الموضوع: انا وكوبري اكتوبر والتشريفه

المشاركة الأصلية كتبت بواسطة د.محمود صلاح

أو اسعاف .....

هههههههههههههههههههههههه , يا دكتور عندنا الاسعاف دلوقتى زيها زى اى تروسيكل لحمه فى الشارع

الناس كلها عارفه انه لازم يوصل بسرعه علشان الحاله حرجه بس الكل مطنش , انت لو بترمى على اللى جنبك علشان تعدى عربيه الاسعاف دلوقتى بتسمع ما تكره ده غير انك تفتح له الطريق تلاقيه زى الثعبان ساحب وراه يجى 20 عربيه كلهم عاملين نفسهم ولاد خاله المريض

المشاركة الأصلية كتبت بواسطة ahmed0nouh

ده غير انك تفتح له الطريق تلاقيه زى الثعبان ساحب وراه يجى 20 عربيه كلهم عاملين نفسهم ولاد خاله المريض

ههههههههههههههههههه
أو بقية دكاترة الطقم الطبي اللي رايحين يعملوا العملية وينقذوا المريض

انا عندى مشكله من عربيات الاسعاف لما بلاقيها ببقى دمى بيفور و باخد سيئات من شتيمه الناس محترمه

انا مقتنع ان مش واجبك بس انك تاخد يمين و تشتم و تتشتم من اللى جنبك بس بس كمان تساعد الطريق اللى فيه الاسعاف انه يفضى يعنى هيروح فين اللى قدام الاسعاف ماهو لازم هيجيلى

المهم لما ببقى قدام الاسعاف بكذا عربيه باخد يمين من غير تفكير و اقف بالعربيه عشان اوسع طريق للى كان جاى من ورايا و لسه قدام الاسعاف انه يوسع و يخش يمين هوا كان

المفاجاءه اللى كل مره تصيبنى بازبهلال ان مافيش حد بيلاقى اليمين فاضى و يفكر يبعد عشان عربيه الاسعاف تاخد مكانه و يفضل مصمم انه يمشى قدامها و ده سلوك انا مش فاهمه و مش قادر احدده

مره واحد كوباره هوه و المودام راكبين مرسيدس اس كلاس حصلته و قلته حضرتك انا مفضيلك قدامى عشان تعدى عربيه الاسعاف ليه مادخلتش الحاره بصلى اكنى مجنون ليلى فضلت ابصله و دعيتله بواحد زيه كده يفضل قدامه و هو بيموت فى عربيه الاسعاف

ده غير الظاهره العجيبه ان كل الناس بتظبط نفسها و تعطل الحاره عشان تظبط نفسها تجرى ورا عربيه الاسعاف و الكوميدى ان انا من واقع التجربه الاغلب انى لما بسيب الحاره لعربيه الاسعاف بينتهى بيا الامر انى بسبق الحاره عشان كله بيطلع يجرى وراها و فاكر ان حد هيوسع و لما بسيب المسافه قدامى ماحدش بيخش فيها و اللى يضحك اكتر ان كتير عربيه الاسعاف هيه اللى بتخش قدامى من غلبه

المشاركة الأصلية كتبت بواسطة محمد الشامي

حضرتك لو شوفت فيلم "طباخ الريس" هتعرف ان الناس في الوقت ده كانت كلها تحت الكوبري

ههههههههههههه

المشاركة الأصلية كتبت بواسطة hugan

المشكله ان عربيات الاسعا ف مش بيكون معاها حالات وتدي سرينه الموضوع ده خلي كتير من الناس تطنش انها توسع ليها

مين قالك هو مش ممكن يكون رايح يجيب حد محتاج للاسعاف او يكون جوه بالفعل

بجد الاسعاف الجديده دى تحفه بمعنى الكلمه والله فى الحوادث بتوصل فى اقل من 10 دقايق فى مكان

والله يا عم عالم ما عندها دممممممممممممم ولا احساس ولا ذوق ولا فارق معاهم اي فرد من افراد الشعب ربنا يجحمهم مكان ما يكونوا بس الي مخلينا صابرين ان في الاخر ربنا هياخد حقنا منهم

فعلا المفروض أي حد يوسع للإسعاف بغض النظر إن كانت فاضية ولا فيها حد لأنه فعلا ممكن يكون رايح يجيب حالة وأحيانا ممكن يكون رايح ينقل دم لحالة حرجة وأحيانا بينقل الدكاترة نفسهم لمواقع الحوادث على الطرق
المشكلة هنا انعدام الثقة المتبادلة بين الشعب.. وللأسف فعلا بعض سائقي الإسعاف بيستهبلوا شوية ولكن اللي بيتبلغ عنه منهم بيتشد شدة محترمة لأن فعلا مرفق الإسعاف حاليا أحسن من زمان بكتيير جدا