شركة مصرية تقاضي ميتسوبيشي

**Moh.Fahmy** · 20-04-2010 05:18 AM

يا جماعة مافيش اي مشاكل بالنسبة للعاملين لان بكل بساطة الوكيل الجديد سواء كان ابو الفتوح بقي او غيره مش حيقدر يستغني عنهم لانهم هم الادري بسيارات ميتسوبيشي ده بالعكس ممكن يكون فاتحة خير عليهم
و كمان مراكز الصيانة بتاعة مصرية حتروح فين يعني - اكيد برضه حتشتغل صيانة زي ما كان مجدي شاهين هو الوكيل المعتمد من مصرية في اسكندرية و بعد كده حصلت نزاعات بينهم عشان مجدي شاهين ادخل صيانة العربيات الخليجي مع التوكيل بدون اذن الوكيل ادت لانفصالهم و دلوقتي مجدي شاهين اكبر مركز صيانة لميتسوبيشي في اسكندرية سواء الخليجي و كمان التوكيل
و فرج الرواس شغال برضه في صيانة الخليجي فأكيد حيشتغل برضه صيانة و اللي اتعامل معاه و مرتاح حيكمل معاه و حيخاف يروح للتوكيل الجديد خصوصا ان ابو الفتوح عنده توكيل الاسبيرنزا و حيبقي فيه تكدس رهيب في مراكز الصيانة لان العربيتين منتشرين كتير قوي
فالموضوع مش حيتغير كتير و الامور حتفضل زي ما هي و اعتقد ان الرواس حيخسر القضية لان من حق الشركة الام انها تفسخ العقد و بالنسبة لقطع الغيار اعتقد ان الرواس مش حيغلب انه يجيب الاصلي من الخليج او من اليابان و حيكون ارخص سعرا من اللي بياخده من الشركة الام كمان

**dr-mohamed** · 20-04-2010 05:40 AM

ما قلنا كدة من الاول قالوا لنا اطلعوا من البلد

**SkyBird** · 20-04-2010 06:26 AM

لو راحت لابو الفتوح هكره الميتسوبيشي بكل انواعها اشد الكره الى الابد .. عايزين الماركه دي تفضل نظيفه

**3ateef** · 20-04-2010 07:02 AM

المشاركة الأصلية كتبت بواسطة ahmed0nouh

ويبقى بدل ما الناس بتكره البومه يابانى

هتكرها مصرى ويابانى , وتبقى اسطوره البومه قائمه , لن تموت , لن تموت , لن تموت

ومين عارف يمكن اخيرا تتحل عقده البومه بالشارك , ولا حتى ربنا ينفخ فى صوره فتوح ويركبنا كلنا باجيرو :)

قول يارب

يا رب...من بقك لباب السماء..

**محمد عز** · 20-04-2010 07:12 AM

خبر الموسم

بس يارب الوضع يتحسن للاحسن

ميجيش وكيل جديد يقفلها بالضبه والمفتاح

ويتبع اساليب تعطيش السوق وقفل كل المنافذ على الخليجى

**walidhassan** · 20-04-2010 09:48 AM

أنا لم يختلط على الأمر و لا حاجة فعلا مصرية موزع فقط و ميتسوبيشى موتورز اليابان لها ثلاث موزعين فى مصر:
1- مصرية وليس المصرية لسيارات الركاب (لانسر - كولت - باجيرو)
2- جاك لسيارات النصف نقل
3- غبور أوتو للأوتوبيس
و هذا من الموقع الرسمى لميتسوبيشى أن المذكورين موزعين رئيسيين
www.mitsubishimotors.com

**CryptonX** · 20-04-2010 11:09 AM

معتقدش الموضوع حيبقى سهل اوي كدة بتاج التجميع ..

و اخره ممكن يجمع البومة و مش حترخص اوي يعني منتم عرفين بلدكم !

حتقل 5000 جنيه مثلا اخرها !

و حتبقى اختيار اخر جانب الصني المصري .

---

بس انا مش فاهم يعني .. توكييل مصرية ممكن يكون نايم شوية اليومين دول .. بس ايام البومة دي كانت ولعة ياراجل زي السيراتو دلوقتي ... مش عاجب الشركة الام الكلام ده ولا علشان مبيعات الشارك و الكولت مفيش خالص ؟؟

**M!SHO** · 20-04-2010 12:13 PM

المشاركة الأصلية كتبت بواسطة مصراوي جدا

احب اوضح بعض النقاط لاطمئن ملاك سيارات ميتسوبيشي على مستقبل سياراتهم سواء المصري او الخليجي من ناحية الضمان والصيانة وتوافر قطع الغيار :

- شركة ميتسوبيشي يهمها في المقام الأول والأخير مصلحة العميل

- شركة مصرية لا زالت هي وكيل ميتسوبيشي حتى موعد نهاية العقد مع ميتسوبيشي وبالتالي فضمان سيارات ميتسوبيشي لا زال قائم لديها ولدى مراكز الخدمة المعتمدة على مستوى الجمهورية كما ان الصيانات تتم بتلك المراكز سواء للسيارات المصري او الخليجي وقطع الغيار متوفرة كما هي وما زالت قنوات توريد قطع الغيار مستمرة مع ميتسوبيشي كما هي حتى نهاية العقد

- قبل نهاية العقد بالتأكيد سيتم الاعلان عن الوكيل الجديد (أو ربما سيكون هناك اتفاق بين شركة مصرية وميتسوبيشي على تمديد العقد) ووقتها سيتم تحديد موقف ضمان سيارات ميتسوبيشي وبكل تأكيد سيستمر ضمان ميتسوبيشي (الشركة الأم) لسياراتها كما هو 3 سنوات او 100 ألف كيلو متر واقصد هنا كل السيارات السابق بيعها بمعرفة شركة مصرية ولا زالت في فترة الضمان (فقط سيتم وقتها تحديد كيفية استمرار الضمان مع الوكيل الجديد او القديم ربما)

وبالتالي لا داعي للقلق من جهة الضمان او الصيانة او توافر قطع الغيار

ألف شكر يا بشمهندس على التوضيح

-

الموضوع: شركة مصرية تقاضي ميتسوبيشي

LinkBack

أدوات الموضوع

عرض

-

-

-

المواضيع المتشابهه

مراكز الخدمة والصيانة (شركة مصرية)

هل تتوقع ان تقاضي شركة تويوتا بخصوص الكورلا Mmt منطقي

شركة مصرية جزائرية للتنقيب عن البترول!!

رد شركة مصرية على الجنوط الصينى

الكلمات الدلالية لهذا الموضوع

المفضلات

المفضلات

ضوابط المشاركة