الموضوع: يا رجالة هو انا اتضك عليا ولا واية

السلام عليكم ،
الصح اللى يتعمل هو شفط جميع الهواء الموجود فى الكاوتش بماكينة فاكيوم مجودة عند اللى حيملالك الكاوتش نيتروجين
وبتملأ الكاوتش نيتروجين لحد ضغط 30 فى الأمام و 28 فى الخلف(علشان مافيش حمل ثقيل ورا مثل الأمام بسبب وزن المحرك و الجيربوكس).الفرق ده للحفاظ على اتزان العربية فى السرعات وجودة التصاق النصف الخلفى للعربية بالأرض فى المنحنيات و الفرامل ومنع التعويم الخفيف لذيل العربية ومنع صويت الكاوتش الخلفى مع الأرض فى الفرامل الجامدة.
والغاز تركيزه 99% نيتروجين صافى و غاز النيتروجين هو غاز خامل لذلك فهو لايتمدد بسهولة مع ارتفاع درجة حرارة الجو او الجنط او حرارة الكاوتش وبالتالى ضغطه بيفضل ثابت فى كل الظروف وبيخلى العربية ناعمة فى المطبات فى كل الأجواء،و غاز النيتروجين لايشتعل ولا يتفاعل بسهولة ولايحتوى على اى رطوبة ولذلك فهو يحمي الجنط من الصدأ ويحافظ على الجنط من الداخل من الصدأ و التقشر و من تلف الطلاء المبطن للجنط.
وغاز النيتروجين اخف من الهواء فى الوزن النوعى له و خصوصا ان الهواء وزنه اثقل كمان بسبب احتوائه على نسبة رطوبة بتخلى مجمل الوزن للجنط بالكاوتش وبالغاز والرطوبة اعلى من وزن الجنط بغاز النيتروجين مما يؤثر على نعومة العربية فى المطبات و يؤثر ايضا على صوت المطب داخل صالون السيارة.

مع احترامى للسادة اللى اتكلمو عن الموضوع دة
بس للاسف انا عملتو ومليت بس العربية على السفر معجبتنيش طول عمرى بمسك الدركسيون بأيد واحدة انما لما حطيط نيتروجين كنت حاسس العربية خفيفة جدا وبتتنطط فى المطبات
بس بصراحة داخل المدينة تحفة وجميل فعلا ومبتحسش بالمطبات خالص
انما لا ينصح لكثيرى السفر
ودى وجهة نظرى