الموضوع: !!!!يا جماعه حد يدينى حل لمشكلتى ؟!!؟

طيب معلش يا بشمهندس...هو لو الكلام ده بيحصل بجد...معنى كده..ان الزيت حيدخل و حيتحرق...

لا مفيش أحتراق للزيت ولا حاجه

وبيحصل بجد ياهندسه مع زيادة الخلوص

فيه نظريه فى هندسة التزييت أسمها oil film lubrication


___________________

يعنى أيه تفسيرها الهندسى

أى عمودى قاعد على كراسى تحميل ( زى عمود الكرنك ماهو قاعد على السبايك )

فى البدايه العمود بيكون قاعد ومرحرح على نص السبيكه التحتانى

أول ما بتدى مارش بيبدأ العمود يعوم لفوق شويه

الشويه دول هما الخلوص اللى بنقول عليه

واللى بيبقى شايل العمود مع قوة الطرد المركزى هو زيت التزييت

كل مازاد الخلوص كل ماكان غلط على كفاءة رفع الزيت للعمود

بيملص الزيت من الأطراف بتاعة الخلوص
لأن ده كرسى تحميل مفتوح من الجانبين

وساعتها حيكون العيب ظاهر قوى

العيب بيبان فى صورة أن الزيت بيهرب للكرتير على طول فى مناطق تحميل كتيره

وطالما الزيت هرب ومكملش مسيرته ضغطه بيقل فى الخطوط

وده بيخللى لمبة الزيت تنور فى التابلوه من خلال الدايره الكهربيه بين ساعة الزيت اللى على المكنه ولمبة التحذير اللى فى التابلوه

___________________________


بس فيه حته فنيه ممكن تبان معانا شويه مع وجود الحاله دى

وده سؤال برضه للأستاذ / صاحب الموضوع

المفروض مع حدوث هذا الوضع يحدث تأثر لحرارة المحرك عن الوضع الطبيعى فى صورة أرتفاع درجة الحراره على مؤشر الحراره بالتابلوه

طيب بأقولك أيه يا مصطفى بيه

كلمنى على الرقم ده أو ده

أوك يا باشا

الخونة دى حدثت مره واحده فقط

وكانت بتاريخ 10/2/2010

تم المعالجه والاصلاح واستلمت العربيه 15/2/2010

حلو الكلام

يعنى ممكن تكون السبايك حملت وقفشت شويه على ركب الكرنك فى الوقت ده وفكت والأمور سلكت والوضع عادى

بداية ظهور المشكله التى نحن بصددها لأول مره 28/2/2010

دى مع دى

لكن انا بعد الحصل دا

كنت ف مره مسافر وكنت مستعجل فكنت "حارق جامد " فلاحظت إن اللمبه " بتشعر " ع السلانسيه ودى كانت اول مره

وبءت
بعد اى حرق جامد تشعر

يعنى كانت احيانا ومش على طول كمان

وطالما فيه حرق يعنى سرعه زايده يعنى ممكن يكون فيه نسب تفويت غازات حريق من جوه الغرف للزيت ....يقوم لزوجته تنزل

يحصل تخبيط وتضيع السبايك ويبوظ الكرنك

وأدى الدليل

مشكلة السبيكه حدثت بعد السير ع سرعه زائده جدا مباشرة ولمده 15دقيقه 160--180 كم/ساعه فى 30/3/2010

حرق زائد .........يعنى أحتمال كبير لتفويت كبس ...يعنى أنهيار لزوجة الزيت ....يعنى بوظان كرنك وسبايك

يبقى على الخراط عدل

مايشتغلش صح

تبوظ المكنه

__________________________

وأقفل المحضر فى ساعته وتاريخه


متروحش لكهربائى ولا غيره ياباشا


وجرب بأه موضوع زيت الشنبر

حتشترى عبوه ( مش فاكر بتبقى حوالى 0.5 لتر )

وتنزل شوية زيت أدهم من الكرتير وتقفل الطبه تانى وتحط زيت الشنبر

وحرق بر احتك

وقولنا على الجديد

لأنها فيها كرنك تانى تقريبا ..................!!!!!!!!!!!!!!!!!!

شوف يا أبو حميد

أنت اللى حتجاوب على سؤالك ده

_ لو فرضنا حنحط عسل أسود فى الخلوص ده وجربنا

- وجينا بعد كده حطينا بدل العسل خل مثلا أو سولار

تفتكر أيهما اللى حيهرب أكتر من بين الخلوص

العسل ولا الخل

أنا عارف أنك حتقولى الخل حيهرب أكتر

علشان العسل بيلزق

أنا لا أقصد هذا

أنا عاوزك تبص للعسل والخل من جهة القوام واللزوجه فقط

حاول تربط بين الموضوعين وفكر كويس

ومتستعجلش فى الأستنتاج