الموضوع: مؤشر الحرارة تاني؟

يعني حضرتك يا استاذ وائل تقصد ان المؤشر مبقاش يوصل ابدا لتحت خط النص بمللي زي الطبيعي ؟

وان اقصى وصول للمؤشر عند نص الربع التاني حتى مع التسخين او الوقوف في اشاره لمده طويله ؟

المشاركة الأصلية كتبت بواسطة wael_dosoky

تمام زي ما بتقول
واضيف علي كده انه لما حتي بيوصل لنص الربع التاني تبتدي المراوح تشتغل وينزل المؤشر لحد فوق علامة الربع الأول بأقل من مليمتر
وهكذا تباعاً

طيب المراوح لما بتشتغل بتكون علي السرعه العاديه ولا الدرجه التانيه ؟؟؟

ومده عمل المراوح بتكون اد ايه تقريبا ؟ يعني مده طبيعيه ولا اقل ولا اكثر ؟

هل في تسريب في دوره التبريد من اي مكان ؟؟ او كنت بتعمل صيانه قريب في الدوره بشكل عام ؟

انا حاسس ان دي اعراض تخريف في صباع (حساس) الحراره

المشاركة الأصلية كتبت بواسطة wael_dosoky

لا موش عارف المراوح بتكون شغالة علي اي سرعة وبصراحة موش عارف اعرفها ازاي
المدة اد ايه بتشتغل مدة قليلة لغاية ما المؤشر يتحرك وينزل ياعني بنتكلم في دقائق قليلة
ما فيش تسريب المياه محافظة علي منسوبها

بالنسبه لحكايه ازاي تعرف الدرجه بتاعت المروحه فهي ممكن تيجي بالسمع شويه

يعني لو المراوح شغاله وانت فاتح الكبوت هتلاقي صوتها مندمج مع صوت الموتور ومش هتحس ان فرق الصوت واضح اوي مع اصوات الموتور ,, ودي كده السرعه العاديه

لكن لو صوت المراوح عالى ومميز وانت فاتح الكبوت او قافله , فـ دي كده السرعه العاليه , والمفروض انها بتشتغل اكتر لما التكييف بيكون شغال والحراره بتعدي الحاجز الطبيعي , فالدرجه التانيه من المروحه بتشتغل لغايه لما الحراره تنزل للدرجه الطبيعيه (للمرحله الأولى من التبريد) وترجع تاني للدرجه الاولي العاديه , وطبعا لغايه لما توصل لمرحله الامان فالمراوح تطفي خالص


وطالما ان دوره التبريد عندك سليمه ومفيش فيها اي تسريب ولا مشاكل , فمن رأيي تروح تعمل اسكان على العربيه

بس تقول لـ اللي هيعمل الإسكانر انك عايز تشوف موضوع الحراره ده تحديداً ايه اخباره بخلاف باقي الفحص يعني

وبعدها الراجل هيركب الإسكانر على العربيه وهيطلع معاك بالعربيه وانت سايق وهو هتلاقيه بيتابع المؤشرات الحيويه بالنسبه للعربيه , لغايه لما المراوح تشتغل , وفي اللحظه دي هيبان ادامه على الاسكانر الحراره الحقيقه للموتور , وقتها هتقدر تحدد الخلل اذا كان جاي من حساس الحراره ولا لا !!


طيب سؤال كده !! هل في احتمال ان يكون المؤشر على العداد نفسه هو اللي اترحل من مكانه شويه ؟؟ يعني كأنه مأخر شويه !!!

انا مش عارف اصلا ده ممكن يحصل ولا لا ؟ بس حصلت بصراحه مع ابن عمي في مؤشر طلمبه البنزين والتانك فضي تماماً وادامه على العداد المؤشر عند الربع , وطبعا كان لما بيفول كان المؤشر بيعدي علامه نهايه التانك

المشاركة الأصلية كتبت بواسطة wael_dosoky

بجد موش عارف
طب هيه العربية امامها 1000 كيلو تقريباً وهاوديها صيانة 10000 تفتكر مافيش مشكلة من الأنتظار لغاية ما اوديها الصيانة واقول لهم علي الحكاية دي؟

من رأيي مفيش مشكله طالما ان مرواح التبريد شغاله , حتى لو كانت بتشتغل مع سرعه اقل من الطبيعي , بس ده معناه ان عنصر التبريد دايما موجود بس سابق عن ميعاده

لكن الخوف يكون لما المراوح تشتغل متأخر او على حراره عاليه زياده عن اللزوم !! وده اللي حصل من شهر مع زوج اختى (لانوس 2005) ,, كان مؤشر الحراره عنده بيوصل لفوق النص بـ 2 مللي والمراوح تشتغل لغايه لما توصل تحت علامه النص بـ 2 مللي , والموضوع ده فعلا دوخه فتره لغايه لما راح لمحمد السيد وعمل اسكانر على العربيه , وزي ما قولتلك طلع بالعربيه ومحمد السيد على الاسكانر جنبه لغايه لما الحراره وصلت فوق المعدل الطبيعي والمراوح اشتغلت على السرعه التانيه كمان (الدرجه العاليه) , وفي اللحظه دي حراره المكنه على الاسكانر كانت طبيعيه جدا (تقريبا 93 درجه مئويه على ما اتذكر لكن مش متأكد) , وبالتالي المشكله كانت في صباع الحراره

و بعد تغيير صباع الحراره عند محمد السيد بردو العربيه اتظبط ومن ساعتها وهي الحمد لله مظبوطه

على فكره صباع الحراره تمنه 35 جنيه بالظبط ,, للعلم فقط


لكن لكي يطمئن قلبك , ننتظر رأي خبراء المنتدي الأكثر مني خبره وهما يفيدوك بإذن الله