الموضوع: يا بتاع المبيعات ......أنــــــــــــــــــــ ــــــــــا مش خرنج

المشاركة الأصلية كتبت بواسطة Khaled_Al_Nowaihy

يا جماعة أنا عندى سؤال ....
لو أنا مثلاً اشتريت جهاز panasonic مثلاُ من خارج مصر وكان عليه ضمان ونزلت بيه مصر وباظ منى ..... هل معنى ذلك ان panasonic فى مصر ملزمة تعمل لى ضمان ؟؟؟

بلاش دى
لو موبايل نوكيا جالى من برة مصر(وفيه زيه فى مصر عند التوكيل) وباظ ... هل معنى ذلك ان توكيل نوكيا فى مصر ملزم يعمل له صيانة حتى ولو تنزيل سوفت وير مثلاً ويصلحه لى ؟؟؟
أنا شخصياً حصلت معايا واضطريت ابعته فى طرد عشان يتصلح
صحيح العربية مش زى الموبايل أو الأجهزة الكهربائية .. لكن يمكن المبدأ واحد فى كلا الحالتين
وشـكراً

علشان توضح النقطة دي ، لازم نوضح الاختلاف بين حاجتين:

1- سلعة تتمتع بالضمان العالمي : ودي موجودة في سلع كتيرة جدا منها أجهزة الكمبيوتر والأجهزة المحمولة وماشابه ، وفي الحالة دي بيكون الوكيل في أي مكان ملزم بعمل الضمان فناهيك عن الصيانة العادية طبعا .

2- سلعة تتمتع بالضمان المحلي : ودي معناها أن السلعة بتتمتع بالضمان على المستوى المحلي فقط ، بمعنى أن الضمان ضد عيوب الصناعة في البلد التي تم منها الشراء ، وفي الحالة دي الوكيل في أي بلد تانية غير ملزوم بأي ضمان ناحية السلعة من نفس المصنع ، ولكن ، ملزوم ومسئول كل المسئولية تجاه العميل بالقيام بالصيانة مع تحميل العميل كلاً من تكاليف الصيانة - المصنعية - وتكاليف قطع الغيار ، وفي الحالة دي بيكون الوكيل ملزم بأنه يدي الضمان على قطعة الغيار المركبة.

طبعا بعد التوضيح ، فيه سؤال بيفرض نفسه ، ليه الوكيل ملزم بعمل الصيانة ؟؟
لأن من المعروف أن المكسب لأي سلعة - عدا معظم الأجهزة المنزلية - بيكون في البيع + قطع الغيار ، وفي حالة أن التوكيل رافض يعمل الصيانة ، فبكده هايكون خسارة من ناحية قطع الغير للشركة الأم ، وده لأن فيه شركات منافسة متخصصة لقطع الغيار الأصلية والمضمونة غير قطع غيار الشركة وبالمثال لا الحصر شركات زي : ACDelco , Bosch.... .

تحياتي

الموضوع أبسط و أوضح من مناقشته
منطقي ان العربية لاتتمتع بالضمان لأنها معادة البيع من بلد أو منطقة أخرى .

ولكن نيجي لمثل تاني :
لو أنا عايش في السعودية و مسافر برا لتونس مثلا أو نازل أجازة في مصر و العربية عطلت منى
المفروض الوكيل يقولى أسف و يطلعلي لسانه !!!!

ولا لو عليها نمر تربتيكت تدخل و النمر المصري ماتدخلش

موضوع حق الصيانة منتهي و هايرجع هايرجع

ان شاء الله

المشاركة الأصلية كتبت بواسطة ahmed samy

الموضوع أبسط و أوضح من مناقشته
منطقي ان العربية لاتتمتع بالضمان لأنها معادة البيع من بلد أو منطقة أخرى .

ولكن نيجي لمثل تاني :
لو أنا عايش في السعودية و مسافر برا لتونس مثلا أو نازل أجازة في مصر و العربية عطلت منى
المفروض الوكيل يقولى أسف و يطلعلي لسانه !!!!

ولا لو عليها نمر تربتيكت تدخل و النمر المصري ماتدخلش

موضوع حق الصيانة منتهي و هايرجع هايرجع

ان شاء الله

هو ده الكلام المفيد وإن شاء الله خير