خلاص مسافر

**ahm177** · 21-01-2008 03:34 PM

نسيت اقول حاجة

استنى متسفرش قبل لما تظبطنى عند اسبير كار

بس اول لما استلم الجثة قصدى العربية

بهرج

بجد حتوحشنا

**3mr Farrag** · 21-01-2008 04:07 PM

اسلام باشااااا.....و الله هتوحشنا قعدتك
ويارب تكون خير ليك ....
و ان شاء الله تلاقي حد ابن حلال.....تقابله هناك
و علي موضوع العربيه....رايي لو مش هتوعد كتير ارفعها...
لأنك لو بعتها ...بتمنها ماعتقدش هتعرف تجيب حاجه كويسه اوي....
غير ان عربيتك ما شاء محافظ عليها...يبقي خساره تبعها
و يارب تروح و تيجي بالسلامه

**أبوسيف** · 21-01-2008 10:17 PM

هاتوحشنا يا إسلام والله ، عموما تروح وترجع بالسلامة ان شاء الله ، على فكرة انا قعدت سنة فى قطر وهى بلد جميلة جدا وخاصة للعائلات ، انما للعزاب بتكون صعبة جدا ، لدرجة ان فى أماكن ممنوع دخول العزاب فيها الا فى مواعيد معينة!!!
إذا أحتجت اى حاجة من قطر بعد ما تسافر ان شاء الله ابقى كلمنى ، انا ليا أصحاب قطريين ممكن يقدمولك اى خدمة انت محتاجها من هناك.
بخصوص العربية أنا رأيى انك تخليها ما تبيعاهاش على الأقل سنة لغاية ما تشوف الوضع هايبقى عامل ازاى.
وربنا يوفقك ان شاء الله.

**nader makram** · 21-01-2008 10:35 PM

هاتوحشنا يا إسلام بجد انت من الناس الجامدة و الخدومة اوى فى المنتدى و ربنا يوفقك هناك
تروح وترجع بالسلامة

**مصراوي جدا** · 22-01-2008 12:15 AM

ايه يا عم المفاجآت دي ....ربنا يسهل لك أمورك ويوفقك باذن الله

عموما طبعا هنشوفك في اقرب مقابلة قبل السفر .. كمان انا متأكد ان تواجدك ومشاركاتك في المنتدى هتكون وانت في قطر أكتر من مصر علشان كل لما تحس بالغربة هتدخل على المنتدى .. وطبعا انت معانا في منتدى ميستوبيشي علطول وعايزك من هناك تنقل لنا اخبار ميتسوبيشي في قطر وطبعا هتكون كلها عن الباجيرو والماجنا والجالنت (ما اعتقدش فيه هناك لانسر كتير)

بخصوص العربية لو عايز اي مساعدة من التوكيل قول بس .. شوف هتنوي على ايه ولو تحب اسأل لك مهندسين الصيانة عن رفع العربية وافضل الطرق وخلافه ولو ان الشباب اسهبوا في الموضوع بالتفصيل

ربنا يوفقك انت من خيرة شباب المنتدى صحيح

**Hisham_ElFeky** · 22-01-2008 03:34 AM

انا بقالي كتييييييير مبدخلش يا اسلام
بس كانت صدمة ليا اني اعرف انك هتسافر وتسيبنا بس
ربنا يوفقك بس هتوحشنا كتير يا كبير

وان شاء الله تنقابل قبل ما تسافر علي خير