حسبي الله ونعم الوكيل....كمين كوبري عبود

**M.Zaher** · 18-04-2010 07:07 PM

المشاركة الأصلية كتبت بواسطة SeiffoZ

أكيد فى إجراء مضاد ليهم ... مش كده؟

مهو ايه اللى ممكن يتعمل في موقف زي ده اكيد هايفتش غصب عن الواحد
طبعا مقصدكش انت طبعا

**ahmed_h_g** · 18-04-2010 07:22 PM

المشاركة الأصلية كتبت بواسطة a7med_pharma

"مع إني قريت في كتاب(علشان ماتاخدش على قفاك)

ههههههههه
الكتاب ده مشكله
عندك ؟؟
أبعتهولى لو عندك .

**wahba87** · 19-04-2010 12:08 AM

حصلت معايا قبل كده و طنشت و سيبتهم يفتشوا عشان عارف ان مفيش حاجة فى العربية

**mrsailor** · 19-04-2010 12:37 AM

المشاركة الأصلية كتبت بواسطة ahmed0nouh

باشا الله يكرمك بلاش تعمل موضوع لو عرفت تطلع حاجه ده تانى لحسن الامناء دول 80% منهم اساسا معندهمش ولا دين ولا اخلاق وكلمه زى كدا ممكن ياخدها تحدى ويسخن ويحطلك من جيبه اى حاجه فى العربيه علشان ياخدك على القسم ويفتش براحته هناك على أمل انه يطلع حاجه ويغيظك زى ما بتغيظه

ربنا يكفيك ويكفينا شرهم

و الله عندك حق بس انا كنت متغاظ من الموقف و اللى خلانى واخدها ببساطة انه كان قاصد الملاكى بس يومها حتى الاجرة كانوا بيعدوا و كنت عاوز اغيظه .. بس على فكرة انا ماقولتهاش بنبره تحدى انا قولتها عادى يعنى .. بس و الله عندك حق

**MoToRiZeR** · 19-04-2010 12:54 AM

متعتبرش نفسك مواطن إعتبر نفسك مهاجر غير شرعي لحد ما تفرج و بلدنا يبقي فيها شوية إحترام للمواطنين بتوعها .. إحنا جميعاَ الجالية المصرية في مصر ! و علي فكرة أحمد نوح بيتكلم صح ممكن يعند معاك و يرميلك حاجة في العربية مش هتفرق معاه عايز أقولك إنها إتعملت في بنت !

**mrsailor** · 19-04-2010 01:02 AM

المشاركة الأصلية كتبت بواسطة motorizer

متعتبرش نفسك مواطن إعتبر نفسك مهاجر غير شرعي لحد ما تفرج و بلدنا يبقي فيها شوية إحترام للمواطنين بتوعها .. إحنا جميعاَ الجالية المصرية في مصر ! و علي فكرة أحمد نوح بيتكلم صح ممكن يعند معاك و يرميلك حاجة في العربية مش هتفرق معاه عايز أقولك إنها إتعملت في بنت !

و الله عندك حق .. لينا ربنا

**abogogo** · 19-04-2010 01:10 AM

اولا بتوع تهريب المخدرات بيطلعوا بعربيتين الى قدام فاضية والتانية بعديها الى فيه المخدرات وبيكلموا بعض وطبعا بيعرفوا يتصرفوا لما يكون الكمين شغال والى بيقع منهم بيكون خروف يعني متضحي به من التاجر الكبير عشان التاجر يفضل موجود والشرطة برضو تشتغل يعني نفعني وانفعك بين الشرطة والتاجر والحقيقة دي الدنيا كلها عرفاها ام الترخيم في الكمين عشان لو حد معاه صبعين حشيش او بكتة بانجو لزوم مزاجه يشتغله عليه وايضا عشان يبين للشعب ان البلد فيها حكومة واضرب المربوط يخاف السايب
اما حكيتي مع الكماين اطرفهم كمين عيون موسى كنت واخد عمال وصنيعيه لموقع في راس سدر والعمال من الفيوم وبني سويف كان واحد منهم معاه كيس فيه يجي 5 كيلو ملوخية ناشفة الكامين اتقلب افتكروه بانجو والظابط فرح قال هيعلق نجمة طبعا كانت صدمة لما عرفو الحقيقة والظابط كان عامل زي الى اتدلق عليه ميه وسخة راح منزل العمال من الميكرباص وخلاهم يظبطو الكمين ويبيضوه طبعا روحت الموقع من غير العمال وكان خالى المقاول قام راح للشيخ العرباوي الي بياخد الإتاوه من الموقع عشان يجيب العمال وفعلا جبهم مسافة السكة

**A7MED_PHARMA** · 19-04-2010 03:40 AM

المشاركة الأصلية كتبت بواسطة mr_kenawy

طب فى ظل الظروف و الشدة دى كلها ممكن اسأل بتعدى ازاى باللوحات السوداء اللى عليها بادج النيابة , انا اعرف وكلاء نيابة شالوا اللوحات السوداء و البادج علشان التفتيش القضائى شادد عليهم جدا فى الحكاية دى.

هقولك
وقفوني بكل أدب
"" ممكن رخص سعادتك"
إتفضل
شافوا الرخص..مكتوب فيها "طالب بكلية الطب -جامعة القاهرة"
والبطاقة دي كنت عاملها قبل ماأحول من طب ..لصيدلة

المهم
طيب إتفضل يادكتور
ممكن يادكتور تفتح الشنطة؟؟
إتفضلوا
ممكن يادكتور نبص بصة على العربية من جوه؟؟؟
إتفضلوا
قلبولي العربية من جوه ..وشالوا الكنبة ..والدواسات..وكل حاجة
وأنا واقف بضحك
وبقولهم ياشباب ..أنا دكتور
يعني مليش في الكلام إلي بتدوروا عليه ده
قالولي:"معلش حضرتك يادكتور ..الظابط هوا إلي مشدد على كده"

وبس

**A7MED_PHARMA** · 19-04-2010 03:44 AM

لا بقا وإلي يقرف
أروح أبات عند واحد صاحبي ..علشان ألحق التوفيقية من بدري وأدور براحتي على سبويلر الإيفوليوشن
أروح
يوم الأحد ..ألاقيهم قافلين
ياااااااااااااااه على الــ .............

روحت مصر الجديدة ..شارع دمشق
ألاقيهم قافلين هما كمان ..سألت
قالولي "السجان" بيفتح النهاردة
أفضل ملطوع مستنيه يفتح
مافتحش

كان يوم .............

لقد خالفتم القاعدة رقم 9 بند أ مما يستوجب ايقافكم اسبوع

مشرف القسم 5 ب

12:53 مساءا

19 أبريل 2010

الموضوع: حسبي الله ونعم الوكيل....كمين كوبري عبود

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حسبي الله ونعم الوكيل

حسبي الله ونعم الوكيل

حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة