الموضوع: لانوساوي جديد ومشكلتين لاقيتهم واضحين

مبروك العربيه ياباشا

بالنسبه للمشكله الاول
هو صاحبها كان بيحطلها بنزين كام.وحضرتك دلوقتى بتحطلها ايه.

دقق فى الصوت كويس قد يكون جاى من خرم فى الشكمان او السوسته بتاعته

ثانيا هى هاف وللا فول ومكان الحساس ده فين بالظبط عندك

الف مبروك وربنا يباركلك فيها ويكفيك شر طريقك


بالنسبه لصوت الموتور :-

1- الزيت المستخدم في الموتور قبل وبعد شرائك للعربيه ايه ؟
2- هل في رشح زيت على الموتور من اي اتجاه ؟
3- هل في عادم لونه مميزه طالع ؟؟ يعني ابيض اوي او اسود اوي ؟؟
4- هل الصوت العالي للموتور عباره عن اصوات شبه تخبيط ؟ ولا صوت متناغم لكنه عالى ؟؟
5- على السلانسيه عداد الـ rpm على كام ؟؟
6- البنزين المستخدم في العربيه ايه ؟؟؟
7- عداد الكيلومتر عامل كام لغايه دلوقتي ؟
8- هل في رجه ملحوظه في العربيه اثناء عمل المحرك , او اثناء السير او الطلوع من الثبات ؟
9- حاله فلتر الهواء ايه ؟
10- هل استهلاك البنزين طبيعي ؟
11- جربت تسد فتحه ديل الشكمان (بإيدك او فوطه) والعربيه دايره وتشوف اذا كان في تنفيس ؟؟

معلش لو كنت كتبت التساؤلات دي على هيئه نقاط , بس اتوقع الاجابه عليها هتفيد نسبياً في تحديد سبب علو الصوت

المشاركة الأصلية كتبت بواسطة dr.hany

مبروك العربيه ياباشا

بالنسبه للمشكله الاول
هو صاحبها كان بيحطلها بنزين كام.وحضرتك دلوقتى بتحطلها ايه.

دقق فى الصوت كويس قد يكون جاى من خرم فى الشكمان او السوسته بتاعته

ثانيا هى هاف وللا فول ومكان الحساس ده فين بالظبط عندك

ربنا يبارك في حضرتك يارب
بصراحه بالنسبه لموضوع البنزين مسألتوش بس هسأله وهعرف
وبالنسبه للصوت لا فعلا صوت الموتور مش نتيجة خرم في الشكمان او سوستة
بالنسبة للعربيه
هي فول وهو تقريبا الي شفته ده الحساس القديم الي بيقول غيره
وهو شبه ولاعة السجاير العاديه دي

المشاركة الأصلية كتبت بواسطة محمد الشامي

الف مبروك وربنا يباركلك فيها ويكفيك شر طريقك
ربنا بيارك في حضرتك ويسترها معانا كلنا

بالنسبه لصوت الموتور :-

1- الزيت المستخدم في الموتور قبل وبعد شرائك للعربيه ايه ؟
الزيت المستخدم قبل وبعد موبيل الابيض ب 105
2- هل في رشح زيت على الموتور من اي اتجاه ؟
لا يوجد رشح في اي اتجاه
3- هل في عادم لونه مميزه طالع ؟؟ يعني ابيض اوي او اسود اوي ؟؟
لا يوجد اي عادن ذات لون مميز
4- هل الصوت العالي للموتور عباره عن اصوات شبه تخبيط ؟ ولا صوت متناغم لكنه عالى ؟؟
هو متناغم بس عالي جدا جدا جدا مش علو طبيعي
5- على السلانسيه عداد الـ rpm على كام ؟؟
اقل من 1
6- البنزين المستخدم في العربيه ايه ؟؟؟
مش عارف بصراحه بس لما اشوف صاحب العربيه القديم هسأله
7- عداد الكيلومتر عامل كام لغايه دلوقتي ؟
داخل علي 180 الف
8- هل في رجه ملحوظه في العربيه اثناء عمل المحرك , او اثناء السير او الطلوع من الثبات ؟
نعم يوجد رجه ملحوظة
9- حاله فلتر الهواء ايه ؟
هو الي متغير فلتر الزيت والبنزين ومش متاكد اذا كان غير الهوا ولا لا
10- هل استهلاك البنزين طبيعي ؟
بصراحه لسه محسبتش بس بشوية المشي الي عملتهم حاسس انه عالي
11- جربت تسد فتحه ديل الشكمان (بإيدك او فوطه) والعربيه دايره وتشوف اذا كان في تنفيس ؟؟
عملت كده ومفيش تنفيس

معلش لو كنت كتبت التساؤلات دي على هيئه نقاط , بس اتوقع الاجابه عليها هتفيد نسبياً في تحديد سبب علو الصوت

متهيألي ان علو الصوت كأن في تكتكه في الموتور وعاليه قوووي

المشاركة الأصلية كتبت بواسطة tlrsiap

انا مش هافيدك في الصوت لأن الاحتمالات كتير , بس ابو حميد ما شاء الله معاك فيهم

بخصوص موضوع الخبط , لو بتخبط و انت ماشي على الارض المكسرة , اكشف على بارات الطرف , لو سلام اكشف على مسامير الميزان و كاوتشاتهم و كاوتشات ميزان الصدر و قفايزهم ( كانت عندي المشكلة دي و غلبتني ) ـ

نورت منتدى الدايو
:))

لا هيا بتخبط مع المشي العادي بس مش واضح ولكن وطبعا مع التكسير بيزيد
وان شاء الله هكشف علي الحاجات الي حضرتك قولتلي عليهم
وطبعا منتدي الدايو منور بالوحوش الي فيها والعمالقة الي ملهمش حل
وربنا يخليك ويكرملي زوقك

المشاركة الأصلية كتبت بواسطة muhmado_furp

متهيألي ان علو الصوت كأن في تكتكه في الموتور وعاليه قوووي

طيب يا باشا بالنسبه لباقي التساؤلات ؟؟ لان ده هيوضح الوضع العام للموتور , لان بناءا عليه كلنا هنقدر نستوعب المشكله وبإذن الله تلاقي حلول ليها

المشاركة الأصلية كتبت بواسطة محمد الشامي

طيب يا باشا بالنسبه لباقي التساؤلات ؟؟ لان ده هيوضح الوضع العام للموتور , لان بناءا عليه كلنا هنقدر نستوعب المشكله وبإذن الله تلاقي حلول ليها

الف شكر علي اهتمامك يا استاذ محمد
ربنا يباركلك
ولباقي الاسئلة انا رديت عليها تحت كل سؤال الرد بتاعه