الموضوع: يا كويلاتك يا ميجان....

المشاركة الأصلية كتبت بواسطة meggieboy

إزيكم يا وحوش

يظهر ميجى حبت تهزر معايا بس كان هزار سخيف حبتين....:pointiy2[2]:

إمبارح و أنا طالع من الجراج حسيت برجة غريبة و كأن فيه حاجة سدة البنزين..أنا قلت يمكن العربية باردة شوية أو أدوس دوستين بنزين حلويين كده يسلكوا المواضيع و لكن من دون فائدة.

طبعا عرفت على طول إنها كويل لأن العربية كانت مبرجلة خالص و الموتور عزمه ضعيف.

النهاردة رحت التوكيل أول واحد و عامل حسابى إنها كويل و كانت الصدمة............:i_angr1[1]:

كويل قاطعة و 2 كويل بيضربوا بره يعنى مش مضبوطين و بما إن المهندس معرفة قالى مش هاسيبلك الرابعة نغير الأربعة مع بعض

طبعا دفعت مبلغ محترم على الريق لكن كل اللى مضايقنى إن العربية عاملة 36000 كم فقط و لسه طالعة من الضمان:i_angr1[1]:مش عارف هل طبيعى الكويلات تضرب بسرعة كده مع العلم إنى موديل 2006 و بعمل كل الصيانات فى مواعيدها و بغسل العربية من جوه فى التوكيل فقط يعنى زى ما بيقولوا كما قال الكتاب و لما تضرب الأربعة يضربوا....

ساعات بحس إن الكيلومترات القليلة اللى بعملها على العربية مضرة مش مفيدة...التوكيل النهاردة قالى لازم صيانة ال60000 تتعمل..قولتلوا خير يا باشا سلامة الشوف ده العداد قدامك عامل 36000 بس...قالى إما 60000 أو 3 سنوات أيهما أقرب و بما إنى عديت ال3 سنوات فيجب إنى أعملها :i_angr1[1]:

ياريت مساعدتكم يا وحوش...

إنما لسه بحب ميجى و بعد الكويلات بقت طيارة بس يا ريت تبطل هزارها الرزل ده و تحترم نفسها شوية..:pointiy2[2]:

كان المفروض ترخم عليهم و تطلب أنهم يتغيروا على حساب الضمان أو على أقل تقدير يشيلو نص الثمن و أنت النص عشان انت عربيتك عاملة قليل قوى بسم الله ما شاء الله.

حصل موضوع مشابه مع شاركى قبل كده و شالو النص بس بعد ما بعت أيميل لفرنسا.

ممكن تبعت دلوقتى لفرنسا و تقولهم......أحتمال كبير يعملولك خصم بس مش هتاخد فلوس فى أيدك.....هيخصموهالك من الصيانات الدورية اللى بعد كده.

و موضوع صيانة ال 60 ألف ده صحيح.....60 ألف كم أو 3 سنين أيهما أقرب