يا كويلاتك يا ميجان....

**Hany Saad** · 19-04-2010 12:54 PM

المشاركة الأصلية كتبت بواسطة Ahmed A.Maksoud

كان المفروض ترخم عليهم و تطلب أنهم يتغيروا على حساب الضمان أو على أقل تقدير يشيلو نص الثمن و أنت النص عشان انت عربيتك عاملة قليل قوى بسم الله ما شاء الله.

حصل موضوع مشابه مع شاركى قبل كده و شالو النص بس بعد ما بعت أيميل لفرنسا.

ممكن تبعت دلوقتى لفرنسا و تقولهم......أحتمال كبير يعملولك خصم بس مش هتاخد فلوس فى أيدك.....هيخصموهالك من الصيانات الدورية اللى بعد كده.

و موضوع صيانة ال 60 ألف ده صحيح.....60 ألف كم أو 3 سنين أيهما أقرب

بص أنا فعلا قلتلهم على الgood will إنهم يشاركوا معايا بس نتيجة إنهم أغلبهم معرفتى بهم جيدة مرضتش أكتر فى الموضوع لأن حاجة زى كده لازم تجيلهم من فرنسا و هما للأمانة عملوا لى خصم بس طبعا بسيط اللى يقدروا عليه مش اللى renault كانت هتعمله.

لكن أنا إتشجعت دلوقتى و رزعتهم ميل على فرنسا طبعا بشكى ال parts quality و مش التوكيل لأنهم بصراحة عملوا اللى فى إيدهم و زيادة و شكرا على النصيحة.

**د.محمود صلاح** · 20-04-2010 11:29 AM

كان فيه ملاك ميجان هنا في المنتدى غيروا الكويلات برة التوكيل بسعر أقل يصل للنصف تقريباً بس مش فاكر فين

**Hany Saad** · 20-04-2010 12:52 PM

المشاركة الأصلية كتبت بواسطة د.محمود صلاح

كان فيه ملاك ميجان هنا في المنتدى غيروا الكويلات برة التوكيل بسعر أقل يصل للنصف تقريباً بس مش فاكر فين

المشكلة حضرتك إنى أنا مدير صيانة فى أحد التوكيلات الأوروبية بس مش عربيات و أنا عارف فرق الكواليتى الرهيب بين القطع المستوردة عن طريق التوكيل من الشركة الأم و القطع المستوردة من غير الشركة الأم إلا فى ما ندر.

متنساش إن الكواليتى مختبرة و متوافق عليها من جهة أوروبية و العمر الإفتراضى بيفرق جدا و ليا ضمان سنة و لوتغيير القطعة أثر على شىء أخر التوكيل بيتحمله.

أنا مؤمن جدا بالمثل " أعطى العيش لخبازه و لو أكل نصفه"

و لغاية دلوقتى أنا مستريح...يمكن بدفع أكتر ماديا من التغيير بره لكن لو حصل شىء للكويلز أو للعربية نتيجة تغيير الكويلز أقدر ألاقى شركة محترمة أرجعلها و أخد حقى.

طبعا سمعت عن واحد إشترى أربع كويلات صينى نفس شكل الكويلات الموجودة فى التوكيل بالضبط يعنى لو ما أخذتش بالك من بلد المنشأ إستحالة تفرقهم و أصر إنهم يتركبوا فى التوكيل على مسؤليته الشخصية...و أول ما أتركبوا طيروا لوحة الكمبيوتر فى السيارة بعد التدويير...بغض النظر عن مصداقية هذه القصة لأنى مشفتهاش بعينى لكنها غير مستبعدة.

طبعا أشكرك جدا على النصيحة و مساعدتك لى و أنا حاليا بحاول أخد حقى عن طريق القنوات الشرعية لأنى فى عضو شاركنا فى هذا الموضوع غيرهم عند 128000 كم و ده يعتبر فوق الطبيعى يعنى لو حصل معايا أنا هدى نيشان للميجان و لشركة رينو على إعتمادية قطع غيارها إنما الغير طبيعى إنى أغيرهم و الأربعة كلهم عند 36000 كم.

أنا إشتريت رينو علشان عندهم من أحسن customer service متوافر فى السوق و ربنا يسهل و أسمع أخبار مفرحة قريبا.

**Hany Saad** · 20-04-2010 05:16 PM

المشاركة الأصلية كتبت بواسطة triton

معلش فداك ... الكويلات دي كاس و داير علي الجميع و مفيش حد في المنتدي سلم منه

أنا كنت مستنى يدور عليا بس مش بدرى كده....

**Hany Saad** · 20-04-2010 05:28 PM

نزلت السوق قلت أسأل إيه أخبار الكويلات لقيت صينى بيبتدى من 150 جنيه و بعدين ماركة valeo فرنساوى ب250 جنيه و بعدين كام ماركة صينى برده من 250 لحد ما توصل لماركة valeo برده ب545 جنيه.

سألت البياع إيه الفرق بين الvaleo اللى ب250 و اللى ب545 قالى الأولى لوط من المصنع و التانية من التوكيل!!!!!

طبعا كل اللى بيثبت إنه فرنساوى أو حتى إنه valeo هو الكرتونة و غطاء بلاستيك على الكويل.

مع العلم إن اللى فى التوكيل صناعة إيطالى....و مش valeo و أنا شفتهم بنفسى قبل التركيب.

يا ريت يا جماعة نتشارك بمين ركب كويلات و موديل العربية و عند كام كيلو و يا ترى من التوكيل و لا من بره و يا ترى قعدت وقت أد إيه و ماركة إيه علشان الكل يستفاد...

مشكورين يا وحوش للمشاركة.....

**Hany Saad** · 20-04-2010 07:36 PM

المشاركة الأصلية كتبت بواسطة doc_semsem

هو ايه الكويل ده؟

الكويل علميا أسمه ruhmkorff spark coil أو ملف رومكورف و المعروف عند الميكانيكية بأسم الموبينة.
وهو موجود فى كل العريبيات؟

هو موجود فى كل العربيات بس فى نوعين طبعا على حسب معلوماتى: النوع القديم و هو كويل كبير (موبينة) و موزع للأربع بوجيهات
النوع الثانى و هو زى الموجود فى الميجان عبارة عن أربع ملفات (موبينات) لكل بوجيه بدلا من واحد بيوزع على أربعة.

ووظفته ايه؟

وظيفته تحويل جهد البطارية ال12 فولت إلى ألاف الفولتات و توصيلها للبوجيه من أجل الحصول على شرارة قوية جدا فى البوجيه كافيه لحرق خليط البنزين و الهواء المضغوط.