الموضوع: توكيل تويوتا و سعر الافانسيس "عنوان معدل بواسطة مشرف القسم"

حضرتك براحه بس وواحده واحده
مفيش حد بيدافع عن الافينسيس
ولكن الكلام ان اشمعنى الأفينسيس اللي الناس مش عاجبها سعرها
وبعدين حضرتك قارنت بين البي ام 318 وسعرها في انجلترا وبين الأفينسيس 1600 سي سي اللي هنا
وفيه فارق ماتور
وحضرتك البي ام اللي هنا في مصر بتتصنع في بلدك وجماركها مش زي جمارك العربيات المستوردة التانيه
عاوز تقارن الأسعار
يبقى هاتلي البي ام اللي في انجلترا دي ودخلها مصر وبيعدين قارن الأسعار
الأفينسيس لو ببتصنع عندك كان هيبقى في كلام تاني
وتحياتي لك

حضرتك فهمتنى غلط خالص, انا مش بنتقد تويوتا و لا الافنسيس , بالعكس العربية عجبتنى جدا , انا اللى بنتقدوا بس تسعير العربية و اللى استفزنى ان الناس لما انتقدت تسعير العربية هنا ناس كتير ردت و وبختهم , العربية الأفنسيس ال1800cc اعلى و اغلى فئة فيها ارخص من ارخص فئة فى الbmw ال318 ( انا بتكلم على سعر الاتنين فى انجلترا مش هنا فى مصر, مع ان الاتنين نفس قوة الموتور تقريبا) علشان اثنت انها ارخص منها كتير بره فبالتالى مفروض سعر ال316 يكون اغلى كتير من الافنسيس ال1600 فى مصر لان ال2 مستوردين من اوروبا و جمركهم واحد(ال316 مبتتجمعش فى مصر) فبالتالى لازم تكون الافنسيس ال1600 ارخص ب20-30 الف من ال316 اللى سعرها 215 الف , بس يسعروا الافنسيس بسعر اغلى من الbmw دى حاجة مش مقبولة اطلاقا و اساسا الشكل القديم منها كانت ب 165-180 ازاى تنط ل 240؟ و كلام حضرتك فى اول رد مظبوط 100% دى سياسة تسويقية مش هدفهم البيع بكميات و انا دا اللى بنتقدوا و بختلف معاه مش بختلف مع تويوتا و لا مع العربية بالعكس انا بحترم المركة و العربية بس دى مش مركة فاخرة , bmw مركة بتنتج عربيات فاخرة و لكسس اللى هى ملك تويوتا بتنتج عربيات فاخرة , اما ان عربية اقتصادية تتباع بربع مليون و جمركها + ضرايبها حوالى 62% يبقى سعر مبالغ فيه.

حضرتك دلوقتي قلت كلام كتير

اولا و قبل اي شئ ياريت حضرتك تبص على اللينك دة
http://www.nilemotors.net/Nile/135482-bmw-316i.html (اوكتافيا فانتازيا -- BMW 316i)

دة مقارنة بين السكودا فانتازيا الب200 الف و الBMW 316 , و مع ان الفانتازيا فئة اقل من الافنسيس و لكن حضرتك هتلاقي ان الاعضاء مجتمعين على ان الفانتازيا افضل !!

يبقى ليه متكنش الافنسيس افضل ؟!

الBMW الهي بسعر الافنسيس دي , مفيهاش نص الاوبشنز الفي الافنسيس و كمان موتور الBMW 115 حصان اما موتور الفانسيس 130 حصان

بس دة مش معناه ان انا بقول ان عربيات تويوتا افضل من BMW , لأ اطلاقا

و لكن حضرتك متنساش ان احنا بنتكلم على اقل عربية في BMW سعرا و موضوعا , انا الافنسيس فهي اغلى عربية عند تويوتا بعد الكامري

و اخيرا ياريت حضرتك متقارنش باسعار بره , عشان احنا عندنا الجمارك و الضرايب بتفرق , و بذات في المواتير الاكبر من 1600 سي سي

حضرتك اى عربية اعلى فئة منها اللى فيها full options بتبقى بتمن الفئة اللى اعلى منها فاضية , بمعنى المرسيدس الc-300 تمنها قرب الe-250 فطبيعى الاوكتافيا الكاملة خالص تتباع ب 200 و الbmw الفاضية تتباع ب 215 , انا مش بقارن ال318 بالافنسيس ال1600 فى انجلترا , انا بقارن الأفنسيس ال1800 فى انجلترا ب ال318 و وضحت ان الbmw اغلى من الافنسيس بكتير فبالتالى لما تنزل ال1600 من دى و دى فى مصر و الاتنين مستوردين من اوروبا و عليهم نفس الجمرك لازم الbmw تبقى اغلى بكتير برده لان طبيعى سعر الbmw ال1600 فى اوروبا اغلى من الافنسيس ال1600 (زى المقارنة بين ال1800 بالظبط) و الاتنين عليهم نفس الجمرك.
و توضيح الbmw 316 سعرها فى مصر 215 للمانيوال و دى مستوردة بالكامل مش مجمعة خالص فى مصر و كان عليها عرض ب 209 الف فى معرض الاهرام.