الموضوع: ربنا كرمنى وغيرت العربيه , دا انا بس مش انا اللى هنا !!

المشاركة الأصلية كتبت بواسطة ahmed0nouh

هو انا مش عارف ارد اقول ايه , بس اسمحلى كلامك جارح وحرق دمى بشكل غير عادى

لو كان الموضوع معجبكش كنت ممكن متردش عليه بس اسلوب التهزيق المتغطى ده ملوش لزمه , ربنا يهدى

وياريت متقوليش مقصدكش علشان اكيد انت مش هيعجبك ارد عليك بباقى عباره بابا جاب موز دى , ولا ترضى ؟؟

أنت بتتكلم بجد ولا ايه ؟؟؟ أنا والله بهزر مش أكتر .. ومش فاهم ايه الجارح في كلامي .. والموضوع بالعكس جميل جداً وعجبني فعلا اسلوبك في السرد .. واضح انك اخدت كلامي على غير مقصده ..

وعلى فكره انا والله ما اعرف حتى باقي عباره بابا جاب موز دي عشان ارضى او لأ !!!!

انا لما قريت الموضوع قولت ايه ده فين بتاع المرور راكب عربيه وبينصح الناس اكيد ده واحد عايش في مكان نضيف وجاي يضيقنا لكن الحمد لله اكتشفت ان كان حلم

المشاركة الأصلية كتبت بواسطة Eng.Sameh

أنت بتتكلم بجد ولا ايه ؟؟؟ أنا والله بهزر مش أكتر .. ومش فاهم ايه الجارح في كلامي .. والموضوع بالعكس جميل جداً وعجبني فعلا اسلوبك في السرد .. واضح انك اخدت كلامي على غير مقصده ..

وعلى فكره انا والله ما اعرف حتى باقي عباره بابا جاب موز دي عشان ارضى او لأ !!!!

هههه يا راجل يا طيب ده مقلب تعمله فيا :) , انا بقى كنت خدت الشحنه خلاص من الردود اللى قبلك ففهمت ردك بالوجه الاخر

معلش بقا يا بشمهندس , هى على فكره فعلا مصطلح قوم يا حبيبى بابا جاب موز خصوصا بابا جاب موز دى معناه مش تمام وتهزيق على مستوى كبير بس انا والله غصب عنى من الرد الهجومى اللى سبقك فهمتها غلط

المهم دلوقتى ان الموضوع عجبك وانسى اللى حصل وحقك عليا لو زعلت

المشاركة الأصلية كتبت بواسطة أبو صلاح

حصل خير يا احمد باشا
أكيد المهندس سامح ما يقصدش المعني اللي في بالك
وانا لما قرأنها قلت اكيد مش يقصد المعنى ده خالص


بس على فكرة يا هندسة هي التكملة بتاعتها وحشة قوي

بس برضه عايز انوه لحاجة هي اصلها بابا بعت فلوس بتاعة سمير غانم

حصل خير يا جماعة

البشمهندس سامح بنى ادم محترم جدا طبعا ودى مش اول مره اشوف ردوده بس هو سياق الردود اللى خلانى اتسرعت فى الحكم على الرد بس هو واضح انه ميعرفش معناها

المشاركة الأصلية كتبت بواسطة bmya

انا برده قلت البشهنددس سامح من الناس المحترمه هنا واكيد ده سوء تفاهم والحمد لله اهو وضح الامور
ياريت احمد باشا يشوف الرد بتاعه عشان الموضوع ينتهي

الحمد لله انه سوء تفاهم , تاعبينك معانا يا شريف بك ردود وبتاع كل شويه

تشرب حاجه ؟

المشاركة الأصلية كتبت بواسطة nomercy22

ههههههههههههههههههههههههه هههههه
جامده جدا

اى خدمه , شكرا على ردك يا فندم

المشاركة الأصلية كتبت بواسطة mohamed_mohsen

أحمد باشا.... أحييك علي موضوعك الرائع....و طريقة العرض الممتازه...و نفسي مصر تبقي فيها حاجه من الكلام ده...بالرغم من الظروف المؤسفه اللي مصر فيها... بس برجع اقول إن لسه فيه أمل... و دوام الحال من المُحال
تقبل تحياتي

محمد بك , ربنا يكرمك على الكلام الجميل ده والف شكر على ردك

وربنا يعدلها لمصر يا باشا :)

المشاركة الأصلية كتبت بواسطة hany_mohamed

موضوع يمس صميم مشاكلنا يا أستاذ أحمد فشكرا لك و كمان شكرا لكل أصحاب الردود لان حتى ولو فيه اختلاف فى الرأى فرأيت لديهم محاولات لازلة سوء الفهم لان الاحترام موجود ومتبادل..

بالتأكيد طبعا كل الاحترام لكل اصحاب الردود المعترض والمؤيد , وكل الاحترام لحضرتك على ردك الجميل ده

شكرا جزيلا

المشاركة الأصلية كتبت بواسطة noon_eg

يسمع من بقك ربنا - على فكره احنا ممكن نبقى كده لو توفرت الاخلاق ثم النيه الصادقه وتبعها عمل دءوب على تحقيق الاهداف الكبيره
مشوار الالف ميل يبدأ بخطوه
كل انجاز كبير يبدأ بحلم صغير

كلامك مظبوط , المهم يا جماعه منفقدش الامل الموضوع كله بسيط والله وممكن يبقى بالصوره دى بس خلال سنه واحده المهم الشقلبه بقا اللى هتوصلنا للطريق ده

المشاركة الأصلية كتبت بواسطة memo_p910

انا من اول سطرين حسيت ان في حاجه كده غريبه
فعلا قصه جميله واقعيه في امريكا وخياليه عندنا

خدت بالى بدرى قوى :) , ربنا يكرمنا ونبقى احسن منهم بس المهم منفقدش الامل

المشاركة الأصلية كتبت بواسطة Eng_Mostafa_89

اول لما دخلت الموضوع
داخل عادى اشوف انت غيرت اللانسر وجبت اية
لقيتك بتتكلم فى ماركات عالية قلت اية المشكلة ربنا يوسع على الناس كلها مش بعيد الماركات دى بعد لما شفنا الكمارو ملاكى

وجينا بقى لاصحابك اللى اتجوزوا وهم عندهم 21 سنة اتصدمت 21 سنة ومتجوزين ازاى دول فى سنى وقعدت افكر وادور فى دماغى يمكن حد من صحابي متجوز ملقتش حتى واحد فكر يخطب
جريت على اول الصفحة اتأكد ان هو دة احمد نوح حببنا
الله دة هو فعلا امال اية اللى حصل يمكن مشي وساب البلد؟؟؟ ولاهو اصلا كان عايش برة ؟؟

بعد كدة دخلنا بقى على التوكيل والصيانة العجيبة قلنا برضة دة ممكن يكون برة مصر مش هنا

جينا بقى لطريق مصر الاسماعيلية اللى كل اسبوع علية رايح جى ومفيش حاجة من اللى انت بتقول عليها دى لا تراك ولا يحزنون
عرفت ساعتها انها الاحلاااااااااااااااااااا ااااااااااام

لا واجمد حاجة عجبتنى بتاع النور المتشعبط على الباب وبينادى نوووووووووووووووووووووووو وووووور

على فكرة ليا قريبى فى كوبري القبة بتاع النور ماشي بصفارة زى الحكم
وماشي يصفر فى الشارع نووور

وبجد موضوعك جامد جدا جداجدا

ههههههههههههههههههههههههه ههههههههههههههههه , يا سلااااااام يعنى هو طريق اسماعيليه دى بس اللى وقفت معاك

بشمهندس مصطفى منور الموضوع والله , وبتاع النور على فكره فعلا بيجيلنا بنفس الوصف واللى بيصفر ده بتاع الفول :)

الف شكر على ردك يا باشا وشرفت الموضوع

المشاركة الأصلية كتبت بواسطة gomangy

احلام يقظة سعات بحلم بيها

يا عالم يمكن تتحقق , قول يارب

المشاركة الأصلية كتبت بواسطة ahmedhilmy

موضوع اكتر من رائع مبيبطلش لف و دوران في دماغنا كل ثانية و حضرتك لخصته بين سطورك ربنا يكرمك عيشتنا الحلم 5 دقايق مدة القراءة و ان كان ده مش واقع مضطرين فعلا نعيشه في عوالم موازية( موازية دي فكرتني برجل المستحيل و ادهم صبري و الرجالة الجامدة دي) علي امل انه يبقي واقع

يا فندم ده شرف ليا وكفايه بس ان الموضوع عجبك وربنا يقدرنا ونقدر نعمل الحلم ده واقع

العوالم الموازيه بقا شغاله معاى كتير شويه اليومين دول علشان متابع Fringe :) , ملحقتش انا رجل المستحيل فى موضوع العوالم الموازيه ده

المشاركة الأصلية كتبت بواسطة محمد عز

بالظبط هوا ده اللى بيحصل بره

واغلبه بيحصل فى دول الخليج

حسره عليكى يامصر

مهى دى المصيبه ان هما اقل مننا فى كل حاجه سواء موارد بشريه او فكر ومع ذلك حققو الحلم , ربنا يقدرنا ونوصل ونقوم الحاجه مصر بالسلامه

المشاركة الأصلية كتبت بواسطة أبو صلاح

يا أخي انت زي ما يكون مسكتني وضربتني في الخلاص ضربا مبرحا
وبعد كده دخلتني على غسالة فول اوتوماتيك وتجفيف وعصر
وبعد كده نشرتني

ايه يا جميل الاسلوب الجامد ده
بس اقولك بقى على اللي في نفسي بصراحة

او لما قرأت بداية كلامك قلت ايه الشاب السيس ده (مع احترامي) وبجد بدأت آخد موقف من شخصيتك خصوصا اني سمعت عنك في مقابلات كتير وناس كتير عارفاك وخصوصا انهم دعوك اكتر من مرة تيجي معانا في مقابلاتهنا لأكل فواكه اللحوم طبعا ساعتها أنا حمدت ربنا اني مشفتكش لان لو حد هيتكلم معايا بالاسلوب ده هتصرف معاه تصرف مش كويس
أرجو متزعلش من كلامي

لكن بعد كده في الربع التاني فهمت الموضوع وأصريت اني اكمله للآخر وبصراحة والله العظيم عجبني اسلوبك جدا وفعلا جيت على جرح كبير في حياتنا لان ببساطة كل اللي انت بتقوله ده واكتر بيحصل في دول الخليج

واحنا هنا في مصر ام الدنيا اكيد برضه عندنا احسن من عندهم

تقبل تحياتي وإعجابي
وبجد عايزين نشوفك بس بدون تناكة ولا قلاطة من دي
ههههههههههههههههههههه

ههههههههههههههههههههههههه ههههه , سيبك انت ده بقى اجمد رد فى الموضوع كله

يا ابو صلاح ربنا يكفينا شر التناكه والتنكين والعيال السيس , والله ربنا يعلم انا حتى كنت بقول لمحمد بك عزت انى عايز اجى بس الايام دى دنيتى متشقلبه وعندى امتحانات فى الجامعه وضغط شغل فمعرفتش اجى بس ربنا يعلم اول ما تيجى الفرصه هرشق على طول معاكم

شرفت ونورت الموضوع يا ابو صلاح

المشاركة الأصلية كتبت بواسطة kh_talaat

صباح التهييس يا برنس

فاضل تقولنا انك بتفكر في الأنتحار زي شباب السويد من كتر وفرة ملزات الحياة وانعدام المشاكل

انا بقول تقوم بقى وتشيل الغطا عشان تلحق تغسل وشك قبل الميه ما تقطع

لا يا باشا لسه لسه , بقولك مفيش تلفريك والمونديو ب 6 الاف جنيه تقولى انتحر

الحياه صعبه جدا هنا

المشاركة الأصلية كتبت بواسطة mohamed_kta

موضوعك فعلاً جميلاً و لنا فى تركيا مثال كان حالهم من 10 سنوات أسوأ مما نحن فيه و دلوقتى من أرقى بلاد لعالم .

- تقريباً كأنك بتوصف الشارع التركى.

- صدقونى مفيش مستحيل لكن لازم انت و انا نبدأنغير أنفسنا و بعدين نبص لغيرنا .

ربنا يقدرنا ونبقى زيهم وفعلا التغيير بيجى من الفرد قبل اى حاجه تانيه ولو حتى قدر الامكان فى اللى اقدر عليه

شكرا على ردك يا استاذ محمد

المشاركة الأصلية كتبت بواسطة mr_sameh

انا لما قريت الموضوع قولت ايه ده فين بتاع المرور راكب عربيه وبينصح الناس اكيد ده واحد عايش في مكان نضيف وجاي يضيقنا لكن الحمد لله اكتشفت ان كان حلم

احنا بتوع المرور عندنا بيشدو مع الشباب ويعاكسو بنات الثانوى وينامو طول الورديه فى المقابر

ربنا يصلح الحال

موضوع جامد أوي يا أحمد باشا

تسلم ايدك بجد