الموضوع: ينفع اوصل صب علي اربعة تشانل؟؟

المشاركة الأصلية كتبت بواسطة salamonti

يبقى الرد اللي فات ده ينفع لميرتي مش ينفعلك انت ههههههه

انتوا الاتنين لخبطتوني بالصبات بتاعتكم اللي زي بعض ههههه

و آدي يا سيدي الرد الصح بتاعك ماتزعلش

انت كده يا معلم عامل الصب 4 أوم........
وبكده انت بتستفيد فقط بنصف الباور بتاع الجي ام...

لو على نفس الجي ام ونفس الصب أحسنلك توصل كل كويل على شانيل لوحدها.. هاتطلع صوت أحسن

أما لو بدلت الصب وجبت الـd4 يبقى طريقة التوصيل اللي انت عاملها دي هي الصح وهي اللي تطلع أقوى صوت


عمرو وميرتي انتوا الاتنين ركزوا معايا بقى في الكلام اللي جاي ده أوي..
هاجيبلكم الخلااااااااصة...

نتفق سوا الأول ان مود (البريدج على أقل أوم يقدر يتحمله الجي إم) هو أكتر مود بيطلع باور rms..

الصب بتاع ميرتي d4
يعني دوال 4 أوم
الهدف = مود بريدج
البريدج لو عملناه توالي هايدينا 8 أوم
ولو عملناه توازي هايدينا 2 أوم..

في حين ان الجي ام بتاع ميرتي أقل أوم بيقدر يتحمله ويطلع عليه أقصى باور هو 4 أوم..

يعني مود الـ2 أوم لو ركبته يبقى هانبوظ الجي ام
ومود الـ8 أوم لو ركبته يبقى هاتاخد نص الباور اللي طالع فقط



نيجي بقى للعدة بتاعة عمرو..
الصب بتاع عمرو d2
يعني دوال 2 أوم
الهدف = بريدج
لو عملنا بريدج توالي هايدينا 1 أوم
ولو عملنا بريدج توازي هايدينا 4 أوم

عندك بقى الجي ام بتاع عمرو بيطلع أقصى باور على بريدج 2 أوم
يبقى لو وصلت الـ1 أوم هاتبوظ الجي ام
ولو وصلت الـ4 أوم هاتخسر نص الباور اللي طالع..

الحل...

بدلوا الصباتأو بدلوا الجي امات

اسلام باشا مجهود جبار منك ربنا يخليك
عمرو كلمنى وفهمته على الدنيا اللى عندى
وهو حيفكر ويرد عليا
ولما تقابله اكيد حتعرف منه الكلام اللى كان بيننا
الف شكر يا اسلام باشا