انا والبواب والمرسيدس (البيه البواب)

**3ateef** · 02-05-2010 07:34 PM

المشاركة الأصلية كتبت بواسطة أحمد كمال

عشان هو اكل عيشه كده

شغال دكاكيني من غير ضرايب و لا بتاع و الناس عارفة مكان العمارة

لو ساب شغلة البواب هيخسر السبوبة الكبيرة

على فكرة الراجل ده محترم جدا

عالاقل النعمة ظاهرة عليه

إن الله يحب إذا أنعم على عبده نعمة أن يرى أثر نعمته

فيه منهم بيفضل عايش في دور الفقير المعدم عشان يفضل ياخد حسنات و صدقات

ده عالاقل عايش عيشة النزاهة

**أحمد كمال** · 02-05-2010 07:42 PM

المهم دلوقتي البواب هيجراله ايه

ذنبه في رقبتك يا شنر

**Mohamed.Raafat** · 02-05-2010 08:10 PM

المشاركة الأصلية كتبت بواسطة نور القمر

مرة كنت رايحة اجيب شغالة عمتي عشان اوريها طريق البيت عندي
وكان معايا ال 127
طول السكة مش عاجباها العربية وتتريق من تحت لتحت
انا معرفش هم عندهم ايه ولا ظروفهم المادية ايه
بس كانت بتتريق بجد
ولولا اني عارفاه من زمان من وانا طفلة من عند عمتي وعارفه اسلوبها انها معتبرة نفسها واحدة من البيت كنت رميتها من العربية وانا ماشية

مش شرط يا نور تكون هيا عندها عربية احسن منك ولا حاجة

بس فيه ناس كده يكون ممعهاش و تحب تتريق على خلق الله في اي حاجة حتى لو كانوا احسن منهم ( بيقولوا عليها عقدة النقص

) و بيكون طبعا الحسد داخل في الموضوع ده من تحت لتحت

**Terrible_DaRsH** · 02-05-2010 08:16 PM

فى بيتنا القديم زمان , كنت بستغرب جدا ان الدكتور اللى فى اول دور بيسلم على البواب و يبوسه و يقعد معاه !

لا و كمان البواب ده بشوفه راكب عربية مرسيدس برده زى بتاعت بواب شنورى بالظبط بس كانت حديثة ساعتها لان الكلام ده من 10 سنين .

لما عزلنا و افتكرت الرجل ده سالت والدتى , قالت لى ان الدكتور ده ابنه و ان المرسيدس بتاعته و ان العمارة دى و اللى جمبها يبقوا ملكه :) ما شاء الله .

كان اسمه شعبان و اولاده حاولوا كذا مرة انهم يخلوه يسيب شغلانة بواب بس هو مرديش و هما تقبلوه كده ..

بس و الله اعرف واحد كان شغال هنا فى عمارة قصادنا كان زى فيلم احمد زكى بالظبط , و الان بسم الله ما شاء الله , ميتحكيش عليه و لا على اولاده .

الناس دى بتتعب بجد و اغلبهم بيبقوا عارفين ربنا و عندهم زمة و ربنا بيكرمهم , احترم بواب تعب ووصل لكده و محترمش وزير قاعد بياخد من جيوب الناس .

**Eng.Geo** · 02-05-2010 08:17 PM

اه شفت عندكوا في أسكندرية
كان بواب في عمارات الظباط بتاعة مصطفي كامل وطبعا سمسار وكان معاه بيجو 504 وكانت حالتها سوبر

**Col. Eng. Khaled** · 02-05-2010 08:52 PM

المشاركة الأصلية كتبت بواسطة أحمد كمال

المهم دلوقتي البواب هيجراله ايه

ذنبه في رقبتك يا شنر

عبد الرحمن بيه البنا بسم الله ما شاء الله حكايته حكايه ....... قر المنتدى كله ما يحوقش فيه

على فكرة الراجل ده حدوته

باع عربيته اللانسر 2008 كان جايبها زيرو عشان يركب المرسيدس ....... الحقيقة هو ما شاء الله "جته" و اللانسر كانت بتميل أول ما يركبها .

فعلا زي أخويا شنوري ما قال لا تلاقيه لابس جلابيه مكرمشه و لا دقنه مش محلوقه و لا مش حاطت بارفان .

و الله و بقيت مصيط عالنت يا عُبد .

**SHNORY** · 02-05-2010 08:57 PM

المشاركة الأصلية كتبت بواسطة col. Eng. Khaled

عبد الرحمن بيه البنا بسم الله ما شاء الله حكايته حكايه ....... قر المنتدى كله ما يحوقش فيه

على فكرة الراجل ده حدوته

باع عربيته اللانسر 2008 كان جايبها زيرو عشان يركب المرسيدس ....... الحقيقة هو ما شاء الله "جته" و اللانسر كانت بتميل أول ما يركبها .

فعلا زي أخويا شنوري ما قال لا تلاقيه لابس جلابيه مكرمشه و لا دقنه مش محلوقه و لا مش حاطت بارفان .

و الله و بقيت مصيط عالنت يا عُبد .

هههههههههههههههههه
حبيبي خالد بيك
اهوه
وشهد شاهد من اهلها
انا بفكر اخد منه حق الاعلان ده
علشان كده ممكن فلوسه تزيد بعد شويه الاعلانات دي

**Col. Eng. Khaled** · 02-05-2010 09:20 PM

المشاركة الأصلية كتبت بواسطة eng:mohamed

:pointiy2[2]::pointiy2[2]::pointiy2[2]::pointiy2[2]:
قواتنا المسلحه بتفرفش..
فينك يا سيادة العقيد من زمااان

معاكم يا باشمهندس و الله (هنا و في الحرفيين) .

-

-

الموضوع: انا والبواب والمرسيدس (البيه البواب)

LinkBack

أدوات الموضوع

عرض

-

-

-

-

-

-

المواضيع المتشابهه

هو ايه وظيفة البواب؟

البيه اللوز بيبلطج ...

البواب كان بيهرج معايا

اللي عاوز يشوف البيه البواب يجي عندنا المنطقه

مغامرتي مع البيه السباك

الكلمات الدلالية لهذا الموضوع

المفضلات

المفضلات

ضوابط المشاركة