الموضوع: الناس بقت كده ليييييييييييييه ؛؛؛؛؛؛؛

احنا فعلا كاتبين عقود و كل واحد فينا معاه نسخته
و تانى يوم عملت له التوكيل و ادانى باقى 2 الف
و خلانى اكتب فى عقده انى استلمت باقى المبلغ

لكن سؤال لو تسمح
هل المفروض هو كمان يكتب لى فى العقد انه استلم التوكيل و لا لا
و شكرا على ردك

يا اختي الفاضلة
العقد اللي بتكتبية دة اسمه عقد ابتدائي وده لا يتم توثيقة يعني كلام ودي بينك وبين المشتري
لكن العقد اللي المرور بيعترف به بيكون في الشهر العقاري وله نموزج في مكاتب الشهر العقاري وبيتم توثيقه وختمة بختم النسر في الشهر العقاري
وبيكون دايما السعر فية مبلغ تافة ( اقل من 4000 ) علشان الاجراءات تمشي بدون وجود توقيع محامي
وبعدين المشتري ياخدة ويروح المرور ينقل الملكية باسمة
وعموما لما بتعملي توكيل والمشتري يحب ينقل الملكية باسمة يروح الشهر العقاري ويعمل العقد اللي باقوللك عليه ويوقع عليه بائع بالنيابة عنك بالتوكيل اللي انت عملتيه له
لكن المشكلة انه تاجرومش بينقل الملكية علشان ما يدفعش رسوم وبيستني لغاية ما يلاقي مشتري و برضه هو بيعملله توكيل من التوكيل بتاعك وهكذا ممكن العربية تفضل تتباع بتوكيلات من توكيلات اكتر من مرة وهي في الواقع لسة باسمك في المرور وهو ده مكمن الخطر اللي انا اقصده
واضح انك ما حضرتيش بيع سيارات في الشهر العقاري
حاولي تحضري الموضوع دة مع اي حد من اصدقائك واسألي عن التفاصيل دي في الشهر العقاري .. الموضوع دة مهم ولازم تكوني عارفاه علشان ما تتعرضيش لمواقف مش متوقعة اثناء البيع والشراء
آسف للإطالة وللتأخير في الرد
وربنا يوفقك