جنوط للميجان يا وحوش.....

**Hany Saad** · 29-04-2010 06:06 PM

المشاركة الأصلية كتبت بواسطة Meggieboy

بص حضرتك فى ضوء معلوماتى البسيطة و مع إكتمال كل العوامل الأخرى يعنى :

الزوايا تمام و العفشة تمام و مفيش أى عيوب ظاهرة فى الكاوتش المفروض الكاوتش النظيف (يعنى ماركة محترمة) يقعد 50000 كيلو أو خمس سنين أيهما أقرب.

طبعا اللى أنا بقوله لا يطبق على الكاوتش الأستوك اللى نازل مع العربية لأنه مش بيكون أعلى كواليتى زى اللى بتشتريه بعد كده....يعنى بيكون على قد حاله شويه.

المفروض العمر الإفتراضى للكاوتش اللى نازل مع العربية يكون كمان أقل من كده.

موديل عربيتى 2006 و الكاوتش الموجود فيها لقيته إنتاج 2005 يعنى بقاله خمس سنين فى العربية مع إنى مش عامل غير 37000 كيلو فقط.

طبعا أكتر حاجة لفتت نظرى و خلتنى أقلق على الكاوتش هى إن خامة الكاوتش نفسه إبتديت تبقى فيها تشققات رفيعة و ده معناه إن الكاوتش مش فى حالة جيدة و عمر الإفتراضى كخامة إنتهى مع إن المداس بتاعه لسه عالى جدا.

طبعا مقدرش أخاطر بحياتى و حياة أسرتى لذا وجب التغيير.

نسيت أضيف إن الكاوتش الأصلى اللى كانت نازله بيه ماركة بريدجستون و فى سنتها لما دخلت على الإنترنت علشان أقراء مواصفاته لقيتهم مش كاتبين عليه حاجة و قايلين ده مش للبيع التجارى...ده نازل فقط مع الميجان...و هو بالمناسبة إنتاج تركى.

فكرة الstability الزيادة اللى كنت بقول عليه مش علشان هغير الجنط من 15 إلى 16 لكن علشان هزود عرض العجلة من 195 إلى 205 فمعنى كده إن عرض المداس اللى لامس الأرض زاد...يبقى الstability زادت.....

لكن مع زيادة العرض الإحتكاك بالأرض هيزيد فهيزود شوية إستهلاك البنزين و هيحمل سنه على الموتور.

فكرة الإحساس بالمطبات ناتجة من زيادة قطر الجنط و تقليل طول الكاوتش من لمسه للأرض حتى بداية الجنط فالإحساس بالحفر و المطبات هيزيد.

طبعا دى المعلومات اللى عندى مش عارف مدى صحتها.

بالمناسبة لقيت النهاردة كاوتش ميشلان إيطالى 195/65جنط 15 ... energy saver السرعة h إنتاج يناير 2010 و سعر الفردة فى حدود 500 جنيه...حد جربه قبل كده؟؟و إيه رأيكم فيه؟؟

**Hany Saad** · 29-04-2010 06:17 PM

المشاركة الأصلية كتبت بواسطة dr dido

انا الكوتش بتاع عربيتى عامل حوالى 55000 وروحت اكشف عليه عند بتاع الكوتش قاللى ممكن يعض كمان من 5000 ل10000 كم معرفش يمكن علشان النيتروجين بيساعد شوية فى تطويل العمر الافتراضى بتاعها والله اعلم... :u_thin1[1]:

حضرتك العناية بالعجل سواء عن طريق المحافظة على ضغطه (نيتروجين أو هوا عادى) و تبديله كل 10000 كيلو أو زى ما بيقولو كل غيار زيت بيحافظ على عمره جدا لكن متنساش حاجة....الخمس سنين أو ال50000 كيلو دى توصية صانع العجلة نفسه.....

إنت هنا بتخاطر بحياتك بعد الشر....طبعا هو ممكن يقعد لغاية 100000 لكن حضرتك اللى بتغامر.....

متنساش إن أغلب الصنايعية فى مصر مبيفهموش و لا بيعرفوا يقرو و لا يكتبو و وخدنها بالدراع....فلا تثق كثيرا فى كلامهم خصوصا لو سألته ....متأكد يا أسطى و رد عليك " عيب يا باشا "....ساعتها أعرف إنك لبست فى الحيط....

**Hany Saad** · 29-04-2010 06:20 PM

المشاركة الأصلية كتبت بواسطة blazer

اعرف واحد قعد بيه ل 80 الف كيلو والكاوتش مريحش حتى مره منه
هو انا فكرت فى الموضوع دا وتوصلت الى ان كل ما القطر الخارجى للكاوتش يزيد كل ما عمره الافتراضى زاد لان عدد لفات الكاوتش على الارض بتقل لما يكبر قطر الكاوتش
40 -50 الف حلو اوى على الكاوتش الاستوك 15 بوصه
انت ناوى على كاوتش نوعه ايه
بريدجستون - ميشلان -كمهو ؟

أنا عايز أجيب أنظف حاجة و أريح دماغى...مش مهم تمنه إيه لأن ده مفهوش هزار....

أنا طول عمرى بحترم الميشلان لكن مجربتوش من خمس سنيين و مش عارف الكواليتى إيه أخبارها دلوقتى....و مستنى خبراتكم يا وحوش.

**Hany Saad** · 29-04-2010 09:55 PM

Michelin ZMA - Pneumatiques, pneus auto, pneu voiture, pneus 4x4, pneus moto, achat pneu et vente pneu
codeRubrique=20060301144421&lang=EN

يا جماعة أنا حاطط هنا link العجلة الميشلان الإيطالى الenergy saver ....مواصفاتها حكاية...تندرج تحت فئة العجلات الصيفية...و بتوفر فى البنزين و الفرامل 3متر أقل من الجيل السابق و مفيش ضوضاء و شوية حبشتكنات كده...

أنا عديت على كام واحد بتاع كوتش...الغريب إنهم عندهم كل المقاسات و الماركات و مفيش حد فيهم إختلف على إن العجلة الميشلان فى أى نقشة أو موديل أو مقاس " لا يعلى عليها و لا تقارن بغيرها" مع إن فيه كونتيننتال فرنساوى زيها و أغلى من الفئة الT فى السرعة و مع ذلك البائع قالى الميشلان عجلة مفهاش غلطة...قلتله سمعت إنها بتعمل صوت و شوية دوشة ...قالى يا باشا لو كل العجل اللى عندى ده عمل صوت الميشلان متعملش...طبعا الحوار ده كان مع صاحب المحل و هو شاب فى الأربعينات مش تاجر يعنى و بيغير عربيات كل شويه....يعنى واحد فاهم إلى حد ما.

يا ريت اللى جرب الميشلان الإيطالى الenergy saver يشاركنا للإستفادة....

**Hany Saad** · 29-04-2010 10:37 PM

المشاركة الأصلية كتبت بواسطة refattosa

باشا ... تصدق انا زيك بالظبط نفس العربية و نفس الكاوتش و نفس التفكير كمان
عايز اغير الكاوتش و اركب جنوط الفرق بس ان عربيتي عاملة 50 الف مش 37

يا ريت تتابعني باللي وصلت له .. و ما قولتلناش عملت اية في الجنوط

و تقبل تحياتي.

مشكور يا باشا على التواصل...و أهلا بيك يا زميل...

المشكلة إنى من إسكندرية و مش عارف مين عنده جنوط نظيفة ...

بصيت كده على السريع عند كام واحد لكن بصراحة مكيفونيش...شكلهم كده يتحطوا فى تاكسى مش فى ميجان...

عايز حد فى إسكندرية بيجيب شغل كويس و نظيف....يعنى جنط يكون بيتكلم لوحده كده....

إنما بالنسبة للكاوتش شكلها كدة هترسى على الميشلان إلا لو حد من الوحوش حظرنا منها أو قلنا على شىء أشد....

**د.محمود صلاح** · 30-04-2010 10:12 AM

لو بتفكر تغير الجنط الحالي يبقى تحط الجنط الأصلي بتاع ال 2006 او ال 2007 او ال 2008 اللي بعدد ريش أكبر ,,, عشان شكل العربية بيتبهدل تماماً بغير الجنوط الأصلية ( بالذات التحفة الفنية المسماه بالميجان ) ... وصدقني فكري زي فكر ناس كثير ...

**Hany Saad** · 30-04-2010 10:27 AM

المشاركة الأصلية كتبت بواسطة د.محمود صلاح

لو بتفكر تغير الجنط الحالي يبقى تحط الجنط الأصلي بتاع ال 2006 او ال 2007 او ال 2008 اللي بعدد ريش أكبر ,,, عشان شكل العربية بيتبهدل تماماً بغير الجنوط الأصلية ( بالذات التحفة الفنية المسماه بالميجان ) ... وصدقني فكري زي فكر ناس كثير ...

متفق مع حضرتك تماما و فعلا ضيعت من إيدى أربع فرد كوتش بالجنط بتوع ميجان كوبيه (متخيل) كان صاحبها بيبعهم علشان بدل لجنط momo و كان عارض الأربعة بالجنوط أعتقد فى حدود 3000 جنيه و ممشاش بيهم غير 3000 كيلو....و قلتله هفكر و أرد عليك بكره .....و للأسف بكره كان بيعهم بعد ما قلتله إنى عايزهم.

أنا بس خوفى من جنط الميجان الطراوة الزايدة بتاعته...يعنى أى مطب ظريف من المطبات المنتشرة فى البلد يبقى الجنط سلامتك....و دى خبرة كل أصحابى و قرايبى اللى معاهم جنوط فى الميجان...تقريبا أغلبهم مبوظله جنتين تلاتة و مستعدلهم...لكن بصراحة طبعا فى موديلات منهم شكلهم حكاية.