اقتباس المشاركة الأصلية كتبت بواسطة أشرف فتحى مشاهدة المشاركة
بسكوته

يا فندم ليا الشرف بمشاركه حضرتك...وحمدالله على السلامه لأنى مش شايف مشاركات لحضرتك كتير زى الاول....

انا فعلا قولت كده أنى مش هعرف أتعامل مع حد لنفس السبب اللى حضرتك قولتيه وحصل معايا فى شقتى الحاليه بتاع السيراميك يقول الحاجات دى بيعملها السباك والسباك يقول دا شغل بتاع السيراميك والكهربائى مش فاهم حاجه وبيعمل زى ما بنقوله وخلاص من غير ما يقول كده صح ولا غلط والنجار مش هيعمل غير ما يتعلق بالخشب حتى ولو سد الفراغات بين حلوق الابواب والحوائط وبيقول دا شغل بناء مش نجار يعنى يعلق الحلق على طوب ويسيب الدنيا على كده وادور على بنا وبتاع محاره يكمل وراه..وهكذا.....

شكرا لمشاركه حضرتك...
ميرسى لذوقك يا اشرف
موجودة وبتابع كل الموضوعات بس فى صمت لما ما يكونش عندى اضافة مفيدة فى اى موضوع

اقتباس المشاركة الأصلية كتبت بواسطة أشرف فتحى مشاهدة المشاركة
باشمهندس محمد...
أشكرك على اهتمامك.......

لكن نرجع لنقطه البدايه ..إزاى أعرف أنه مضمون والفرق هيبقى قد أيه عن شغل الصنايعيه المستقلين؟

كمان فكره انك تبقيله مبلغ كبير دى مش حقيقيه لأنه فى واقع الامر بيقولك محتاجين مبلغ كذا عشان كذا ...غير كده هنقف...وحضرتك طبعا تضطر تدفعله بدل ما الدنيا تقف وعشان تخلص....

يبقى بس المهم أنه يكون ثقه ومحترم وأمين.....
انت صح جدا يا أشرف مش هاتعرف تأجل مبلغ يغطى تكاليف اعادة اى شئ غير مظبوط
وهى دى الحقيقة ومهندس ثقة يعنى مبلغ ضافى محترم
فالحل الانسب مع ظروف الحياة والغلاء انك تشوف صنايعى ثقة فى كل تخصص وتتعامل معاه وربنا معاك
لو عاوز سباك وبتاع سيراميك كويس فى شغله جدا قولى بس المواعيد ما ضمنهاش اوى يعنى بس لو بدأ مش هيسيب الشقة الا لما تخلص اقصد مش هايسبها فى النص