الموضوع: لا قدر الله - لو خبطت حد من المشاة بالعربية

المشاركة الأصلية كتبت بواسطة م.محمد مختار

للأسف... ومحدش يزعل مني... نحن شعب "في مجمله" غير متحضر.. طبعاً ليس الكل...لكن الأغلبية للأسف..
و المصيبة أن الهمجية و عدم التحضر لا تقتصر على الناس فقط و لكن في حالتنا هذه على موظف استقبال المستشفى و على أمين الشرطة و حتى بعض الضباط ..

دعنا نتسائل أولاً: لماذا تقف إذا صدمت احد المشاة؟؟
أظن أن الأسباب لن تخرج عن:
1- لتنقذه أو لتساعد في إنقاذه.
2- لتُعبر بشجاعة عن استعدادك لتحمل مسؤلية أفعالك إذا كنت على شيء من الخطأ.
3- إذا لم تكن مخطئاً فلتعلن أنك غير مخطيء وأنك لم تفعل جريمة لتهرب.

في ظل العشوائية و الفوضى و الهمجية التي نعيشها لا معنى للنقطتين الثانية و الثالثة..
لأنك إذا لم تصادف شخصاً على قدر من التعقل و التحضر فلن يقدر احد موقفك ولن تعاقب على قدر خطأك بل سيتم تفريغ شحنة السخط على المجتمع وغلاء الأسعار والظلم والاستبداد و الفقر .. فيك و في سيارتك وفيمن يقف في صفك..
كما أننا نتمتع بمزيج عجيب من الصفات و المعايير المزدوجة ..
والشهامة عندنا مفهوم مشوه أحياناً.. من الممكن أن تجد من يرتكب جريمة تحت مسمى الجدعنة أو المجاملة.. و الأعجب أن أي موقف يتم تصعيده بسرعة بشكل استقطابي الى ( نحن / ضد / هم )
نحن: أي واحد يشعر لأي سبب أنه ضحية لأي أحد في أي موضع.. سيتوحد مع المصاب -الذي من الممكن جداً أن يكون غلطان من ساسه لراسه- ولكـنه برميته على الأرض و الدم يسيل منه يوحي بأنه ضحية لا حول له... إذن فلنتوحد معه ضد المفترين الذين يدوسون على الناس بسياراتهم... وهنا يفترض أن الذين يركبون السيارات -حتى لو دافع في مقدمها دم قلبه- يمثلون (هم) -ذوي السلطة و المال و الطبقات العليا التي لا تبالي بالمطحونين... إذن فلنسبهم ونلعنهم وننتهز الفرصة لنحطم سياراتهم التي لا نملك شراء مثلها و التي ترمز في بلدنا للطبقة الاجتماعية التي ينتمي اليها المرء و لو استطعنا أن نحطم رؤسهم فدعنا لا نضيع هذه الفرصة لنخرج الشر و الحقد تحت غطاء الشهامة و الانتصار للمظلوم...!!! فجأة يتوحد الجميع -والذين كانوا من لحظات ينهشون في بعض- ضد هذا الغريب الذي يمثل كل من يدوس على الناس بشتى الطرق...

*هناك في علم الاجتماع مصطلح "ثقافة القطيع" وهذا للاسف يحكم معظم ردود الأفعال في مجتمعاتنا خاصةً الطبقات ما دون المتوسطة و الفقيرة و الريفية..
لهذا لو نجحت في "كلفتة" أو سرقة الموقف كما قال احد الأخوة فإنك من الممكن أن تنجح فعلاً في تحويل مسار القطيع معك بدلاً من ضدك لكن لو فشلت.... فليرحمك الله

*ليس من ثقافتنا تحمل المسئولية عن الأفعال -(ليس كاليابانيين مثلاً)- لذلك لن يفهم الغالبية موقفك الشجاع -فضلاً عن أن يقدروه- و المؤسف أن كثيرون سيعتبرونك مخطيء و(غبي) كذلك!!!!

*ليس من ثقافتنا كذلك الـتأني حتى معرفة الحقيقة لذلك سينحاز الجماهير للأعلى صوتاً.

* القوانين في بلدنا تكاد تكون مصممة لتدفعك الى الهرب إذا رأيت مصاباً -حتى لو لم تكن أنت الذي صدمه- و القصص كثيرة حول من تطوع لنقل مصاب فألقي القبض عليه -لأنه لا بد من متهم يشيل الليلة-.

من سنوات تسبب صديق في إصابة راكب متوسيكل اصطدم به لأنه فرمل فجأة فطار ووقع على الأرض بين الحياة و الموت.. ولأنه كان هو المخطيء أخذه للمستشفى و طبعاً أحيل للشرطة.. وقدراً كان خاله ضابط شرطة تدخل وطبعاً أخرجه منها -بعد ان شتمه و بهدل كرامته- لا لأنه المخطيء.... و لكن لأنه توقف!!!!!!!!!!!!!!!
قال له يا حمار لما تبقى تخبط حد تبقى تهرب و لا تقف لأحد....!!!

واحد آخر كان ماشي في امان الله.. وعلى الجهة اليسرى من الطريق بجوار الجزيرة الوسطى للطريق وكان هناك مشاة منتظرون للعبور.. بعدما تجاوزتهم مقدمة السيارة اندفعت طفلة من يد أبيها لتصطدم بجانب السيارة ثم تقع بين السيارة و الرصيف وتصاب في رأسها وفي المستشفى كان الكل معترفاً بأن السائق غير مخطيء بما فيهم أبو البنت الذي كان متقبل للموضوع على أنه قضاء وقدر.. لكن بعد أسابيع وعندما ماتت البنت انقلب على السائق واتهمه بالقتل و جره الى السجن مع أن الرجل لم يكن مخطئاً في شيء... لكن لا بد ممن يتلقى اللوم على ما حدث..!!!
أسأل الله اللطف بنا و بالناس..

* إذن ما العمل؟؟
رأيي ألا يتوقف السائق مباشرةً و لكن يتوقف على بعد و يرجع -بعد أن يطلب الاسعاف- و يعمل كل ما بوسعه لإنقاذ الموقف و المصاب.. هذا هو الأهم حتى لو كان المصاب هو المخطيء....
ثم بعد ان تهدأ الأمور وينفض الفضوليون ومن "يهيصون في الهيصة" فيمكنه أن يعلن مسؤليته لو شعر ان أهل المصاب على قدر من التعقل و التحضر... أما ان كانوا من الغوغاء فلن يفيد أحد ان يكون لدينا مصابان لا مصاب واحد..!!!

* أكثر ما يغيظني و أنا سائق من يعبرون الطريق بدون أن ينظروا و بهدووووووووووووووووووء و إذا نبهتهم بالنور أو الكلاكس ينظرون إليك باندهاش و استنكار و لسان حالهم يقول لك ما الذي جاء بك الى هنا؟؟ و كأنهم يعبرون صاله بيتهم وانت الدخيل عليهم..
وكذلك من يصرون على المشي جنباً الى جنب رغم ضيق الشارع ويتعاملون بتناحة عجيييبة... أحياناً تراودني رغبة شريرة أن أدفعهم بجانب السيارة لكن أتراجع خوفاً من خروج الموضوع عن السيطرة فحماي كان دائماً ينصحني بتجنب غباء الآخرين مهما كنت أنا متمكن من السيارة.

كلام جميل اوي اوي اوي
بس انا برضو شايف ان الخبط حد لازم يقف في ساعتها ويشيلو وبعدين يشوفو مين ال غلطان

حالة البنت ال خبطط العربية ازاي الراجل اتسجن
يعني انا مثلا ماشي بعربيتي واحد نط من البلكونة علي العربية ومات ابقى انا ال قتلته ؟؟؟

الى بيمشى فى البلد دية ... لو ليك سلطة وضهر تقف مش هتقف مش هتفرق معاك ولا حد هيقدر يكلمك بالعكس هتلاقى الناس بتحاول تهدى الموضوع من حوليك ويشوفو الخطوة بعدها

شاب ...لما تقف هيطلع عين الى جابوك سواء غلطان او لا

بنت ....هتعيط وهتنهار وتكلم حد يلحقها والناس هيتعطفوا معاها ويلمو الموضوع مع بهارات الحسبنة والشتايم الى عارفنها

......من الاخر على حسب شخصيتك وازاى تتعامل واهم حاجة تكون انتا الى سارقهم فى الكلام

............موقفين عكس بعض الاتنين انيل من بعض

مرة كنت ماشى ومخدش بالى فى شارع جانبى وخبط واحد بالمراية فى رجلة وانا كنت مكمل فوقفت ادامة شوية وقفلت العربية ورجعتلة بقولة حصل خير وانا مكنش قصدى وبطمن علية رغم انى عارف انها مفهاش اي حاااجة بس قلت اواسية واحترام برضك ...اقوم الاقى شيييييخ جاى وولع الدنيا واعمل محضر وحسبى الله على الشباب ووووو والراجل اتفاعل معاة وقعد يشتم وقام مطلع ورقة وقلم وبيكتب رقم العربية ....والله فضلت ساكت وسبتهم ومشيت ولا كان حد بيتكلم معايا ....مفيشش فايدة فينا


المصيبة بقى ودية كان فيها حبسس

واحد صاحبى ماجر عربية فى زفة فخبط واحد فى رجلة بسيطة بس الراجل وقع على الارض بس هو جررى علشان مش عربيتة فقام واحد معاه شاهين جرى وراة لحد ما جابة وخبطلة الشنطة طبقها كلهااا..قلبت خناقة بين الاتنين فصاحبى ضرب الراجل عملو عاهه مستديمة فى وشة واتحجز يومين فى القسم ..........

المشاركة الأصلية كتبت بواسطة amrrr

كان في واحد صاحبي لما نيجي نعدي الشارع انا باخدها دايما جري او نط وهو ماشي بالراحة وحاطط ايده في جيبه ويبص لسواق العربية ويدور وشه وعلى مهله اخر حاجة !! ولما علقت معاه عالموضوع لقيته بيقول لي مايقف ايه المشكلة يعني !!

انت نرفزتنى جداً على فكرة ، انا فى الحالات دى ببقا على وشك اخبطه وانا قاصد

مره كنت ماشي علي الزراعي عند كوبري كفر الدوار وبعدين عربيه وقفت في مطلع الكوبري وانا داخل من جنب الكوبري علي 60 - المهم راكب من الركاب قام نازل وناطط قدامي الحمد لله هربت منه بالعافيه وبصيت في المرايه ولا كان في حاجه

مره تانيه علي طريق زراعي قوي وكنت ماشي وقدامي 2 ستات وراجل معاهم - المهم زمرت وهديت قام الراجل موسع والستات بتناكه علي جنب لحد ماقربت اعدي المرايا خبطط في ايد واحده منهم قامت مصرخه زي مايكون ضربتها دبابه - المهم نزبت وقلتلهم انتو الغلطانين وبعديها قلتلهم اسف لما لقيت واحده منهم شلكها لكلك وسبتهم ومشيت

المواقف دي بتفكرني بنكته
اتنين راكبين عربيه وضربو واحد ماشي قام السواق قال للي جنبه انزل شوف الراجل مات ولا لأ - الراجل نزل بص عليه قاله يمين شويه قدام سنه تعالي شمال شويه - بسسسسسسسسسسسسسسس كده مات

المشاركة الأصلية كتبت بواسطة م.محمد مختار

للأسف... ومحدش يزعل مني... نحن شعب "في مجمله" غير متحضر.. طبعاً ليس الكل...لكن الأغلبية للأسف..
و المصيبة أن الهمجية و عدم التحضر لا تقتصر على الناس فقط و لكن في حالتنا هذه على موظف استقبال المستشفى و على أمين الشرطة و حتى بعض الضباط ..

دعنا نتسائل أولاً: لماذا تقف إذا صدمت احد المشاة؟؟............................اله بيتهم وانت الدخيل عليهم..
وكذلك من يصرون على المشي جنباً الى جنب رغم ضيق الشارع ويتعاملون بتناحة عجيييبة... أحياناً تراودني رغبة شريرة أن أدفعهم بجانب السيارة لكن أتراجع خوفاً من خروج الموضوع عن السيطرة فحماي كان دائماً ينصحني بتجنب غباء الآخرين مهما كنت أنا متمكن من السيارة.

ياباشمهندس كلامك كله 100 100 انت كأنك حللت الموقف بالظبط زي ماتكون كنت واقف ساعتها

المشاركة الأصلية كتبت بواسطة ainshouka

بيتهيالى ان افضل شئ انك تأخذ بزمام المبادرة وانك تكون اللى بتحركهم ومتستناش رد فعلهم

يعنى من الاخر اسرقهم

وشيل اللى اتخبط دا علطول وحطه فى العربية وحتلاقى اللى معاه من الصدمة حينفذ اللى حتقوله لانه شايفك ملهوف على المخبوط ولو واحد كمان من الناس اللى شافوا الحاذثة يركبوا عشان لو انت مش غلطان والراجل المخبوط جراله حاجة يبقى اللى معاه ميتبلاش عليك

وعلى اقرب مستشفى عدل علطول
ساعتها اللى كان مجنون حيهدى وحتى لو مهديش مش حيبقى فى زى عصبيته وقت الحادثة

بس كده بيتهيألى يبقى انت نجوت وعملت اللى عليك وساعدت المخبوط

+1111111

ربنا يحفظنا جميعا من الحوادث دى

و بجد حسبنا الله و نعم الوكيل فى الناس الى ماشيه بتستنطع فى الشارع
مفكره ان الى راكب عربيه نازل يتمشى و يتفسح متعرفش وراه ايه

اكتر حاجة بتغيظنى كمان الى ماشيين فى نص الشارع

يعنى انا صارفيين كل المصاريف دى على الرصيف (مش عايزيين نتكلم فى السياسه) و فى الاخر يمشوا فى نص الشارع