ملاك الصني الكرام ممكن ارائكم؟؟

**hany_mohamed** · 15-04-2010 10:54 AM

المشاركة الأصلية كتبت بواسطة amir

شوارعنا في مصر بصراحه ربنا عايزه حته لادا نيفا و تدوس علي خلق الله!!!
و علشان ارض مصر الحلوه فالتيجو و التيريوس في دماغي
انما بخصوص عفشه السوبر صالون و مناسبتها لشوارع المحروسه فانا الحمد لله معنديش مشاكل مع العفشه بس بتصعب عليا العربيه و انا صبح و ليل معدي علي حفر و بلاعات و اللي بيمشي في مصطفي النحاس مكرم عبيد اوتوستراد المنيل القصر العيني فلنكات اكتوبر عارف كويس الطرق دي عامله ازاي غير بقي باقي المشاوير المتنطوره علي ارضنا الحبيبه
و كويس انك قدرت موضوع تحديث الموديل اللي الناس مش واخده بالها منه قوي في حالتي و لو ان العربيه مش المكان المناسب اني استثمر فيها في بلدنا بس برضو اهي قيمه مختزنه في العربيه و في اي وقت تتباع و تجيب فلوس و كونها بقت شكل قديم فده اثر علي سعرها اكيد في السوق "مع ان الشكل المسمي جديد مش تجديد غير في الفوانيس و الشبكه بس اهو تجديد خلي الناس اللي بتتكلم عن الصني ان بقالها سنين علي نفس الشكل و مسمعناش منهم كلمه علي اللانسر بومه ولا اللانوس !!!"
و بعدين مين بس اللي مزعلك دكاتره السنان كلهم؟!!!
طب انا زعلتك في حاجه؟!!!!
شرفني بس في العياده مره واحده و بعدين تبقي تحكم عليا

و ربنا يسهل و ان شاء الله اقدر اجي المقابله اللي هتكون اول مره ليا اتشرف بيكم و كان نفسي اجي من زمان بس كل مره الظروف تحكم

موضوع دكاترة الاسنان ده شرحه يطول مش عايزين نبعد تركيزك عن موضوع اختيار سيارتك
الجديدة وان شاء الله لما نتقابل ابقى احكي لك ...
ياريت كمان تدرس السيارة الكيا الكارينز لى اصدقاء معاهم و زى الفل بس معاهم من فترة قريبة يعنى ما أقدرش اعطيك تفاصيل كتير عنها ...

بالنسبة لمقابلة المنتدى انا اللى اتشرف بمعرفتك يا دكتور وربنا يديم المحبة .

**م.محمد علاء** · 15-04-2010 05:36 PM

المشاركة الأصلية كتبت بواسطة ahmadkamal

أما بالنسبة للتويوتا مش للدرجة دي الصني بالنسة لي أحسن للثبات و السرعة العالية

والله أعلم

لأحمد كمال

ثبات العربيه و السرعات العاليه؟؟مش دايما هو اللى بيشد الواحد للعربيه..
العربيات الجيب فى مصر مش عشان الطرق الصحروايه...لأ الواحد بيجيبها عشان عربيه فخمه..
هل بتكون ثابته؟؟؟
الثبات عند السرعات العاليه ميزه خاصه بالعربيه..
بس مش معناه ان لو دى متفوقه عن دى يبقى معناه ان دى أحسن من دى.؟
كرأى شخصى

**mohamedhamam** · 16-04-2010 10:17 AM

دكتور أمير الأفضل أن تحتفظ بسيارتك الحالية و بخاصة أنها الحمد لله بحالة جيدة و ركز فى حاجة تانية أهم و علشان تحسم قرارك هات ورقة و قلم و إكتب أهدافك إيه خلال المرحلة القادمة مثلاً الزواج ، أكبر العيادة ، أغير العربية و هكذا لحد ما تكتب كل أهدافك التى تتمنى و تسعى لتحقيقها خلال الفترة القادمة ثم قم بترتيبها الأهم فالأهم و إبدأ بالتنفيذ بعد التوكل على الله بنفس الترتيب اللى إنت رتبته و ربنا يقدملك كل ما هو فيه خير

**handasa** · 18-04-2010 03:45 PM

جيتس شكلها حلو
امكانيات جميلة
ضمان غبور (مركز صيانة كتييييييير)
سعرها انا شايف انه كتير شوية

بص على كيا بيكانتو
سعر تمام امكانيات تمام
شكل تمام
بحبها

**handasa** · 18-04-2010 03:47 PM

بس انا لو مكانك حجيب فليشيا 2001
وانت مجرب الفليشيا وعارف هى ايه

**YoussefMostafa** · 18-04-2010 09:14 PM

دكتور امير البونتو كلاسيك نزلت تاني ب 70 الف بس من غير جنوط وفوج لايت

**amir** · 18-04-2010 09:30 PM

المشاركة الأصلية كتبت بواسطة aymenseef

والله يا دكتور امير انا برضه بقالى فتره بفكر اغيرالعربيه
ومحتار ومش عارف هل الخطوه دي صح فى الوقت ده ولا غلط
والصنى برضه مريحاني بس انا مبحبش الاوتوماتيك
هوا ده بس اللى مش عاجبني فيها
وزيك برضه بعشق الهاتش باك
بس مستبعد البونتو عشان مع واحد صاحبي وبسوقها كتير قعدتها مش مريحه وموتورها ضعيف بالنسبه للصنى (انا معرفش انزل من موتور قوي لاضعف منه )
بفكر فى حاجه هتشباك وموتور 1600 سي سي
انا حاسس ان احنا هنندم على الخطوه دي

تفتكر لو سيبنا الاوتوماتك و انا بتكلم كوني ساكن في القاهره و رجعنا للمانيوال هنكون سعداء ولا تعساء؟
و بالنسبه لاحساسك فردي عليه يا خوفي يا زيدان!

المشاركة الأصلية كتبت بواسطة eng:mohamed

ثبات العربيه و السرعات العاليه؟؟مش دايما هو اللى بيشد الواحد للعربيه..
العربيات الجيب فى مصر مش عشان الطرق الصحروايه...لأ الواحد بيجيبها عشان عربيه فخمه..
هل بتكون ثابته؟؟؟
الثبات عند السرعات العاليه ميزه خاصه بالعربيه..
بس مش معناه ان لو دى متفوقه عن دى يبقى معناه ان دى أحسن من دى.؟
كرأى شخصى

اللي بيشد الواحد للعربيه لو كييف عربيات بتكون حاجات كتير قوي مختلفه مش شرط تكون واحده عند الناس كلها

المشاركة الأصلية كتبت بواسطة mohamedhamam

دكتور أمير الأفضل أن تحتفظ بسيارتك الحالية و بخاصة أنها الحمد لله بحالة جيدة و ركز فى حاجة تانية أهم و علشان تحسم قرارك هات ورقة و قلم و إكتب أهدافك إيه خلال المرحلة القادمة مثلاً الزواج ، أكبر العيادة ، أغير العربية و هكذا لحد ما تكتب كل أهدافك التى تتمنى و تسعى لتحقيقها خلال الفترة القادمة ثم قم بترتيبها الأهم فالأهم و إبدأ بالتنفيذ بعد التوكل على الله بنفس الترتيب اللى إنت رتبته و ربنا يقدملك كل ما هو فيه خير

رأي يحترم و نصيحه غاليه طبعا

المشاركة الأصلية كتبت بواسطة handasa

جيتس شكلها حلو
امكانيات جميلة
ضمان غبور (مركز صيانة كتييييييير)
سعرها انا شايف انه كتير شوية

بص على كيا بيكانتو
سعر تمام امكانيات تمام
شكل تمام
بحبها

مع ان الجيتز هاتشباك محترمه بس ضمان غبور ده اللي ضحك علي الدقون و زياره واحده لقسم الهيونداي و انت تشوف بنفسك اللي قاعد من التوكيل علشان يرد علي استفسارات الاعضاء مالكي الهيونداي رده عامل ازاي علي واحد زيي و زيك اشتري عربيه زيرو وقلب انت بقي علشان تكمل الموضوع هناك لأنه موضوع شرحه طويل
و لما ربنا يسهل و يقوم كريم بالسلامه و نتجمع كلنا اكيد هيكون في اخد و عطا بخصوص من لا يحترم اعضاء المنتدي كلهم!!!!!
مكانه مش بينا هنا مكانه اونكل غبور

المشاركة الأصلية كتبت بواسطة handasa

بس انا لو مكانك حجيب فليشيا 2001
وانت مجرب الفليشيا وعارف هى ايه

اكيد دي العربيه اللي بعتبرها شبكه الامان و المثل يقول القديمه تحلي و لو كانت ....

المشاركة الأصلية كتبت بواسطة youssefmostafa

دكتور امير البونتو كلاسيك نزلت تاني ب 70 الف بس من غير جنوط وفوج لايت

نزلت تاني بجد؟
كويس و الله العظيم
بس تاني من غير جنوط و فوج لايت؟
هي دي دوره حياه اوماترا؟؟

-

الموضوع: ملاك الصني الكرام ممكن ارائكم؟؟

LinkBack

أدوات الموضوع

عرض

-

-

-

المواضيع المتشابهه

طلب من ملاك الفلشيا الكرام

مساعدة من ملاك الفيرنا الكرام

الى ملاك ال rb الكرام

إلي إخوتي ملاك الصني الكرام

الساده ملاك السيراتو الكرام

الكلمات الدلالية لهذا الموضوع

المفضلات

المفضلات

ضوابط المشاركة