ربنا كرمنى وغيرت العربيه , دا انا بس مش انا اللى هنا !!

**ahmedsamir5edr** · 10-04-2010 04:48 PM

موضوع جميــــل.. تحيا مصــــر

**Ahmed Galal** · 10-04-2010 04:54 PM

موضوع جميل و انا كنت مصدقه فى الاول لحد ما قلت ال m5 خلتنى مش عارف منين بيروح على فين بس تسلم ايدك على الفضفضة ديه

**Ahmed Nouh** · 10-04-2010 04:55 PM

انا بصراحه مستغرب من تناقض الردود , يعنى العادى ناس عاجبها وبترد وناس مش عاجبها فمش بترد

لكن رد الفعل العنيف والهجومى من عده ردود فى الموضوع خلانى اعتقد ان الموضوع اتفهم غلط , ولو انى واثق ان اللى فهم غلط مكملش الموضوع للأخر ودى عاده منتشره يعنى ومش جديده علينا كمصريين بناخد وش الحكايه ونتخيل الباقى

انا مش عيل صغير قاعد بيحلم بعربيه جامده يتمنظر بيها , ولا شاب قاعد على قهوه ضربته شهاده الحكومه على قفاه انه اتعلم وفى الاخر مبقاش لاقى شغل ولا حتى قاعد فى عشه وبحلم ببيت بجنينه

انا كنت بحلم للبلد , حال مواطن ميسور ويوم طبيعى لو كل واحد فى مصر عمل شغله كما ينبغى هيتحول من مجرد كلام على ورق الى واقع , شركات ناجحه بأداره واعيه وصحافه حره بتقدم ماده محترمه وحكومه عادله بتخاف على البلد وتطورها وشعب كله بيراعى ضميره كما ينبغى واستغلال موارد مهمه فى مصلحه الشعب وتسخير جهود الشباب فى رفع شأن البلد

اللى كتبته بشكل عام حلم بلد بعرضه من شباكى الخاص كفرد من البلد دى , واحترم كل من ينقد او يعارض او يوافق على الكلام ده علشان ببساطه احنا كلنا البلد دى بحلوها ومرها

ويارب تكون الفكره وصلت

**Eng.Geo** · 10-04-2010 05:24 PM

لخبطتني معاك يا عم الحج
انا شككتني بكذا جملة
انك عندك 21 سنة وصحابك اصغر منك ومتجوزين ( طاب ازاااي ؟ )
والمندوب اللي بيجي تحت البيت
والتراك
وايفو :):)
وكلام كتير كدة
بس بجد احييك علي طريقة كتابتك واسلوبك الممتاز
ربنا ينولك العربيات اللي انت كاتبها كلها وتكون زيرو

**nabaster** · 10-04-2010 05:24 PM

المشاركة الأصلية كتبت بواسطة Ahmed0Nouh

انا بصراحه مستغرب من تناقض الردود , يعنى العادى ناس عاجبها وبترد وناس مش عاجبها فمش بترد

لكن رد الفعل العنيف والهجومى من عده ردود فى الموضوع خلانى اعتقد ان الموضوع اتفهم غلط , ولو انى واثق ان اللى فهم غلط مكملش الموضوع للأخر ودى عاده منتشره يعنى ومش جديده علينا كمصريين بناخد وش الحكايه ونتخيل الباقى

انا مش عيل صغير قاعد بيحلم بعربيه جامده يتمنظر بيها , ولا شاب قاعد على قهوه ضربته شهاده الحكومه على قفاه انه اتعلم وفى الاخر مبقاش لاقى شغل ولا حتى قاعد فى عشه وبحلم ببيت بجنينه

انا كنت بحلم للبلد , حال مواطن ميسور ويوم طبيعى لو كل واحد فى مصر عمل شغله كما ينبغى هيتحول من مجرد كلام على ورق الى واقع , شركات ناجحه بأداره واعيه وصحافه حره بتقدم ماده محترمه وحكومه عادله بتخاف على البلد وتطورها وشعب كله بيراعى ضميره كما ينبغى واستغلال موارد مهمه فى مصلحه الشعب وتسخير جهود الشباب فى رفع شأن البلد

اللى كتبته بشكل عام حلم بلد بعرضه من شباكى الخاص كفرد من البلد دى , واحترم كل من ينقد او يعارض او يوافق على الكلام ده علشان ببساطه احنا كلنا البلد دى بحلوها ومرها

ويارب تكون الفكره وصلت

يابني انتا بتقول ايه؟؟

بسم الله ما شاء الله 95% من الردود بتأيدك وعجباهم المقال

والي قال كلمه وحشه في حقك الناس ردت عليه في ساعتها

هما اصلا ردين ايتام واحد انا متاكد مليون الميه انه قرا اول سطرين وعقدة الحقد الطبقي اشتغلت

والتاني بلاس وان والدنيا ماشيه معاه

يا ابني انتا بسم الله ما شاء الله عليك موهوب متبصش لصغائر الامور وتتكلم فيها لان ده هيضيع وقتك انتا

ومش معقوله كل مقال هتكتبه هتقعد تشرح فيه ومبرراته وظروفه والكلام ده

وبعدين انا اول سطرين اصراحه كلتهم و كنت هقولك طيب متتوسطلي عند توتو علشان اترقي طالما انتا واصل كده :)

كبر دماغك ومقالتك اصراحه تحفه بس برضه شوفلي موضوع الواسطه ده ههههههههه

A.Yakout

**eng.octooo** · 10-04-2010 06:12 PM

يا عينى يا اوكتو , دا انت مشيت مع الموضوع للأخر بقا :)

يا سيدى الجماعه بتوع العالم الموازى دول عليهم حاجات عجيبه

ههههههههه اناو الله قلت

هوة دة احمد نوح الى نعرفة ولا واحد متشابة معاة فى الاسم

وفضلت مع الموضوع لحد الاخر وانا مش مقتنع بية اصلا ولما عرفت انة مذكرات احلام اليقظة ضكت بصوت هيستيرى وصحيت البيت كلة على الفجر ههههههههههه

**medo2o1o** · 10-04-2010 06:21 PM

المشاركة الأصلية كتبت بواسطة eng.octooo

هههههههههه وانا والله وعمال اقول

هيا شركة اية دى الى بتوصلك العربية وكمان الدفع الكترونيك
ولا معارض اية الى بعمل فيها تيست درايف دول بيخلونا نعدى قدامها بالعافية
ومونديو ب 6 الاف ومستغليها
وخدمات المرور بقت اليكترونيك

ههههههههههههههههههههههههه ههههههه انا بصيت لمحل الاقامة قلت يمكن برة مصر

انا كمان بصيت على محل الاقامة عشان كنت فعلا حاسس انى بقرا حاجة غلط
مش دى مصر يا عبلة
بس اتمنى انها تكون و بالعكس ممكن نكون افضل

**eng.octooo** · 10-04-2010 06:30 PM

بس اتمنى انها تكون و بالعكس ممكن نكون افضل

بجد اتمنى...

**Eng.Geo** · 10-04-2010 06:32 PM

المشاركة الأصلية كتبت بواسطة Eng.Geo

لخبطتني معاك يا عم الحج
انا شككتني بكذا جملة
انك عندك 21 سنة وصحابك اصغر منك ومتجوزين ( طاب ازاااي ؟ )
والمندوب اللي بيجي تحت البيت
والتراك
وايفو :):)
وكلام كتير كدة
بس بجد احييك علي طريقة كتابتك واسلوبك الممتاز
ربنا ينولك العربيات اللي انت كاتبها كلها وتكون زيرو

كنت عايز اقولك كمان ان من كتر الشك كنت كل شوية ابص علي اسمك الاقيه احمد نوح ونفس لون الكتابة
واشوف نوع العربية الاقيها لانسر طاب ماهو قال انه جاب ايفو ( يمكن لسة مغيرش البيانات )
واشوف مكان الأقامة عشان انت بتقول اماكن غريبة واسعار غريبة
يعني انت قلت المونديو ب 6000 جنيه طاب ازاي ب 6000 ؟؟ يبقي انت مش في مصر طاب ازاي جنيه ؟؟؟؟؟ قلت يمكن في السودان او مثلا في انجلترا بس برده كلامك مايوحيش انك في السودان لأنها بلد فقيرة والكلام بتاعك مافيهوش فقر خالص ولا انجلترا
ربنا يكرمك يا باشا

الموضوع: ربنا كرمنى وغيرت العربيه , دا انا بس مش انا اللى هنا !!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الحمد لله ربنا كرمنى وجبت جيب شيروكى 96

باركولى يا جماعه الحمد لله ربنا كرمنى وجبت ندى

ربنا كرمنى وهاركب زىرو مين يشترى

ربنا كرمنى و الحمد لله استلمت الصنى

الحمد لله ربنا كرمنى بلانسر وبقيت لانسراوى زيكم

الكلمات الدلالية لهذا الموضوع

المفضلات

المفضلات

ضوابط المشاركة