الموضوع: كرسى البوجيه

المشاركة الأصلية كتبت بواسطة محمد الشامي

مشكور يا باشمهندس على توضيح معنى كلمه كرسي البوجيه , لاني اول مره اسمعها وبالتالي اول مره اعرف معناها

افادك الله وجزاك كل خير

المشاركة الأصلية كتبت بواسطة moh_zaher

كلام من الاخر يا هندسه يدرس في الاكاديميه

شكرا لكما أخوتى الأعزاء

خد يامحسن باشا

أقرأ الموضوع ده كويس أوى

وشوف أخونا / كريم منير
بيقول أيه عن صنايعية مصر المبجلين

http://www.nilemotors.net/Nile/144582-a.html

المشاركة الأصلية كتبت بواسطة samirayad

فى دى أنا مش معاك يا أستاذ / محسن

لأن وجهة النظر دى مش صح فنيا
فالسكوت على العيب الصغير بيدخلك فى متاهات كبيره
هو سير الكاتينه راكب صح

انا بس عايز اقول لحضرتك انا مغيرتش عنده سير الكاتينة
وكل اللى حصل بسبب نسيان رباط صامولة بكرة شداد التكييف أو رباطها برباط صح

وكان يجب عليك طالما بتعرف كويس كده فى شغل الميكانيكا
أنك كنت بصيت وراه على الشغل بتاع السيور الخارجيه
أول ما لحظت حاجه غريبه
لأن تأثير نطر سير التكييف وتقطعه هو اللى عمل المشكله دى كلها
أثر على سير الدينامو والباور وباظ شغل دايرة الأشعال ( علشان الدينامو هو اللى بيغذى البوبينا وخلافه )
عموما قدر الله وماشاء فعل
وده فعلا نصيب ومكتوب

الحمد لله على كل شىء

وده اللى أنا عاوزه من كل الزملاء
دايما يبقوا واقفين ويراقبوا الصنايعى وهى بيشتغل فى سياراتهم
منها حيتعلموا حاجه جديده ومنهم يخلوا بالهم من كل خطوه بيعملها
أنا لما بأروح بأى عربيه لصنايعى بأبقى ناسى أهلى وعينى على كل كبيره وصغيره ومتابعه من الألف للياء

حضرتك بتقف تتابع بعينك كل حاجة لكن مش هتمسك مفتاح وتراجع وراه رباط صعب اوى
ده الواحد من دول لو تجرأت وقولت وجهة نظر مخالفة لكلامه ولو بسيط يبصلك وكانك شتمته بألفاظ مش كويسة

لأننا بشر وممكن تفوتنا حاجات بدون قصد
وده اللى حصل مع الصنايعى أو صبيانه

الاسطى هو اللى كان بيعمل الشغل والصبيان كانو بيناولوه عدة بس
بدون قصد طبعا

لا يا باشا مش عارف ليه عندى يقين ان اللى اتعمل معايا ده مقصود لان بالعقل كده البوجيهات بتبقى جايه بخلوص معين حتى لو الاربعة مش زى بعض فانه يقفل الموجب على السالب فكده يبقى معندوش ضمير

بغض النظر مين هو الصنايعى ده
ورجاء منى لا تذكر أسماء لأن كل ده وارد ومفيش شك

انا من البداية حضرتك مش ناوى اذكر اسماء لان الموضوع ده حصل معايا من حوالى سنة
وعرضته كمشاكل واجهتنى فى مواضيع سابقة ولم اذكر اسم الميكانيكى احتراما منى لجميع الاخوة
اللى ليهم فضل كبير عليا واستفدت منهم معلومات فنية وعملية وفرت عليا الذهاب لميكانيكى او كهربائى او عفشجى او حتى بتاع رادياتير وعوضتنى وزيادة عن اللى عمله معايا الميكانيكى
ودول كتير أوى

بس مبقاش يفرقوا عن بعض كتير اوى

خير بإذن الله

الحمد لله ومتشكر اوى لاهتمامك وسعة صدرك

انا بس عايز من حضرتك تفكر معايا بصوت عالى
اصرف ازاى:
دلوقتى فى بوجيه بيبقى عليه زيت
العربية لانوس sohc - 1.5
ماشية 190 الف كم
الزيت بينقص نص لتر كل 5 الاف كم وبيبقى نازل كويس كلون ولزوجة ومش محروق
استهلاك البنزين معقول بتعمل 10
هل ابتدى اعمل اختبار كبس للموتور علشان اعرف الزيت ده من الشنابر ولا من كاوتش الصباب
ولا فى حاجة تانية ابتدى بيها



المهم عاوز أقولك
طول ما أنت فى مصر ....أما تسلم على حد ............عد صوابعك بعد السلام

حضرتك بتقف تتابع بعينك كل حاجة لكن مش هتمسك مفتاح وتراجع وراه رباط صعب اوى

لا أنا مقلتش أننا نراجع وراه

أنت ممكن بنظرتك ليه وتحريقه وتأكيده على الشغل
حتعرف أذا كان مهمل ولا بيأكد على شغله

من حركة أيديه وحزقانه وهو بيربط
حتعرف هو بيربط بضمير ولا بيحسس على الصاموله

ده الواحد من دول لو تجرأت وقولت وجهة نظر مخالفة لكلامه ولو بسيط يبصلك وكانك شتمته بألفاظ مش كويسة

ولا تعبره

وبيع قلبك ....بيع ودك

أهم حاجه مصلحتك
ده بيشتغل فى حاجتك وحياخد فلوس زى ماهو عاوز

يبقى أتابع حاجتى زى ما أنا عاوز

الاسطى هو اللى كان بيعمل الشغل والصبيان كانو بيناولوه عدة بس

لا يبقى مش أسطى للأسف

اصرف ازاى:
دلوقتى فى بوجيه بيبقى عليه زيت
العربية لانوس sohc - 1.5
ماشية 190 الف كم

فى الغالب لما الزيت بيجى على بوجيه واحد
بيكون كاوتش صباب عاوز يتغير

ولكن درأ للشك باليقين

هل ابتدى اعمل اختبار كبس للموتور علشان اعرف الزيت ده من الشنابر ولا من كاوتش الصباب

أعمل أختبار كبس على الأقل نقارن درجات حبك الغرف الأربعه ببعضها

طلعوا كلك زى أو قريبين من بعض

يبقى الزيت ده بسبب كاوتش صباب فقط وليس شنابر الغرفه دى

وكده حتتعامل فقط مع رأس السلندر كلها

روديه وتغيير كاوتش صباب وبالمره شوية نظافه للبلوك ومجارى التبريد ورأس السلندر نفسها