الموضوع: شركة مصرية تقاضي ميتسوبيشي

من وجهة نظرى ان القشة التى قسمت ظهر البعير و خلت متسوبيشى تلغى التوكيل هى تدنى مستوى المبيعات فى الفترة الأخيرة و ده من رأيى التوكيل هو المتهم الاول فيه لأنه طمع و بيبيع الانسر البومه الأتوماتك الكلاسيك2010 ب 119 ألف بعد ما كانت بتتباع فى فتره من الفترات ب 107 ألف وانا واثق ان التوكيل يقدر ينزل الأسعار ده اكتر من كده بكتير و هيبقه كسبان بردو كويس رغم سعر الين و الكلام ده بس هو معملش كده عشان يحافظ على مبيعات العربيه فى الوقت اللى ظهرت فيه منافسه شرسه بين اللانسر و السيراتو و الإلنترا و النيسان صنى اللى توكيلها محترم جدا و بقه اختيار الناس بيروح للعربيات التانيه بسبب السعر المبالغ فيه فى المقام الأول ده غير انه فشل فى تسويق الشارك فشل ذريع و لغاية دلوقتى بيبيع فى موديلات 2009 و ممكن يكون عنده لسه 2008 كمان و ما أخدش من متسوبيشى الأم شارك 2010

من رأييى لو انا توكيل متسوبيشى و عاوز أسوق الشارك أغلى البومه شويه ولكن قصاد ده أرخص الشارك جدا بحيث يبقه الفرق بينهم 10000 فقط مثلا أو منزلش بومه رياضيه أو سام و يبقه أعلى أوبشن متاح منها الكلاسيك اتوماتك فقط و الشارك تبقه هيه اللى فيها كل حاجه و تنزل كلها بأوبشن الإسبورت فقط و بفرش جلد و ميزان خلفى و تنزل مانوال و أتوماتك لكن التوكيل ما اهتمش بالشارك و مرضيش يخاطر مع عربيه لسه ما لهاش شعبية البومه و فضل ينفخ في البومه لغاية ما فرقعت و استبترونك و حركات و كمان طمع فيها و مش مزبط سعرها؟؟؟؟؟؟!

المشاركة الأصلية كتبت بواسطة مصراوي جدا

شكرا لمشاعرك الطيبة بس اطمن باذن الله الشركة مستمرة

حضرتك مكانك المفروض يكون في ميتسوبيشي اليابان

او يدولك التوكيل الجديد ولا ابو الفتوح ولا الكلام الفارغ ده

لو التوكيل مهتم بالشارك كان اهتم بعيوبها و حاول يضبطها زى مثلا شكوى الناس من ضيق الشنطة بسبب كبر حجم الإستبن و تعلية الارضيه بتاعتها بفيبر........كان ممكن بكل سهوله التوكيل يطلبها بالإستبن الصغير و يوسع الشنطه حتى لا يقال على العربيه شنطتها ضيقه و يبقه ده عيب شائع عنها.......

لازم التوكيل يعرف ان الناس دلوقتى بتفهم فى كل حاجه و حاجه زى عدم وجود الميزان الخلفى فى الشارك ال1500 و وجوده فى ال2000 اللى مش بتنزل مصر....... المفروض التوكيل يطلب ان العربيات ال1500 اللى تجيله يبقه فيها الميزان ده.

المفروض الشارك تنزل بمستوى واحد من الكماليات اللى هو يقال عليه إسبورت و يضاف فرش جلد طبيعى زى السام و حساسات باركنج و مراجعة أى حاجه ناقصه و إضافتها زى الUSB وال IPod و mp3 طبعا و كل الحركات ده......... يعنى مينفعش مثلا يبقه فيه حاجه موجوده فى السيراتو الهاى لاين و مش موجوده فى الشارك و كل ده حاجات بسيطه بس بتفرق مع الناس و العربيه أصلا كويسه


كل ده يبقه مستوى واحد من الكماليات زى ما قولت ويبقه فيه منه مانوال و أتوماتك و يبقه سعر الاتوماتك بالكتير قوى 140000 و المانوال 135000 عشان لما أفكر فى السيراتو مثلا ألاقى نفسى لو زودت 12 أو 13 ألف ممكن اركب لانسر يابانى فا أجيب الشارك.

المفروض كمان العربيه موتورها يبقه مايفك 1600 و ليس 1500 حتى لو ميتسوبيشى الأم مش يتنزل شارك 1600 يبقه تتطلب مخصوص 1600 مايفك للسوق المصرى عشان تكسب فى المقارنات مع السيراتو و الإلنترا و الكرولا و غيرها.....

المفروض كل عملاء تويوتا بعد الإحباط اللى جالهم من الكرولا الجديده يتجهوا بقوه للشارك بس ده محصلش من رأييى للأسباب اللى ذكرتها و أقواها الموتور لازم يكون 1600 مايفك.

بصرف النظر عن مين هو التوكيل الجديد او ايه المفروض عمله علشان اسم متسوبيشى يبقى له ثقله تانى فى السوق المصرى .. نفسى اعرف احساس البهوات اصحاب التوكيل ايه بعد ما طار منهم بسبب جشعهم وطمعهم والقضايا اللى كانوا رافعينها على بعض هما الاتنين وهل حسوا ان العمليه مش مستاهله كل الصراعات دى .. يعنى لو كانوا تعاونوا مع بعض وكل واحد كانت نيته صافيه واهتموا بالتوكيل اللى بياكلوا منه دهب مكنش كل ده حصل .. والمفروض بعد ماالتوكيل طار ايه اللى يعملوه علشان يشجع الناس انها تروح تعمل الصيانه عندهم ؟ هل هايعمل تخفيضات ولا عروض ..اذا كان ماعملهاش وهو وكيل هايعملها وهو مركز صيانه عادى !!

المشاركة الأصلية كتبت بواسطة ralliart

حضرتك مكانك المفروض يكون في ميتسوبيشي اليابان

او يدولك التوكيل الجديد ولا ابو الفتوح ولا الكلام الفارغ ده

+1111111111111

المشاركة الأصلية كتبت بواسطة moh.fahmy

ن
يعني مثلا عرض قيمته 100 جنيه او اكتر شوية هو ده اللي حيقيم الوكيل و بعدين معظم التوكيلات الكبيرة مبتلاقيهاش عاملة عروض يعني مثلا عندك تويوتا (قبل المشكلة الاخيرة) عمرها ما عملت عروض او المرسيدس او البي ام

المرسيدس او البي ام بيعملوا دعايه جامده وعلطول تلاقى اعلانات بالصفحه الكامله فى الجريد واعلانات على المحور و فى الشوارع و بتعمل عروض شراء بفاتده اقل .. معنهم مش محتاجين اى حاجه من الحاجات ديه ..
يعنى معملوش دى توكيل ميتـسوبيـشى و اعدوا بهوات و قالك مهو العربيه شعاله نعمل دعايه او عروض ليه و دى الى خاله الناس تعد تفتى فى الشارك مثلا و يقولوا كلام غريب على العربيه
و التسويق حاجه مهمه جدا و ده الى بيخلى الشركات الكبيره تفضل كبيره ..
انما توكيل ميتـسوبيـشى يستحق كده و اكتر و المفروض يكون فى شروط من الشركه الام تلزم التوكيل الجديد بعمل دعايه و تسويق ...

المشاركة الأصلية كتبت بواسطة bogy123

المرسيدس او البي ام بيعملوا دعايه جامده وعلطول تلاقى اعلانات بالصفحه الكامله فى الجريد واعلانات على المحور و فى الشوارع و بتعمل عروض شراء بفاتده اقل .. معنهم مش محتاجين اى حاجه من الحاجات ديه ..
يعنى معملوش دى توكيل ميتـسوبيـشى و اعدوا بهوات و قالك مهو العربيه شعاله نعمل دعايه او عروض ليه و دى الى خاله الناس تعد تفتى فى الشارك مثلا و يقولوا كلام غريب على العربيه
و التسويق حاجه مهمه جدا و ده الى بيخلى الشركات الكبيره تفضل كبيره ..
انما توكيل ميتـسوبيـشى يستحق كده و اكتر و المفروض يكون فى شروط من الشركه الام تلزم التوكيل الجديد بعمل دعايه و تسويق ...

هوه ده قصدى بالظبت يعنى العمليه مش 100 جنيه
الفكره فى التسويققققققققققققققققققق قققق
نمره واحد اتنين لغاية تيريلىون التسويق لو مفيش دعاية وتشويق للمنتج ايا كان نوعه وايا كانت جودته مصيره الانهيار