بسأل عن بيجو 307

**shadyNBS** · 06-04-2010 07:59 PM

إزايكو يا شباب..
أنا بقالى شهرين بلف وأسأل لغاية ما دوخت وقلت أسأل إخوانا الأفاضل هنا..
أنا عايز أجيب عربيه من 110.000جنيه ل 115.000 وفكرت فى 4 أنواع:
1-سكودا فابيا...............115000 جنيه
ودى 1600cc , F.O./AT , المانى , ثبات على الطريق , توكيل
مساحة الشنطه مش أد كده "300 لتر" , ومحدش أتكلم عليها فى المنتدى
2-كيا سول................116000 جنيه
خليجى,MT,1600 cc , سيارة العام فى دبى 2009
بردو محدش اتكلم عليها فى المنتدى
3-رينو فلونس.............113000 جنيه
MT,1600 cc , أول فئه , واسعه ومريحه
أوروبى يعنى فى المشاوير المؤرفه والشوارع المبهدله هاروح فى أبو نكله
4-وأخيرا حبيبتى بيجو 307
مش محتاجه كلام ..ثبات,أمان,واسعه,تكنولوجيا عاليه
الشنطه يعنى "341 لتر" مش عارف تكون كويسه لعيلة صغيره ولا لأ؟
قطع غيار زى مابسمع غاليه
سؤالى.. هو أنا إختيارى مظبوط لل307 ولا لأ؟
لو مظبوط, إيه المعارض اللى أقدر أكون مرتاح فى المعامله معاها وفيها 307؟
هى العربيه دى تستحمل مطبات بلدنا, مع العلم انى حريص؟

**mmelg** · 06-04-2010 11:25 PM

نصيحة اشتري حاجة الالماني او فرنساوي لو انت نذية وميهمكش القطع غيار هي قطع غيارها غالية بس بتعيش اكتر طبعا ودور وابحث عن الرينو ميجان بصراحة عربية ممتازة جداااا ومش شايف فيها عيوب بس معرفش سعرها كام بس لو سقتها صدقني مش هتعرف تسوق عربية غيرها من حلوتها والله الموفق

**amadjoo** · 07-04-2010 12:46 AM

بس انت بتقارن بين عربيات جديدة كلها وال307 الوحيدة اللى مستعملة

ياترى انت مستعد تركب عربية مستعملة ولا بتدور على جديد؟

حدد إختيارك الأول وإن شاء الله نساعدك على الإختيار

تحياتى