الموضوع: ربنا كرمنى وغيرت العربيه , دا انا بس مش انا اللى هنا !!

المشاركة الأصلية كتبت بواسطة ahmedelzeeny

يا حبيب قلبى مش لازم تقابل النقد بالسخريه بالعكس ممكن تستفيد منه وبتمنى ليك التوفيق مع انى معترض على السخريه فى اسلوبك فى الحوار

يا فندم انا ابدا ما اعترضت على النقد وده هو ميزان اللى بكتبه اذا كان مفيد ولا لا , بس رقم 1 نقد ان حضرتك تقرأ الموضوع لكن نقد موضوع لم تقرأه اكيد مش نقد ناهيك عن انه طلع من وجهه نظرك سمك لبن تمر هندى وتضييع وقت

اتشرف بنقدك فى اى موضوع بالتأكيد طالما نقد بناء اقدر من خلاله اقدم ماده افضل

ومستنى رأيك برده بعد ما تقرأ الموضوع

المشاركة الأصلية كتبت بواسطة ahmedelzeeny

يا سيدى الفاضل ياريت لما تكلم حد اكبر منك فى السن تتكلم بأسلوب احسن من كده لان اسلوب السخريه ده بتاع الاطفال

انا لم اسخر من حضرتك على الاطلاق و ماتكلمتش على حضرتك خالص
انا قلت النقد يكون بناء
و مكلمتش على نقض حضرتك للمقال و كتبت لا تعليق يعنى مش عايز اعلق يعنى غير متفق معاك فى رايك و ده انا حر فيه لان اختلاف الراى لا يفسد للود قضية
لكن انا عمرى ما هسخر من حد سواء اكبر او اصغر منى

هو الموضوع قلب ليه كده ... الراجل بيتمنى البلد تكون زي البلاد اللى الانسان بيتعامل فيها كابني آدم بس بأسلوب مشوق ولذيذ بالاسلوب المصري لما يطلع نكته على حاله الصعب اظن مافيهاش اي مشلكة

No comment

وانا كمان عاوز اطلب واحد no comment

المشاركة الأصلية كتبت بواسطة ahmedsamir5edr

موضوع جميــــل.. تحيا مصــــر

شكرا لمرورك يا استاذ احمد , وتحيا مصر

المشاركة الأصلية كتبت بواسطة Ahmed Galal

موضوع جميل و انا كنت مصدقه فى الاول لحد ما قلت ال m5 خلتنى مش عارف منين بيروح على فين بس تسلم ايدك على الفضفضة ديه

نورت الموضوع يا استاذ احمد , ال M5 استبعدتها علشان مش لاقى حاله نظيفه :)

المشاركة الأصلية كتبت بواسطة Eng.Geo

لخبطتني معاك يا عم الحج
انا شككتني بكذا جملة
انك عندك 21 سنة وصحابك اصغر منك ومتجوزين ( طاب ازاااي ؟ )
والمندوب اللي بيجي تحت البيت
والتراك
وايفو :):)
وكلام كتير كدة
بس بجد احييك علي طريقة كتابتك واسلوبك الممتاز
ربنا ينولك العربيات اللي انت كاتبها كلها وتكون زيرو

صحابى متجوزين من وهما عندهم 12 سنه :) والايفو موجوده والمندوب يمشى , بس التراك دى اللى وسعت قوى فعلا :)

شكرا لردك يا بشمهندس وسعيد ان الموضوع عجبك

المشاركة الأصلية كتبت بواسطة nabaster

يابني انتا بتقول ايه؟؟

بسم الله ما شاء الله 95% من الردود بتأيدك وعجباهم المقال

والي قال كلمه وحشه في حقك الناس ردت عليه في ساعتها

هما اصلا ردين ايتام واحد انا متاكد مليون الميه انه قرا اول سطرين وعقدة الحقد الطبقي اشتغلت

والتاني بلاس وان والدنيا ماشيه معاه

يا ابني انتا بسم الله ما شاء الله عليك موهوب متبصش لصغائر الامور وتتكلم فيها لان ده هيضيع وقتك انتا

ومش معقوله كل مقال هتكتبه هتقعد تشرح فيه ومبرراته وظروفه والكلام ده

وبعدين انا اول سطرين اصراحه كلتهم و كنت هقولك طيب متتوسطلي عند توتو علشان اترقي طالما انتا واصل كده :)

كبر دماغك ومقالتك اصراحه تحفه بس برضه شوفلي موضوع الواسطه ده ههههههههه

A.Yakout

هههههههههههههههه , لا استنى عليا بس اول ما نبدأ شغل فى البرنامج بتاع قطاع الانتاج هكلمك على طول تشتغل معانا بلا توتو بلا كوتوموتو :)

ربنا يكرمك يا ياقوت على كلامك اللى بجد شهاده اعتز بيها , ويارب دايما اقدر اقدم حاجه تنال اعجاب كل الناس

انا بس بوضح وبتكلم هنا لأن نايل موتورز هو مجال تقييم واقعى ليا سواء كان اللى بكتبه حلو او وحش ودى حاجه تهمنى الف مره اكتر من شغلى نفسه علشان اكيد الناس هنا هى الناس اللى بتقرالى فى كل حته , شرفت الموضوع بتواجدك يا ابوحميد

المشاركة الأصلية كتبت بواسطة م/مصطفى محمود

أنا من أول ما قرأت عنوان الموضوع وانا حاسس أن فى حاجه غلط وكل شوية أقول (أكيد يا بيهزر يا عندة واسطة جامده يا أما مش هو ده أحمد نوح اللى أتعرفت علية أمبارح واللى بيكتب ده مش من مصر :d وفى الآخر بدأت الصورة توضح)

بس بجد بجد الموضوع فى الصميم (وبجد الأحلى فية أنه حالم وواقعى ، يعنى محدش من أول جملة قال ده موضوع ساخر صرف ، ولا حد قال أن ده واقع ملموس) ، ربنا يوفقك كده وتبقى زى محمود السعدنى

وبخصوص الحلم نفسة ، فهو قابل للتحقيق وبشكل سهل جدا

فحاجه زى مسألة الصيانة والحجز وأنت فى البيت ، فلو الناس فهمت يعنى أية تسويق ، وأهتموا بالعميل (رغبة فى تحقيق أرباح بجد مش فورية +خوف من المُسائلة) هيعملوا خدمات زى دى وأكتر (بس النقطة أنهم بيعتمدوا على الربح السريع ومش فارقة معاهم الأسم + شوية فساد + شوية خمول مننا بيأدى للحالة دى)

مسألة الحفرة اللى فى الشارع ، فدى برضوا حاجه زى ما وضحت لو أتصلحت أفضل بكتير (وهى دى وظيفة الأحياء والمجالس المحلية+شكوتنا اللى للأسف مبنستخدمهاش)

بخصوص المرور فدى نقطة للأسف المُشكلة الكُبرى من عندنا أحنا (بنحاول نتحايل عليهم بكل الطرق ، بأننا نعرف أماكن الرادارات ، أننا نرشى وأننا نزوغ وحاجات كتيييييييييييير بدعوى الفهلوة)

ومسألة الدفع الإلكترونى فدى من أسهل ما يمكن (وفعلا والله مش عارف أية مُشكلتها فى التطبيق بجد بجد دى حاجه مُريحة وسهلة جدا ومش محتاجة طوابير وممكن تدفع فى أى وقت)

بس بإذن الله هنشوف كل ده ، وقريب أوى كمان ، بجد أحنا جوانا حاجات كتيرة كويسة ، بس مُشكلتنا فى نقطة (يعنى هى جت عليا أنا) وبجد والله لو فى مشروع قومى هتلاقى الوضع أتحسن (وساعتها الناس هيدخلوا الموضوع ده وينتقدوا ردودنا عليك ويقولوا العالم دى كانوا عايشين فين :d :d)

وفعلا يا أحمد متزعلشى لو حد أخد الموضوع على أنه هزار بس ، هما أكيد فهموا المغزى بس رضوا بتهريج بس

وأستمر أستمر

ايوه يا باشا هو انا احمد نوح بتاع امبارح بس انت عارف مبحبش اتكلم عن نفسى :)

احييك بقا على الحته بتاعت ان الكلام ده كله سهل يكون واقع , فعلا كلها حاجات بسيطه قوى بس هتشقلب حال البلد كله والموضوع مش مستاهل اصلاح رأسى على عقبى يعنى

شرفت الموضوع بمرورك يا بشمهندس وشكرا على ردك

المشاركة الأصلية كتبت بواسطة medo2o1o

انا كمان بصيت على محل الاقامة عشان كنت فعلا حاسس انى بقرا حاجة غلط
مش دى مصر يا عبلة
بس اتمنى انها تكون و بالعكس ممكن نكون افضل

انا مستعد اقتل عبله نفسها لو مصر ممكن تبقى كدا , شكرا لردك يا دكتور

المشاركة الأصلية كتبت بواسطة Eng.Geo

كنت عايز اقولك كمان ان من كتر الشك كنت كل شوية ابص علي اسمك الاقيه احمد نوح ونفس لون الكتابة
واشوف نوع العربية الاقيها لانسر طاب ماهو قال انه جاب ايفو ( يمكن لسة مغيرش البيانات )
واشوف مكان الأقامة عشان انت بتقول اماكن غريبة واسعار غريبة
يعني انت قلت المونديو ب 6000 جنيه طاب ازاي ب 6000 ؟؟ يبقي انت مش في مصر طاب ازاي جنيه ؟؟؟؟؟ قلت يمكن في السودان او مثلا في انجلترا بس برده كلامك مايوحيش انك في السودان لأنها بلد فقيرة والكلام بتاعك مافيهوش فقر خالص ولا انجلترا
ربنا يكرمك يا باشا

مكتبهاش علشان الحسد بقا انت عارف :) , المونديو على فكره فى انجلترا فعلا هتلاقيها فى رنج السعر ده بس جنيه استرلينى بقا

المشاركة الأصلية كتبت بواسطة bmya

موضوع جميل ومكتوب باحترافيه شديده
انا كنت متلخبط برده في الاول بس اول ما وصلت لانواع العربيات قلت بس اشتغاله عاليه
بس كملت طبعا بقيت الموضوع وعجبني جداا
تسلم ايدك وفوكك من الناس اللي بترود عشان تزود الردود
من عينه
ضيعت لنا وقتنا و
+111111
لما حضرتك مش فاضي داخل المنتدى ليه اصلا مش فاهم
ردود تحرق الدم
ولا يهمك يا احمد باشا

شريف بك , الله يكرمك على كلامك الجميل ده وربنا يقدرنى دايما على تقديم حاجه كويسه

انا فكيتنى خلاص اهه :) وتسلم يا باشا على مرورك

المشاركة الأصلية كتبت بواسطة momo_sunny

ههههههههههههههههههههههههه هههه
+111111111111111111111
طبعا انا بهظر معاك
بجد انتا فنان موهوب انا كنت لسة امبارح بحلم بحاجات صغيرة من اللى قولت عليها
وقدرت توصل لادق تفاصيل احلام كل مواطن مصرى وبالاخص الشباب
لانى عندى 21 سنة ومستنى الجيش وبفكر هاعمل ايه بعديها والشغل وكدة
انتا انسان محترم
ومتنساناش باحلام تانية زى دى
بس المرة الجاية تبقى لامبورجينى ريفيرتون او بوجاتى فيرون او رولز رويس

الله يكرمك يا مومو , دا انا اللى سعيد جدا ان الموضوع عجبك

وان شاء الله الحلم الجاى هنتكلم عن ال Teleportation :) بلا عربيات بلا زحمه بقا

يادوب تصحى من النوم تلبس وانت على السرير وبعدين فجأه تبقى فى المكتب

المشاركة الأصلية كتبت بواسطة abouleila

اسلوب متميز وفعلا فى كلام كتير ما بين السطور واللى يفهم بقى

بس نسيت تقول ان الاهلى برضه بياخد الدورى فى العالم الموازى

تسلم لمرورك يا استاذ ابو العلا , ولو عايز تعرف اخبار الدورى هناك ممكن ابعتلك لينك يلا كوره العالم الموازى بيقولو مركز شباب حلميه الزيتون خد الدورى

المشاركة الأصلية كتبت بواسطة mody_halawa

والله والله والله انا عملت كدة برضة قلت هو فى اية هو احنا مش عايشين فى البلد تانية ولا اية
هههههههههههههههههههههه

لا هى مصر , بس لما ندلق عليها مطهر من فوق ونتخلص من الجراثيم اللى فيها

نورتنا بمرورك يا مودى بك

المشاركة الأصلية كتبت بواسطة korkor

ياخوانا الموضوع يندرج تحت الكوميديا السوداء مش مستاهل كل الخناقات دى اللى مش عاجبه الموضوع هو حر مش لازم كل الناس تعجبها كل حاجه لازم يبقى فى اختلاف فى وجهات النظر ولكن فى النهايه الموضوع يوجع القلب ويخلى الواحد مش عارف يعمل ايه ولا يروح فين ربنا يرحمنا من عنده

ان بعد العسر يسرا , ربنا يصلح الحال ان شاء الله لا تفقد الامل

المشاركة الأصلية كتبت بواسطة abogogo

هو الموضوع قلب ليه كده ... الراجل بيتمنى البلد تكون زي البلاد اللى الانسان بيتعامل فيها كابني آدم بس بأسلوب مشوق ولذيذ بالاسلوب المصري لما يطلع نكته على حاله الصعب اظن مافيهاش اي مشلكة

+1

ربنا يباركلك على التوضيح

المشاركة الأصلية كتبت بواسطة eng.octooo

وانا كمان عاوز اطلب واحد no comment

بالجنبه ولا بالعسل :) , اقف فى الطابور بعد اذنك !!

ههههههههههههههههههههههههه هههههه
جامده جدا