الموضوع: ينفع اوصل صب علي اربعة تشانل؟؟

المشاركة الأصلية كتبت بواسطة Salamonti

أي جي إم في الحياة بمجرد انك تقلبه على مود LPF بيحول نظام الصوت من stereo إلى mono عشان تبقى كل الملفات زي بعض

الف شكر على الرد
المعلومة دى جديده عليا
انت كده حليت لى مشكة الصب ال 8 اوم 2 ملف كل ملف 4 اوم كل ملف عل شانيل تمام كده

المشاركة الأصلية كتبت بواسطة محمد فريد

سؤال خارج الموضوع ل merty
انت جبت جى ام ايه للصب؟

الصب الأولانى مشغله على جى ام مستلفة من واحد صاحبى بايونير 5300 بس ايه 380 وات ارام اس بس ايه حكايه نفسى اجيب واحد زيه

المشاركة الأصلية كتبت بواسطة amrnagy

ايوة انا عايز بقي افهم النقطة ديه كويس
انا عندي الصب البايونير 1000 وات 4 مخارج هوه انا موصله علي جي ام 2 تشانيل بريدج هل لو وصلت المخرجين التانين بتوع الصب برضة علي التشانيل التانية بريدج حيفرق الصوت ولا لا
يعني انهي طريقة توصيل تديني صوت كويس كل مخرج من الصب علي مخرج من الجي ام ولا كل مخرج بريدج علي اجي ام
وياريت شرح بالصور حتي لو رسم كروكي

هات موديل الصب وموديل الجي إم وانا اقوللك على أحسن طريقة للتوصيل تقدر تطلع بيها أكتر باور rms

لا يا عمور الطريقة دي في التوصيل ماتنفعش تتعمل على الصب والجي إم بتوعك ولو عملتها الجي إم ممكن يتحرق أو يبوظ..

للأسف انت عندك الصب والجي إم غير متوافقين

الصب اللي عندك يطلع أقوى باور على جي إم 4 شانيل..

حاليا.. مفيش قدامك حل غير انك توصلهم straight
يعني كل كويل على شانيل في الجي إم اللي عندك
الكويل الأول - في - و + في + والكويل التاني برضه - في - و + في +
(كأنك مركب سماعتين)..

وأي طريقة توصيل غير كده ممكن يكون فيها ضرر الجي إم..


السبب ان الموديل اللي معاك عبارة عن اتنين كويل كل كويل منهم 2 أوم..

فلو وصلتهم توالي هايعملوا واحد أوم ،
والجي إم بتاعك مش stable على واحد أوم وعموما نادر أوي انك تلاقي جي ام ستيبل على واحد أوم
ولو وصلتهم توازي هايعملوا 4 أوم ،
وكده نبقا ماعملناش حاجة لأنك بالاربعة أوم مش هاتخرج الماكسيمم بتاع الجي ام..

99% من اجي امات اللي في الحياة بتخرج أقصى باور ليها عند توصيل 2 أوم على بريدج..
والـ1% الباقيين هما الجي امات اللي stable على واحد أوم.. وبيخرجوا أقصى باور ليهم عند توصيل واحد أوم على بريدج



بص كده على مواصفات الجي إم بتاعي عشالن تفهم قصدي..
سيبك من الماكس وبص على الـ RMS
عندي 2 × 1000 واط لو كنت على 4 أوم = يعني إجمالي 2000 واط
وهاتلاقي 2 × 1650 واط لو كنت على 2 أوم = يعني إجمالي 3300 واط




ماتفكرش تجيب حاجة كده في عربيتك عشان ده كنت حاطه على صبين ألباين تايب R 15 بوصة كل واحد 750 واط rms

ولما كنت باعلي كانوا بيرزعوا جامد كأنهم عاوزين ينفدوا بجلدهم من الجي إم المفتري ده



الخلاصة..
الصب اللي عندك 350 واط rms
بس الجي إم اللي معاك مش مطلع الباور ده على طريقة التوصيل دي (اللي مفيش غيرها قدامك عشان ماتبوظش الجي إم)
عشان كده انت مش حاسس بالصب...

الحل: جي إم 4 شانيل للصب ده
عشان ساعتها تقدر توصل كل كويل على بريدج
وبكده تقدر تحقق المعادلة اللي تطلع بيها أكتر باور (2 أوم على بريدج)



على فكرة كانت هاتفرق معاك جامد لو كنت جبت نفس الصب بس الموديل الـD4

مكانش هايعمل المشكلة دي ومكناش قعدنا نرغي في الحوار ده كله