التصادق السليم مع محرك السياره

**ahmedsamir5edr** · 30-04-2010 07:25 PM

شكراااا علي ردك يا بشمهندس , و انا لاحظت حاجه غريبه لما غيرت الزيت من شل الأزرق 10w40 الي فيسكو 3000 20w50
و هي ان مؤشر الحراره عند بدايه الدواره .. مع شل كان ممكن ياخد 5 دقائق عشان يتحرك .. انما مع الزيت ده بالكتير 2 دقيقه

هل ده ليـــه تفسير ؟؟
و هل ده معناه ان المكنه بتسخن اكتر مع فيسكو ؟
و هل ممكن يكون سببه ان الزيت في شيل كان في المنتصف .. بينما مع فيسكو علي Max. ؟؟؟؟

و شكرا لسعه صدرك

**samirayad** · 30-04-2010 10:05 PM

هل ده ليـــه تفسير ؟؟

نعم

بسبب فرق اللزوجه وخليك مع فيسكو أفضل للمكنه حاليا
وبالذات لو كنت بدور وتطلع على طول

و هل ده معناه ان المكنه بتسخن اكتر مع فيسكو ؟

لا طبعا

بس حاليا فيسكو 20w50 أو أى زيت من شركه أخرى محترمه

أفضل من شيل الأزرق

ومش مهم لو الحراره زادت حاجه بسيطه ( بسبب فرق اللزوجه )

و هل ممكن يكون سببه ان الزيت في شيل كان في المنتصف .. بينما مع فيسكو علي Max. ؟؟؟؟

لا مش ده السبب

**Ahmed Hassan** · 30-04-2010 10:18 PM

وخليك مع فيسكو أفضل للمكنه حاليا
وبالذات لو كنت بدور وتطلع على طول

شل الأزرق 10w40 و فيسكو 3000 20w50

ازاي فيسكو يكون افضل لو بيدور و يمشي على طول؟ مش الارقام دي بتقول ان شل احسن في بداية التشغيل و في البرد؟

**samirayad** · 30-04-2010 10:47 PM

شل الأزرق 10w40 و فيسكو 3000 20w50

عارف وشايف الأرقام قبل ما أعلق

ازاي فيسكو يكون افضل لو بيدور و يمشي على طول؟

مؤشر الحراره عند بدايه الدواره .. مع شل كان ممكن ياخد 5 دقائق عشان يتحرك .. انما مع الزيت ده بالكتير 2 دقيقه

شوف أخونا بيقول أيه

وأظن القطنه مبتكدبش

يعنى التجربه قدامنا أهه عمليا

مش الارقام دي بتقول ان شل احسن في بداية التشغيل و في البرد؟

نعم هذا صحيح

بس لا ننسى أن شيل وهو بارد بتكون درجة لزوجته 10

والفائده من هذا فقط هو تخفيف حمل الدواره على المارش والبطاريه

والأنسب لهذا ليست الأقطار العربيه ولكن الأقطار البارده مثل الدول الأسكندنافيه مثلا

وعلشان ترفع وتوصل لدرجة اللزوجه وهو ساخن أى رقم 40

بيحتاج وقت بعض الشىء فى مرحلة التسخين وأستقرار حمل المكنه أطول من فيسكو

لأن أضافة تحسين معامل اللزوجه فيه موجوده بنسبه أقل من فيسكو

**ahmedsamir5edr** · 30-04-2010 11:10 PM

متشكررررر جدا يا سمير باشا
و انت فعلا عندك حق تمااااااااااااااااااااااا ااااااااااااااام
العربيه مع فيسكو بتاخد وقت اطول مثلا ب ثانيه زياده عشان تدوررر خصوصا في الصبح بدري ..
علي عكس شيل بتدور من اول تكه

لكن بمجرد ما العربيه تسخن مبيكونش فيه فرق

**samirayad** · 30-04-2010 11:18 PM

العربيه مع فيسكو بتاخد وقت اطول مثلا ب ثانيه زياده عشان تدوررر خصوصا في الصبح بدري ..
علي عكس شيل بتدور من اول تكه

عاوز تتخلص من الموضوع ده برضه

بتاع تقل الدواره والمكنه بارده بالذات

هات دواسة الدبرياج على الأرضيه قبل ماتدور وأنت ممور

وبعد ما المكنه تدور .........سيب الدبرياج بهدوء وسيب المكنه حاجه بسيطه على ماتشد حيلها شويه قبل ماتطلع
بالعربيه

طالما العربيه مانيوال

**Ahmed Hassan** · 30-04-2010 11:44 PM

شوف أخونا بيقول أيه

وأظن القطنه مبتكدبش

يعنى التجربه قدامنا أهه عمليا

مهو اللي مكتوب ده عكس اللي بتقوله الارقام... قطنة ايه بقى؟ انا مناقشتش العضو لانه بيقول رأيه... لكن حضرتك بصفتك مهندس بكلمك على الارقام.

بس لا ننسى أن شيل وهو بارد بتكون درجة لزوجته 10

والفائده من هذا فقط هو تخفيف حمل الدواره على المارش والبطاريه

لا يا استاذ سمير... اللزوجه القليله دي الهدف منها الوصول باسرع ما يمكن لجميع اجزاء المحرك عند بداية التشغيل و بالتالي تقليل الفتره اللي الموتور بيشتغلها و دورة التزييت غير مكتمله و بالتالي الحفاظ مده اطول على الموتور.
لو افترضنا ان اللزوجه الخفيفه هتخفف على المارش و البطاريه زي ما حضرتك بتقول فده يبقى عرض جانبي... بس مش هدف في حد ذاته.

وعلشان ترفع وتوصل لدرجة اللزوجه وهو ساخن أى رقم 40

بيحتاج وقت بعض الشىء فى مرحلة التسخين وأستقرار حمل المكنه أطول من فيسكو

و هوه ليه حضرتك افترضت ان الزيت المفروض يوصل لاعلى حراره مصمم ليها؟

لما تكون المسافه اكبر بين الرقمين ده معناه ان الزيت هيحافظ على خواصه في مدى حراري اكبر.. و ده مش معناه انه هيحتاج وقت اكبر علشان يشتغل صح.

يعني الصح ان شل في الحاله دي هيحمي الموتور اسرع عند بداية التشغيل و في البرد... و هيوصل لاجزاء الموتور اسرع فالعربيه تدور بسهوله و في نفس الوقت المفروض ان العربيه توصل لحرارة التشغيل اسرع من فيسكو (و هنا قصدي ان تجربة العضو بتقول عكس الارقام).

**samirayad** · 30-04-2010 11:52 PM

مهو اللي مكتوب ده عكس اللي بتقوله الارقام... قطنة ايه بقى؟

الله يمسيكى بالخير يا أبله نظيره

ياباشا أنا بأقولك القطنه مابتكدبش
لأن ده واقع قدامنا أهو

وتجربه عمليه واضحه زى الشمس

بيتلاشى أمامها أى تفسيرات نظريه

انا مناقشتش العضو لانه بيقول رأيه

ولا الراجل قال رأيه ولا حاجه

الراجل بيستفسر عن حاجه لاحظها وشافها عمليا على الطبيعه

وعاوز يعرف تفسيرها

لكن حضرتك بصفتك مهندس بكلمك على الارقام.

وأنا بصفتى مهندس ( زى مابتقول )

بأربط بين الأرقام ومالاحظه الزميل

ولو عندك تفسير تانى وضحه

على الأقل نتعرف على حاجه جديده

لأن واضح أن فيه عندك أضافات مش باينه أمامنا

**Ahmed Hassan** · 01-05-2010 12:19 AM

الله يمسيكى بالخير يا أبله نظيره

ياباشا أنا بأقولك القطنه مابتكدبش
لأن ده واقع قدامنا أهو

وتجربه عمليه واضحه زى الشمس

بيتلاشى أمامها أى تفسيرات نظريه

انا معرفش ان ابله نظيره ليها في حسابات لزوجة الزيوت و لا شفت اسمها ولا مره على جركن زيت. بس طالما ان حضرتك شايف ان دي كده تجربه علميه نتيجتها موثقه عن نتيجة كل شركات الزيوت و الهيئات و المؤسسات و ال SEA codes يبقى فلتحيا ابله نظيره.

بأربط بين الأرقام ومالاحظه الزميل

ولو عندك تفسير تانى وضحه

على الأقل نتعرف على حاجه جديده

لأن واضح أن فيه عندك أضافات مش باينه أمامنا

انا ولا عندي تفسير تاني و لا حاجه جديده... و بردو معنديش اضافات لان اللي بقوله ده هوه اللي كل المصادر بتقوله (ما عدا ابله نظيره طبعا)... و على رأي الزميل محمد ممدوح
don't argue with physics

**samirayad** · 01-05-2010 12:36 AM

انا معرفش ان ابله نظيره ليها في حسابات لزوجة الزيوت و لا شفت اسمها ولا مره على جركن زيت. بس طالما ان حضرتك شايف ان دي كده تجربه علميه نتيجتها موثقه عن نتيجة كل شركات الزيوت و الهيئات و المؤسسات و ال sea codes يبقى فلتحيا ابله نظيره.

ههههههههههههههههههههههههه ههههه

دا البركه كلها فى أبله نظيره

و بردو معنديش اضافات لان اللي بقوله ده هوه اللي كل المصادر بتقوله (ما عدا ابله نظيره طبعا)... و على رأي الزميل محمد ممدوح
don't argue with physics

طيب ماترد بحجتك أنت
ومليكش بأه دعوه بمحمد ممدوح ولا غيره

عاوز تتناقش
أتناقش بنفسك وهات حجتك

ده اللى أنا أعرفه

وعلى رأى أبله نظيره

القطنه مابتكدبش

أنت حتى يا أحمد : باشا

مش عارف الزميل
بيقول رأى ولا بيستفسر عن حاجه لاحظها

وأفكرك بمقولتك تلك

انا مناقشتش العضو لانه بيقول رأيه

فيه فرق كبير أوى بين الرأى ...........والأستفسار

طيب ماتناقش الراجل

وتحاوره

وأنا أهو قاعد أتفرج

وأشوف الجديد فى التطبيقات العلميه للمصادر اللى بتقول عليها

و بردو معنديش اضافات لان اللي بقوله ده هوه اللي كل المصادر بتقوله

أين المصادر وتعليقها على ملاحظة الزميل / صاحب الأستفسار

الموضوع: التصادق السليم مع محرك السياره

LinkBack

أدوات الموضوع

عرض

-

-

-

المواضيع المتشابهه

عايز احمى محرك السياره

هل يوجد فرق بين زيت محرك السياره 10/30 و 10/40 ؟

محرك السياره فيه رجفه .

صوت طقطقه اسفل محرك السياره عند المشي للامام السلام عليكم . صوت طقطقه اسفل محرك السي

استفسار عن وجود زيت علي محرك السياره؟

الكلمات الدلالية لهذا الموضوع

المفضلات

المفضلات

ضوابط المشاركة