الموضوع: توكيل تويوتا و سعر الافانسيس "عنوان معدل بواسطة مشرف القسم"

المشاركة الأصلية كتبت بواسطة hokaboka

فعلاً العنوان كان حاد شوية بس انت مش متفق معايا ان تيوتا مش زي زمان! انا بسمع كلام كتير علي التيوتا دلوقتي والتوكيل بدل ما يشتغل بطريقة احترافية لاستعادة الثقة عمال يغلي في الاسعار وعايش في عالم الاحلام انيه بيبيع براند!

بخصوص السعر يا جماعة انا مش عاوز حد يقلق خالص ..لو حد له شوق فى الافينزيز الجديدة دى ..يستنى كام شهر بس حيلاقيها نزلت بتاع 30 او 40 %

دلوقتى التوكيل و كمان "شركة تويوتا " بقو بيعملو حساب المفجئات اللى حتظهر فى العربية ..يعنى لو ظهر عيب فى دواسة البنزين ...او عيب فى الفتيس او يمكن عيب فى العفشة ..يقوم التوكيل على اخر السنة كدة منزل 40% من ثمن العربية تقوم توصل فى الاخر للسعر اللى هو كان عاوز يبيع بية من الاصل " اصلهم اتعلمو درس مهم جدا من قرصة الكورولا "..

و دة اللى حصل فى العربيات ام فتيس ام ام تى اللى نزل عليها تخفيض خرافى على اخر السنة و اتباعت خلال اسبوعين "برغم علم الزبائن بالمشاكل و العيوب اللى موجودة فيها "

,,للاسف كتير من المصريين بقى بيهمهم التخفيض اكتر من جودة المنتج نفسة ..و دة اللى اكتشوف ببساطة توكيلات زى توكيل تويوتا و حيلعب على الحكاية دى فى مودلات جاية كتير ...

و يترى مش عوزين ينزلو الياريس لية ...شكلهم نويين ينزلو التويوتا الصينى الللى نزلت الصين والهند دى ..قلك المصرين مش حينفع معاهم غير العربيات دى ..و لو ظهرت اى مشاكل اهة اصلحها مقدور علية ..انما قرصة الكورولا دى مش لطيفة خالص بالنسبة ليهم و حيتعلمو منها كتير و حتتعبهم لفترة مش قليلة قادمة ..

اعتقد دى بداية نهاية التويوتا و من وراها اليابانى كلة فى مصر ..تخبط و عشوائية فى التسعير ..سيارات معيوبة ..مشاكل مع العملاء ..و النهاية ....

المشاركة الأصلية كتبت بواسطة mahamedaraby

مهما كان عمرى ما ادفع مبلغ زى ده فى عربيه اسيوى واسيب الباسات والbmw

ومش عارف الناس عماله تدافع باستماته كده ليه عن التوكيل

انتوا شايفن ان ده السعر بتاعها عادل

طيب حضراتكم لو بتقارنوا فى الفئه دى هتشتروها بالتمن ده وتحطوها فيها 250 الف ؟ مجرد سؤال

الله كلام موزون جداً يا استاذ محمد

المشاركة الأصلية كتبت بواسطة kareem_a

طل ليه ميكنش هو دة التسعير الصح ؟!

لما تبقى الفانتازيا هاي لاين ب200 يبقى الطبيعي السوبيرب تبتدأ من 200 و توصل ل250

يبقى هو دة سعر الفئة دي

الفئة دي فيها الافنسيس و الباسات و السوبيرب و المونديو الفكترا

و كلهم في نفس السعر .. يبقى فين الغلط في التسعير ؟

معلش يعني حضرتك عاوز تقارن الافنسيس بالباسات؟ طب انا ركبت العربيتين...ممكن حضرتك تركب دي ودي وتقولي رأيك بعد كده في الافنسيس!!! مهما كان العربية الالماني الماني يعني مع احترامي!

ههههههههه يا جماعه انا اول مره اقرا 4 صفحات بحالهم علشان اشوف ارائكم
وانا رحت امبارح التوكيل بتاع العباسبه وشوف الى هناك
وعاما انا ليا خبره كبيره فى العربيات واحب اقولكم رائى
1- الماتور : valve matic ودا ماتور ميزته تغيير مسافه فتح وغلق الصمامات على حسب الحمل والسرعه الى انتا عايزها والبوابه بتاعت الدخول بتكون مفتوحه على طول علشان يسمح بدخوا اكبر قدر وضغط من الهواء
وميزته : رفع الكفائه 15% والقدره 20% وتوفير 35% بنزين
يعنى هتحس بيها قدره وكفائه وبنزين وكل حاجه ودا ماتور غير ال vvti الى نازل فى اعربيات التويوتا كلها يعنى من الاخر ماتور بتكنولوجيا جديده
2-بالنسبه للخامات مع احترامى لاتفرق عن الكورولا ال2009 حاجه وحاجات كتير اوى مشتركه مابينهم فى الشكل من الداخل والعفشه والقطع التكيف والطابلوه
3-فى رائى العربيه دى امانها عالى بفضل الايرباج الى موجود فى كل حته وبالزات تحت الدركسيون
4-العربيه تصنيع انجليزى مش جنوب افريقى
5-مش عايز اغلط فى حد زى التوكيل :D بس مع احترامى العربيه دى كانت نازله بصندوق تروس اوتوماتيك رهييييييييييييييب والتوكيل حرمه مننا وكان نوع النقلات زى ال cvt الى موجود فى السوبر اكشن او النقلات الانهائيه يعنى عزم وشده ومش هتحس بالنقلات خالص وهتحس انك راكب مانيوال بس بدون نقلات ولا اى حاجه والى عايز يجرب يشوف الانسر السوبر اكشن
رائى الشخصى فى العربيه كتكنولوجيا هيا تاخد 8/10 وكشكل 8/10
وكجوده وامكانيات مقابل التمن 4/10
طيب لو جيت اقارن بعربيه تانيه قريبه منها فى التمن ومش بيز لاين زى دى توب لاين
انا رائى ان الجيتا الخليجى الكامله توب لاين احسن تكسب اوى بالنسبه كجوده وتمن وامكانيات
يعنى لو جينا نشوف كشكل هيا انسيابيه ممتازه وكجوده رهيبه وخامات رهيبه
وكامكانيات
1-نقلات ستب ترونك لذيذه و دى فى دى وجى بى اس تاتش وفتحه سقف وكراسى جلد ممتاز و ستاير كهربا وفتح العربيه تاتش وتشغيل بالزرار و ........... حد ينزل يشوف الموديل الى بتكلم عليه دا احسن لانى لو قعدت اقول امكانياته مش هخلص :D
وكل دا كان ب 210 الف وطبعا ماننساش انه المانى
بس الحاجه الوحيده الى فى صالح التويوتا هيا النعومه فقططططططططططططططط
انا طولت عليكم بس دا ملخص عن العربيه

المشاركة الأصلية كتبت بواسطة asemx1

ههههههههه يا جماعه انا اول مره اقرا 4 صفحات بحالهم علشان اشوف ارائكم
وانا رحت امبارح التوكيل بتاع العباسبه وشوف الى هناك
وعاما انا ليا خبره كبيره فى العربيات واحب اقولكم رائى
1- الماتور : Valve matic ودا ماتور ميزته تغيير مسافه فتح وغلق الصمامات على حسب الحمل والسرعه الى انتا عايزها والبوابه بتاعت الدخول بتكون مفتوحه على طول علشان يسمح بدخوا اكبر قدر وضغط من الهواء
وميزته : رفع الكفائه 15% والقدره 20% وتوفير 35% بنزين
يعنى هتحس بيها قدره وكفائه وبنزين وكل حاجه ودا ماتور غير ال vvti الى نازل فى اعربيات التويوتا كلها يعنى من الاخر ماتور بتكنولوجيا جديده
2-بالنسبه للخامات مع احترامى لاتفرق عن الكورولا ال2009 حاجه وحاجات كتير اوى مشتركه مابينهم فى الشكل من الداخل والعفشه والقطع التكيف والطابلوه
3-فى رائى العربيه دى امانها عالى بفضل الايرباج الى موجود فى كل حته وبالزات تحت الدركسيون
4-العربيه تصنيع انجليزى مش جنوب افريقى
5-مش عايز اغلط فى حد زى التوكيل :d بس مع احترامى العربيه دى كانت نازله بصندوق تروس اوتوماتيك رهييييييييييييييب والتوكيل حرمه مننا وكان نوع النقلات زى ال cvt الى موجود فى السوبر اكشن او النقلات الانهائيه يعنى عزم وشده ومش هتحس بالنقلات خالص وهتحس انك راكب مانيوال بس بدون نقلات ولا اى حاجه والى عايز يجرب يشوف الانسر السوبر اكشن
رائى الشخصى فى العربيه كتكنولوجيا هيا تاخد 8/10 وكشكل 8/10
وكجوده وامكانيات مقابل التمن 4/10
طيب لو جيت اقارن بعربيه تانيه قريبه منها فى التمن ومش بيز لاين زى دى توب لاين
انا رائى ان الجيتا الخليجى الكامله توب لاين احسن تكسب اوى بالنسبه كجوده وتمن وامكانيات
يعنى لو جينا نشوف كشكل هيا انسيابيه ممتازه وكجوده رهيبه وخامات رهيبه
وكامكانيات
1-نقلات ستب ترونك لذيذه و دى فى دى وجى بى اس تاتش وفتحه سقف وكراسى جلد ممتاز و ستاير كهربا وفتح العربيه تاتش وتشغيل بالزرار و ........... حد ينزل يشوف الموديل الى بتكلم عليه دا احسن لانى لو قعدت اقول امكانياته مش هخلص :d
وكل دا كان ب 210 الف وطبعا ماننساش انه المانى
بس الحاجه الوحيده الى فى صالح التويوتا هيا النعومه فقططططططططططططططط
انا طولت عليكم بس دا ملخص عن العربيه

تلخيص رائع وموضوعي جداً وانا متفق معاك 100 في ال100 العربية كويسة بس غاليه علي تيوتا.. انا حدفع الفلوس دي في الماني بس بصراحة، يا تري استاذ كريم رائيه ايه؟ عشان التعصب للتيوتا هنا جامد اوي انا ملاحظ من غير اساس بصراحة كائنها بورش ولا صاروخ!