يا كويلاتك يا ميجان....

**Hany Saad** · 20-04-2010 11:21 PM

المشاركة الأصلية كتبت بواسطة abasse

أنا غيرت واحد عند ال 93 الف وتقربيا دا أول واحد يتغير فيها
واى ركبته ده نوعه سيجام تقريبا أيطالى من عند مركز رينو الى فى فيصل

ده حاجة كويسة جدا لما حضرتك تغير كويل واحد فقط عند ال93000 معقول جدا جدا.....منتهى الإعتمادية لقطعة الغيار..ربنا يباركلك فيها.

على العموم محتاجين ناس أكتر تشارك علشان نبقى عندنا كلنا فكرة عن متوسط العمر الإفتراضى للكويل و أنهو أكتر موديل بيجى منه شكاوى و نشتريه بكام و منين.

**Hany Saad** · 20-04-2010 11:26 PM

المشاركة الأصلية كتبت بواسطة abasse

بس أسم المحل الى أنتا سألت فيه ده أيه

ده محل الوشاحى عندنا فى الأسكندرية و هو بيجيب قطع غيار أصلية من التوكيل و كمان من بره التوكيل.

البياع قالى أبعد عن الصينى مع إنه بيبيعه و فيه منه أنواع أغلى من الVALEO أبو 250 جنيه...!!!!

**Hany Saad** · 20-04-2010 11:58 PM

المشاركة الأصلية كتبت بواسطة karioky

أنا لسا مغير واحد الاسبوع اللفات بس جبتو من برا علشان للاسف العربية كانت مش أدرا العربية موديل 2006 ماشية 45 ألف

كده يبقى إحنا زمايل يعنى تغيير عند كيلومتر بسيط..
بس أنا كان الأربعة مش واحد....

حضرتك جبتو بكام و مصنعية تركيبة كام و ليه مفكرتش تجيبوا من التوكيل؟

أشكرك على مشاركتك....

**Hany Saad** · 21-04-2010 03:33 PM

المشاركة الأصلية كتبت بواسطة yalahwy2010

انا زميل جدا.......غيرت 3 مرة واحدة.....2 بيضربوا برة وواحد قاطع خالص
العربية كانت عاملة 100 ألف كم
بس انا السبب......قعدت مدة من غير ما اغير بوجيهات.....اثر على الكويلات....
وجبت الواحد ب 250 جنيه.....بس مش فاكر نوعه ايه.....
ربنا يسترها.....بس كانت صدمة جدا.....بس طبعا وداعا للرجرجة....

زمايل إزاى بس....ده إنت بتقول مغير عند 100000 و قعدت مدة من غير ما تغير بوجيهات...

حضرتك علشان تكون زميلى و يتحرق دمك زى كده لازم تكون بتروح التوكيل تعمل الصيانة فى ميعادها كل 5000 كم و بتحط كل القطع الأصلية من التوكيل و تغير كويلات بعد 36000 كم مش 100000.

إنت كده تبقى أستاذ مش زميل ياريت القطع تقعد فى العربية لغاية 100000 كم بالنسبالى شخصيا هحس إن ده إستهلاكى و بدفع تمنه...لكن لما تكون العربية لسه موتورها بيعرق و عامله 36000 و أترزع 3 كويلات و الرابع أغيره جدعنه علشان يبقى كلهم ميه واحده يبقى أنا لسه تلميذ

**Hany Saad** · 21-04-2010 04:20 PM

المشاركة الأصلية كتبت بواسطة shouk_1987

أنا عارف أنه مش مكانى بس أنا كنت مغير لعربيتى القديمة كيا برايد عصفورة الموبينة و طبعا مفيش مجال للمقارنة بس مشى حالك (و هى واحدة بس) ب 400 جنيه باين (مش فاكر كام بالضبط) بعد 130 ألف كم

أنا حاسس إنكوا بتتكلموا فى أرقام فلكية
الفروض طالما بتغير بوجيهات فى معادها تمام تنسى الموبيتة خالص

المفروض صاحب الموضوع كان طالب بإستبدالهم مجانا لأنه عامل 36000 كم و إسمها عربية أوروبى ياعنى قطع غيار معمرة
و فين هو التوكيل المحترم اللى باسمع عنه ؟؟
يا ريت تفهمونى كويس لو كنت غلطان
تقبلوا تحياتى

حصل يا فندم و مستنى email من فرنسا قريبا جدا و التوكيل كلمنى و جارى إتخاذ اللازم....

و للأمانة مرة أخرى هما عملولى خصم كويس لأنى كنت خرجت من الضمان بس طبعا كويس بالنسبة لهم...أما أنا فلم أسكت على حقى و عندما كلمنى التوكيل تانى يوم يطمن عن رضائى عن الخدمة قلتلهم على فكرة أنا بحترم شغلكم لكن أنا بعت ميل لفرنسا بشكى فيه إعتمادية قطع الغيار فى سيارتى و ليس أنتم شخصيا و تلقيت رد من مدير صيانة منطقة الشرق الأوسط و شمال إفريقيا تانى يوم و من التوكيل وجارى تظبيط الموضوع.

طبعا نقطة للتوضيح و الحق... تقدر تطالب إنهم يكونوا فى الضمان أو يتحملوا معاك جزء كبير.. لكن فعليا ده مش حقى أو بمعنى أصح مأقدرش أرجع عليهم قانونيا لأن ضمان العربية 3 سنوات أو 60000 كم أيهما أقرب و أنا عديت ال3 سنوات لكن اللى بيشفعلى الكيلومتر القليل و الصيانة المنتظمة عندهم. أنا عرفت إن لو فيه حاجة هتحصل لازم تيجى من بره لأنهم هنا موظفين بيطبقوا القواعد...و هو ده اللى جعل المكتب الإقليمى يكلمنى وأعتقد هأسمع خير قريب إن شاء الله....و علشان كده أنا مازلت بأكد إن توكيل رينو من أحسن التوكيلات فى مصر.