع صغير وسابت المقطوره بتاعتها وكملت هيا المقطوره رجعت ع العربيات اللى ورا كلت 4 منهم اكل.

يا ساتر

أكتر حاجة بتخنقني جداً على الطريق .. هي حكاية عربيات النقل اللي شايلة رمل دي. حاجة تقرف ومضرة جدا جدا وفعلا ممكن تسيب اثر على الزجاج والكبوت والأكصدام الأمامي .. الله يحرقهم سواقين النقل دول لأنهم ممكن بهتمام بسيط بالغطاء اللي بيحطوه على الرمل يريحونا من القرف ده كله ، خصوصا اناهم بيبقو حاطينه فعلا بس يا اما متهالك يا أما محطوط اي كلام ومش محكوم ،

والله أنا مره ونا رايح الفيوم ولقيت وابل غزير من الرمال جاي من عربية نقل وانا حتى لسه مش شايفها وعلى ما وصلتلها لقيته البيه ماشي بسرعة رهيبة والغطا محطوط اي كلام وده ولا اكنه راكب عربية كوبية وعمال يعملي غرز وماشي بسرعة والرمل مغرقنا وراه .. روحت معديه وجيت قدامه واديت انتظار وهديت سنه سنه وشاروتله يقف لحد ما وقفنا ، وروحت داخل فيه شمال مرمطته وخدت رخصه واديتله طريحة وتهزيق يكفوه باقي عمره ، وفي الآخر طبعا قعد يتحلل ويحلف انه مش هيطلع من غير ما يأكد على الغطا وهيجيب واحد جديد واكبر وقصة وفي الآخر طبعا اديتله الرخصة بس حلفتله اني لو لمحته تاني والغطا بتاعه مش محكوم اوي بيجيب رمله هوديه ورا الشمس ... وطبعا هو كل ده فاكر اني مثلا شغال في امن الدولة ولا حاجة وطبعا لم يجرؤ انه يسأل .. ههههههههه ..