الموضوع: الـ كروز بتبطل !!!!!

المشاركة الأصلية كتبت بواسطة mhmdalsaadany

ربنا معاك ويصبرك بس المهم انت اخدت ورق استلام العربية من التوكيل اللي هو بيكون فية مكان الخبطات والعداد وكدا عشان لما تيجي تستلم هيكون مهم دا ممكن يصلحوا العيب وتاخد عربية تانية عشان اللي عملوة في عربيتك يعني يعملوا بيها 15000كم ويقلك بقت تمام لأ خليهلهم وخد غيرها وربنا معاك ويعديلك اليومين دول علي خير

معايا صور أنا مصورها للورق بالتليفون
لأن زى ما أنا قلت أنهم مش بيسلموا أمر الشغل اللى بيبقى مكتوب فية الكلام دة

المشاركة الأصلية كتبت بواسطة tweety26980

اخي الكريم اتمنى انك كنت قلت

اللهم اجرني في مصيبتي واخلفني خيرا منها

وحسبي الله ونعم الوكيل في كل من ظلمك

ولكن اعمل اللي عليك وخد قرار انك لو ماتصلحتش المرادي يااخي خد اجراءاتك

ولو من هذه الاجراءات انك تكلم برنامج 90 دقيقه وتفضح من صور واعلاناته اللي بيقول فيها

ياريت كل حاجه شيفروليه

لا اله الا الله

على فكره انا عارف توكيل شيفروليه كويس لاني كان معايا افيو وبعتها والحمد لله

تحياتي

أنا فعلا هكلم برنامج 90 دقيقة أن شاء الله
و لو العاشرة مساء كمان يبقى كويس أو عمرو أديب
بس لو حد يساعدنى فى أيميلاتهم
أو مراسلات البرنامج يبقى جزاة الله كل الخير

المشاركة الأصلية كتبت بواسطة fahmy

ربنا يعينك فعلا انتا حظك طلع وحش فى العربية دية

قدر الله ما شاء فعل

المشاركة الأصلية كتبت بواسطة profpen

ياجماعة أنا كنت ناوى أشترى عربية جديدة وبدأت أعمل دراسه حوالى 4 شهور مابين سمعة التوكيلات وسعر العربيات وقطع الغيار وخدمة مابعد البيع ونظام شوارعنا الى السواقة فيها بالدراع والمطبات فيها مبترحمش وأجبها منوال ولا أتوماتيك وغييره---المهم مطولش عليكم مالقيتش حاجة متفقة مع التانية قلت لنفسى خلاص مش جايب عربية وبلاش وجع دماغ وهستنى شوية يمكن الحال يتحسن ونبقى كدة زى أوروبا الواحد يجيب العربية اللى فى بالة ويفرح به بدل مايخبط دماغة فى الحيطة

أنت كدة ريحت دماغك يا تشترى نيفا هى الحل
هههههههههههههه
معلش بس هى د اللى تنفع مصر

المشاركة الأصلية كتبت بواسطة mohamed_7amo

مش عارف اقولك اية بصراحة ربنا معاك

مشكور أخى الكريم

المشاركة الأصلية كتبت بواسطة nadenono

ممكن - أقول ممكن إني أساعدك جدا لو توفر لي الثلاثة أشياء التالية
أولا الرسم التخطيطي الخاص بدوائر و توصيلات الكهرباء و التحكم الخاصين بالسيارة
control harness schematic.
ثانيا ملخص الألارمات التي تم تسجيلها بجهاز اللوجر الذي يتم توصيله بالسيارة و ذلك لحظة الفصل
alarm summary during fault
ثالثا بيانات أحد مهندسي الكهرباء و وسيلة الإتصال به على شرط أن يكون من الذين شاركوا في بحث مشكلتك

أنا أعلم تماما أن استخلاص هذه الطلبات من شركة منصور هو المستحيل بعينه في الأوقات العادية. ولكني أعول على احتياجهم لأي مساعدة خارجية و خاصة إذا ما قمت أنت بالضغط عليهم. برجاء المحاولة و مراسلتي على البريد الإليكتروني.

wh31@lycos.com

أولا أحب أن أشكرك على أهتمامك و جديتك فى المساعدة
بس للأسف منصور لغاية دلوقتى مش معاة أى جداول رسم
أو بمعنى أصح خريطة الأسلاك
يعنى بيشتغل كدة أجتهاديا و دة اللى هيجننى

المشاركة الأصلية كتبت بواسطة د.محمود صلاح

هل توصلوا لحل ؟

للأسف لا جديد حتى الأن
أخر الأخبار أنى أخدت العربيةلأنى زهقت
لا جابوا العربية اللى كانوا بيقولوا عليها
و كدة كدة العربية مش بيتعمل فيها أى حاجة

بس يا جماعة المفاجأة بقى لما أستلمت العربية من التوكيل
طبعا مقلب زبالة
كلها تراب و برة و جوة
و مركونة جنب فرن الدهانات بمافيش 30 سم
و أخدتها و مشيت
و المفاجأة
العربية مطرح أيد حد معلمة فى غطاء كبوت العربية
يعنى حتى من الصاج مطبقة
و فى خبطة فى عتب العربية من ناحية اليمين تحت المرايا
و جارح العربية جامد كمان
و دى ناحية الفرن اللى كانت راكنة جنبة
مش بانت غير بعد الغسيل
بجد حسبى الله و نعم الوكيل

المشاركة الأصلية كتبت بواسطة hany121

أبدا مع حمايه المستهلك من دلوقتي وانسي اللي قبل كده طالما متخوف من عدم وجود امر شغل معاك..

حماية المستهلك بتجبر التوكيل يغير العربيه لو دخلت التوكيل 3 مرات لاصلاح عيب ولم يستطيعوا اصلاحه واعتقد في حالة عربيتك (الكروز المانيوال ) العربيه لو دخلت عندهم 10 مرات مش هيعرفوا يصلحوه..

ولازم تركز في شكوتك لحماية المستهلك ان العيب ده بيهدد حياة قائد السياره ومن بداخلها .. وتستشهد بالحادثه اللي حصلتلك..

ولما حماية المستهلك تحولك للتوكيل علشان يصلح العيب لو العيب ظهر تاني وانت خارج من التوكيل ما ترجعش للتوكيل وانما تروح تركن العربيه يومين وترجع لحماية المستهلك تقولهم العيب رجع تاني علشان تستنفذ الثلاث او اربع مرات السماح اللي حمايه المستهلك بتديهم للوكيل قبل ما تطالبه بارجاع السياره او تبديلها..

يا سيدى الفاضل رحت حماية المستهلك و أشتكيت أكثر من مرة
و لا حياة لمن تنادى

المشاركة الأصلية كتبت بواسطة mazagangee

دي مصيبة
عملت ايه ؟

زى ما قلت أخى الكريم
أدينى بكلم جينرال موتورز تانى و بدور على إيميلات أحد البرامج

المشاركة الأصلية كتبت بواسطة hany121

انا اسف لاني كتبت الرد ده قبل ما اكمل قراية الموضوع للاخر..

انا لو منك ما كنتش وافقت علي الحل ده واسف اني اقولك ان زوقك الزياده معاهم هو اللي جرأهم عليك في الاتي..

- مفيش حاجه اسمها المده مفتوحه خصوصا لما يكون العيب ظهر معاهم وشافوه مش بيجربوها لحد ما يظهر يعني المفروض يحلوا المشكله ويصلحوا العيب في يوم واحد..

- المده المفتوحه ده معناها انهم مش عارفين حل المشكله وفي الحاله ده يبقوا ملزمين يرودولك فلوسك او يدولك عربيه غيرها وياخدوا عربيتهم يجربوا فيها براحتهم مش يعملوهالك فار تجارب. ولما قالك ممكن سنه كان لازم بعدها بثانيه يكون صباعك في عينه.

- المفروض العربيه البديله تكون نفس نوع وموديل عربيتك..

- انا من رأيي انك تقولهم الكلام ده وتصمم عليه وترفض ترك السياره وتكلم حماية المستهلك وتبلغهم باللي عايزين يعملوه وانك رافضه وتاخدها وتروح تعملهم محضر وتتجه للمحاكم لانك لو وافقت عليه هتاخد عربيتك بعد ما تكون بقت توك توك..

وياريت لو تعرف توصل لاي برنامج من برامج ال talk show وتعرض مشكلتك حتي لو عن طريق الايميل وخصوصا لمحمود سعد..

مشكور أخى الفاضل بس أنا مش عارف أول لأى أيميل من البرامج التلفزيونية
اللى توصلنى لكدة

المشاركة الأصلية كتبت بواسطة eng_ahmedryad

بصراحة ومن غير زعل ، أنت اللي مخليهم يعملوا فيك كده ، يعني لو كنت من الأول ورتهم النجوم في عز الظهر ، ماكنوش أخدوا مشكلتك بالأستهتار ده ، وبرضه لحد دلوقتي ماخدتش إجراء قوي ضدهم ، يبقى قول على فلوسك وعربيتك السلام ...

ربنا يقوينا و أكيد فى محولات تانية شغالة و ربنا ييسر لى و لكم الحال

المشاركة الأصلية كتبت بواسطة eng_mostafa_89

يا باشا طمنا وصلت لفين فى حماية المستهلك
وياريت لو رحت جلسة ابقى طمنا

و الله يا جماعة أول بأول بتابع معاكوا
بس أنتوا عافين الأجازة دى معطلة الدنيا شوية

المشاركة الأصلية كتبت بواسطة king1974

المشكلة فى مصر هى خراااااااب الذمم والضمائر الميتة طول ما فى ناس زى منصور شيفروليه سمعة شيفروليه هتنزل فى الطين لكن انت دلوقتى لازم تصعد الأمر الى النيابة العامةوترفع قضية لأن السيارة دى لازم تغير

ربنا المستعان
لو كدة بكرة أن شاء الله أعمل محضر

المشاركة الأصلية كتبت بواسطة m7amd_7amdy

انا متابعك من أول الموضوع وقلبى معاك ومستاء جدااا من اللى حصلك

بس اسمحلى أقولك انك مؤدب معاهم زيادة عن اللزوم وشايفك هااادى جدااا وزى ميكون دى مش عربيتك او فلوسك اللى بيحصل فيها ده , معلش متزعلش منى انا مخنوقلك والله

على العموم خليك وراهم واعمل اى حاجة تقدر عليها وياريت تشوف محامى يرفعلك قضية وتطالب بتعويض "متسكتش"

أنما بخصوص ردك المقتبس ده فأسمحلى حضرتك غلطان فيه ومش صح

حضرتك مجربها ازاى؟ وال 128 تبقى أحسن منها أزااااى؟؟ انت كده بتخسف بيها الأرض (طب ده كلام؟)

انا بكلمك كمالك للعربية مش واحد سمع او حد قاله

يعنى انا مجربها على جميع الظروف وبسافر كتير جداا وبجيب سرعات عالية جداا والعربية بسم الله ماشاء الله ولا كلمة

( خد بالك انا مش محموق من كلامك ولا حاجة انا بس بوضح الحقيقة عشان اللى يقرأ كلامك ده يفكر ان السيراتو أى كلام ومجرد شكل زى مانت قولت) فأنا بوضح مش أكتر

لو حضرتك كده تفضلت مشكورا تاخد لفة فى منتدى كيا هتلاقى مواضيع كتير وتقيمات للعربية وشوف الملاك اللى بيتكلموا مش اللى بيسمع كلمة ويجى يقولها وهتعرف إذا كانت شكل ولا عربية تستحق الإحترام :)


تحياتى

مشكور أخى الكريم على ردك و متابعتك للموضوع
بس دى أقصى حاجة كنت أقدر أعملها
لأنى مهما حصل قلة الأدب مش بتجيب نتيجة خصوصا مع الناس
و بالنسبة لموضوع السيراتوا متزعلش أنا مش أقصد أى أساءة للسيارة
أنا كل قصد كلامى أنى فى سيارات تانية أفضل بكتير خصوصا على السرعات
و فى مطبات الهواء ولو فعلا معاك سيراتوا يبقى أكيد فاهم أنا بتكلم على أية
و مرة تانية متزعلش

المشاركة الأصلية كتبت بواسطة zakiali

جشع وطمع .. مينفعش التوكيل يخسر سحتوت لازم يمص دمك لاخر قطرة وهو ميخسرش شعراية واحده

هو دة منصور
و هى دى مصر

المشاركة الأصلية كتبت بواسطة mmtronic

لا كمان دة يدل على ان العيب مش فى 5 عربيات بس دول اكيد اكتر من كدة بكتير


على العموم ربنا مبيسيبش - اهه كل يوم الموضوع دة مفتوح - شوف بيخسرة قد اية و بيطير منة ناس قد اية ممكن يكونو ناويين يشترو العربية

هو مش بقى فارق معاة الناس أساسا
هو فاكر أن بقى فوق أن حد يتكلم علية

المشاركة الأصلية كتبت بواسطة mohjersy

شكراااااااااااا جزيلا
انا كنت بفكر فى الكروز مانيوال وشكلى مش هاجيب لا مانيوال ولا اوتوماتيك
ربنا يبشرك بالخير ويعوض عليك باحسن منها

و الله أنا قلت فى التوكيل العربية فعلا خسارة لو مش فيها العيب دة و لو موتورها أكبر شوية
كان زمنها قنبلة بجد

غريبه المشكله دي بجد
بس خلي بالك المشكله الاساسيه انها من منصور
وعربيات منصور كلها هباب
العربيه هنا ماشيه زي الفل اهي ومفيش مشاكل منين المشكله دي مش عارف منه لله السبب

باشا هسألك ان شاء الله تعمل اية وتروح فين فى حماية المستهلك
ان شاء الله
بس للاسف مابنقابلش اللجنة غير يوم السبت بس
وان شاء الله لو قابلت المسؤل عن فحص العربيات هسألهولك علطول
وربنا يقدم اللى فية الخير

يا باشا انا قريت الموضوع كامل مشاركه مشاركه
وبجد ربنا يكون فى عونك

لو انت عندك وقت ومش هيجى على حساب شغلك أمشى فى موضوع المحاميين دول
ولازم يكون محامى فتك يلعب بالبيضه والحجر عشان يعرف يجبلك حقك ولازم تطالب بتعويض واتفق مع المحامى على نسبه عشان يكون همه على القضيه
هى دى الطريقه إلى ممكن تنفع معاهم
او حاول تجيب أرقام الخمسه التانيين من حمايه المستهلك وتتفقوا هتعملوا ايه مع التوكيل ده وتكون قضايا مجمعه وكل واحد لوحده
عشان الموضوع يكون كبير والتوكيل يحس بيكوا

والله يكون فى عونك ويبدلوا العربيه و تاخد تعويض كمان
هوه "التوكيل " مش بيجيب العربيه ببلاش ولا هيرجعها ببلاش
كده كده الشركه الأم هى إلى هتتحمل المسؤوليه يبقى ليه يظلم المستهلك بن بلده