ما اسباب السخونة , الفيورا بتسخن

**Abdm** · 28-04-2010 02:33 PM

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

**mohamed9999** · 28-04-2010 02:45 PM

المشاركة الأصلية كتبت بواسطة abdm

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

طيب لو الكلام دا بيحصل فى فيات 128 علما بان الريداتير جديد من 10ايام 3ماسوره نحاس و الترموستات 88-79 جديد متركبه مع الريداتير و الحاراه عندى بتعدى النص بشرطتين و بعدين المروحه تشتغل لغايه ما توصل المؤشر للنص هل دا العادى ولا ايه ؟؟؟؟؟؟؟؟؟؟وكمان عندى بعد كل مشوار يعنى ما يعديش 20-30كم الفى الميه نقصه فى القربه وبنود حوالى كوب ميه هل دا الطبيعى علما بانى جديد فى المسائله

**maka** · 29-04-2010 02:02 AM

المشاركة الأصلية كتبت بواسطة abdm

طبعا كل المعلومات اللى الآخوة قالوها دية 100 100 لحل مشاكل السخونة نهائيا بس اللى أنا أعرفة من خبرتى مع الفيورا عند الميكانيكية أنها الطبيعى بتاعها هو ما بين 80 و ال 90 ودة بيكون فى أغلب الآحوال والمروحة بتشتغل لما الحرارة بتعدى ال 90 لكن ما توصلش ل 110 تقوم الحرارة تنزل شوية لغاية تحت ال 90 بشرطة وهكذا بأستمرار دة المعدل الطبيعى ما تكونش قلقان القلق يكون لما توصل ل 100 أو 110 وتثبت وما تنزلش فى الحالة دية يبقى فية مشكلة لكن طالما المروحة بتشتغل عند 100 أو 110 وترجع لتحت 90 يبقى ما فيش مشاكل
والله المستعان

ما هى فعلا بتوصل ل 110 و مبتنزلش بالعكس بتزيد

و دى حاجة جديدة عليها لانها زمان مكنتش كده

**ayman2** · 29-04-2010 01:04 PM

حاول قراءه الموضوع كله مره اخرى

**mohamed9999** · 29-04-2010 03:26 PM

المشاركة الأصلية كتبت بواسطة ayman2

حاول قراءه الموضوع كله مره اخرى

??????????????

**ayman2** · 29-04-2010 03:38 PM

لأنى رديت على صاحب الموضوع من خلال خبرتى مع السياره من سنه 83 وقلتله الحل النهائى وشعرت انه ماخدش باله

**Abdm** · 29-04-2010 05:02 PM

المشاركة الأصلية كتبت بواسطة mohamed9999

طيب لو الكلام دا بيحصل فى فيات 128 علما بان الريداتير جديد من 10ايام 3ماسوره نحاس و الترموستات 88-79 جديد متركبه مع الريداتير و الحاراه عندى بتعدى النص بشرطتين و بعدين المروحه تشتغل لغايه ما توصل المؤشر للنص هل دا العادى ولا ايه ؟؟؟؟؟؟؟؟؟؟وكمان عندى بعد كل مشوار يعنى ما يعديش 20-30كم الفى الميه نقصه فى القربه وبنود حوالى كوب ميه هل دا الطبيعى علما بانى جديد فى المسائله

الحرارة بتعدى النصف بشرطتين دة كتير المفروض بالكتير قوى شرطة واحدة والمروحة تشتغل
ونقص المياة من القربة دة كتير قوى كدة فى مشكلة فى دورة التبريد أو هواء داخل الريداتير أو الغطاء بيسرب هواء ومش مظبوط وعايز يتغير أو الريداتير عايز يتنظف أو التوصيلات والخراطيم فيها مشكلة أو طلمبة المياة فيها مشكلة بس بأذن الله ما يكونش فى مشاكل فى الطلمبة وأكيد هيا حاجة بسيطة . وممكن جدا يكون الترمستات مش كويس ونوعة وحش ومش أصلى دة بخصوص أرتفاع الحرارة لكن نقص المياة عايزة كشف كويس

المشاركة الأصلية كتبت بواسطة maka

ما هى فعلا بتوصل ل 110 و مبتنزلش بالعكس بتزيد

و دى حاجة جديدة عليها لانها زمان مكنتش كده

أزاى الحرارة بتزيد والمروحة شغالة لو شغالة كويس حتى من غير ترموستات الحرارة المفروض تنزل يأما المروحة ضعيفة أو ما بتشتغلش أصلا

**maka** · 01-05-2010 04:26 AM

خلاص اكتشفت السر ان المروحة ساعات بتشتغل و ساعات لا و اكتشفت ده النهاردة و انا راجع البيت على الساعة 3.5 بالليل المفروض الجو بارد والطريق فاضى و مع ذلك لقيتها سخنت فتحت الكابوت لقيت المروحة مش شغالة زقتها بايدى دارت - يعنى كانت قافشة - طفيت العربية و دورتها بعد ما بردت والمروحة اشتغلت عادى طول الطريق

و بكرة ان شاء الله هروح للكهربائى نفكها و نشوفها