لا قدر الله - لو خبطت حد من المشاة بالعربية

**د.محمود صلاح** · 20-04-2010 05:24 PM

في الأقاليم وفي الزراعي لو حصلت حاجة زي كده بتحصل مظاهرات وتكسير وقطع طريق وكإننا في دولة الغاب

**ainshouka** · 20-04-2010 05:30 PM

بيتهيالى ان افضل شئ انك تأخذ بزمام المبادرة وانك تكون اللى بتحركهم ومتستناش رد فعلهم

يعنى من الاخر اسرقهم

وشيل اللى اتخبط دا علطول وحطه فى العربية وحتلاقى اللى معاه من الصدمة حينفذ اللى حتقوله لانه شايفك ملهوف على المخبوط ولو واحد كمان من الناس اللى شافوا الحاذثة يركبوا عشان لو انت مش غلطان والراجل المخبوط جراله حاجة يبقى اللى معاه ميتبلاش عليك

وعلى اقرب مستشفى عدل علطول
ساعتها اللى كان مجنون حيهدى وحتى لو مهديش مش حيبقى فى زى عصبيته وقت الحادثة

بس كده بيتهيألى يبقى انت نجوت وعملت اللى عليك وساعدت المخبوط

**aly_hosny** · 20-04-2010 05:32 PM

المشاركة الأصلية كتبت بواسطة ainshouka

بيتهيالى ان افضل شئ انك تأخذ بزمام المبادرة وانك تكون اللى بتحركهم ومتستناش رد فعلهم

يعنى من الاخر اسرقهم

وشيل اللى اتخبط دا علطول وحطه فى العربية وحتلاقى اللى معاه من الصدمة حينفذ اللى حتقوله لانه شايفك ملهوف على المخبوط ولو واحد كمان من الناس اللى شافوا الحاذثة يركبوا عشان لو انت مش غلطان والراجل المخبوط جراله حاجة يبقى اللى معاه ميتبلاش عليك

وعلى اقرب مستشفى عدل علطول
ساعتها اللى كان مجنون حيهدى وحتى لو مهديش مش حيبقى فى زى عصبيته وقت الحادثة

بس كده بيتهيألى يبقى انت نجوت وعملت اللى عليك وساعدت المخبوط

+1

**Imhotep** · 20-04-2010 05:43 PM

ربنا يسترها معانا كلنا فى بلد انت فيه المتهم فيه مدان حتى تثبت براءته

**MMamdouh** · 20-04-2010 05:44 PM

المشاركة الأصلية كتبت بواسطة Amrrr

السلام عليكم

كان في كذا موضوع اتفتح خاص بالحكاية دي

وانا ماكنتش عارف اخد قرار في الموضوع دا لحد امبارح
الحمد لله مش انا اللي خبطت لكن الحادثة حصلت ورايا ولما نزلت اشوف لقيت اخو اللي اتخبطت وواحد تاني معرفشي يقربله ايه كانوا عاملين زي المجانين - حقهم طبعا - مقدرشي الوم عليهم في حاجة
اخوه بيحاول يعمل اي حاجة عشان ينقله مستشفى او يجيب عربية اسعاف لدرجة انه كان بيفتح ابواب العربيات اللي بتعدي وكان في أمين شرطة واقف كان معدي بالصدفة الراجل كان بيوطي ع الأرض يبوس رجله يتصرف وبصراحة الأمين مانزلشي الموبايل من ايده وكان بيحاول يفتح الطريق على أد مايقدر !!
التاني بقى مسك العربية - كانت فيات 128 سليمة - خلاها مفيهاش حتة ازاز كاملة حتى الاشارة اللي في الجنب ومكفاهوش !!! فتح الأربع ابواب بتوع العربية وجابهم بالعكس لحد ماعوج الابواب والقوايم وكان هيكمل على الشنطة والكبوت بس لما لقى الناس هتتلم عليه ورايحين ناحيته قعد يشتم في الحكومة واللي راكبين عربيات وسب دين وسب كل حاجة وراح على الشارع يخبط عالعربيات اللي ماشية ويرزع برجله في الفوانيس -عشان يمشوا بسرعة عشان الاسعاف ييجي - بيوجب مع الميت بقى شكله كان بيعزه اوي !!! مش عارف ليه ماللي خبطه وقف ومجريش تقوم تعمل كدة في عربيته وطبعا ساعتها صاحب العربية اختفى
المهم العشر دقايق اللي وقفتهم يتكتب فيهم كتاب من المواقف اللي شفتها وردود الأفعال
- عربية اسعاف عدت - الناس تتحايل عليه يشيل الراجل مرضيش وقاللهم هاركن على جنب وانزل - وطبعا جري
- ناس بتعدي بهداوة وبالراحة وكلهم تأني وهدووووووء بيبصوا في ايه على عكس ناس تانية بتدخل وعايزة تعدي بسرعة وايدهم على الكلاكس مش بتتشال
- ناس كتير ملمومة فوق الراجل اللي متكوم عالأرض وانا نفسي لما قربت اديهم ازازة مياه اتخنقت من اللمة واحاول ابعد في الناس حاسس اني باكلم نفسي انا واللي بيحاولوا يعملوا زيي
- آخر حاجة اثرت فيا تكسير العربية اللي بصراحة خلاني لو اتحطيت في الموقف دا مش هاقف !! وهاروح اركن في اي حتة وارجع انقذ الراجل باي طريقة على اساس اني كنت ماشي في الشارع وشفت الحادثة ولو لقيت حد بيجري ورايا هاروح على اقرب قسم او نقطة امنية اكون عارفها - اذا في اعصاب للتفكير ساعتها وبس
لكن وقوف في موقف زي دا مستحيل !!! رأيكوا ايه يا جماعة حد يقول - انا من امبارح الموضوع معلم معايا اوي وكل شوية يعدي قدامي الموقف زي ماكون لسة واقف في الحادثة

فى حالة انك قائد السيارة المتسببة فى الحادث:

التصرف الصح لو خبطت حد انك تقف سواء غلطان او مش غلطان... الحركة دى بتفرق معاك جدا جدا فى موقف رجال الشرطة ووكيل النيابة و القاضى و حكم المحكمة

اللى كسر عربية الراجل سهل اوى يتحبس على اللى عملة فى العربية طالما تم اثبات التلفيات فى محضر الواقعة مع وجود شاهد و كمان من حق صاحب العربية مطالبتة قانونا بتعويض عن التلفيات اللى عملها

لو اللى اتخبط كان فى نهر الطريق فى مكان مفيهوش اشارة مرور و تكون مقفولة على العربيات (اشارة حمرا يعنى) ولا مكان عبور مشاه و اللى سايق معاه رخص و مش متجاوز السرعة القانونية يبقى اللى اتخبط ملوش اى حق فى اى حاجة و المحكمة حتحكم ببراءه السائق... بل بالعكس حيبقى من حقة رفع قضية للمطالبة بحقة فى تعويض عن التلفيات اللى حصلت للعربية بسبب صدم الشخص اللى كان فى وسط الطريق

فى حالة انك قائد السيارة ملهاش علاقة بالحادث:

امشى ولا اكن فيه اى حاجة... لو وقفت ممكن تتهم بانك انت اللى خبطة... و لو ركبت المصاب و نقلتة المستشفى ممكن تتهم انك انت اللى خبطة خصوصا لو مات فى الطريق

فى حالة او انت اللى كنت بتعدى الشاع:

اوعى تعدى من مكان مفيهوش مكان لعبور مشاة... و لو فية نفق او كوبرى مشاه استعملة... اصل لو خبطك حد مش حيبقى علية اى مسؤلية قانونية لان فى نظر القانون انت المخطىء مش سائق العربية و بالتالى لا حتاخد حق ولا باطل و مش حينوبك الا تكسير عضمك او ضياع حياتك لا قدر الله

MMamdouh

**MMamdouh** · 20-04-2010 05:55 PM

المشاركة الأصلية كتبت بواسطة Amrrr

كان في واحد صاحبي لما نيجي نعدي الشارع انا باخدها دايما جري او نط وهو ماشي بالراحة وحاطط ايده في جيبه ويبص لسواق العربية ويدور وشه وعلى مهله اخر حاجة !! ولما علقت معاه عالموضوع لقيته بيقول لي مايقف ايه المشكلة يعني !!

انصح صاحبك يعدى زى الناس عشان متبقاش اخرتة وحشة... ممكن يبقى نصيبة سواق مبرشم او عيل من بتوع نيد فور سبيد ياخدة على الكابوت او يعملة بوستر على الاسفلت و ساعتها مش حتنفعة ايدة اللى فى جيبة

MMamdouh

**MMamdouh** · 20-04-2010 05:58 PM

المشاركة الأصلية كتبت بواسطة romeo_6887

بعض المشاه بيعدوا و هما مغمضين عنيهم مش عارف ليه ؟
عايز تموت نفسك موت نفسك بعيد عني و متجيبليش مصيبه

+11111

MMamdouh

-

-

الموضوع: لا قدر الله - لو خبطت حد من المشاة بالعربية

LinkBack

أدوات الموضوع

عرض

-

-

-

-

المواضيع المتشابهه

هل ينفع امشي بالعربية واطلع برة القاهرة بالعربية بدون نمر

فين قاعات افراح دار المشاة ؟؟

نظام مكابح طوارئ من «بوش» لتعزيز سلامة المشاة

رداً وإضافة لـمـوضـوع - لو خبطت حد من المشاة بالعربية ....

رسالة إلى المشاة

الكلمات الدلالية لهذا الموضوع

المفضلات

المفضلات

ضوابط المشاركة