تغطية اول مقابلة للاسرة نيسان فى 30/4 /2010بالصور

**م.محمد علاء** · 03-05-2010 03:22 PM

المشاركة الأصلية كتبت بواسطة amir

موضوع ايقافي هعمل بيه شكوي في قسم الشكاوي بس شويه اجمع قواعد المنتدي و اراجع الموضوع كويس
و ممكن تبقي تتابع الشكوي في قسم الشكاوي بس خد بالك ان ممنوع علي اي حد غير صاحب الشكوي الكتابه فيها
و التعليق علي العقوبات و الايقافات ممنوع برضو
فبلاش كلام من ده هنا و تبقي تابعه بس لو حبيت تعرف في قسم الشكاوي

الطيب أحسن يا باشا....
ايقاف يفوت ولا حد يموت...
انا كنت قاعد أتفرج على الصور و مقدر اللى انت فيه...
ودخلت على الإحصائيات بتاعك...و أشوف النشاط الحالى.
الاقيه بيقول:يشاهد الرئيسيه...
قعدت أضحك

و أقول ....بيتفرج على الرئيسيه..

معلش بقى يا دكتره...نشوفك فى مقابلة عيد الميلاد ان شاء الله
عشان انا مشبعتش منك خاااااالص

**Mohamed.Ramah** · 03-05-2010 03:36 PM

المشاركة الأصلية كتبت بواسطة ahmed.tv

ومحمد رماح شخصية جميلة , جدا ويارب يوعدنا بعربية زى اللى راكبها فى الصورة بتعته

وباذن الله فى مكان حلو فى دماغى حروح اكتشفه الاول وحقولكم عليه عشان قريب فى شهر 6 حنتقابل تانى وحيكون فى نصه عشان الكل يجى

وكمان فى رمضان حنتقابل وحنفطر يوم مع بعض , وفى مكان فى دماغى تحفةةةةةةةةةةةةة للمقابلة فى رمضان , بس ساعتها حيكون بالحجز وليه ترتيب , لان المكان حيعجبكم جدا وحيكون على النيل ويناسب امكانيات الكل

وباذن الله دايما متجمعين على خير , ويارب تكون عادة دايمة ومتتقطعش ابدا

الله يخليك كفاية ذوقك وكرم اخلاقك وانا سعيد بمعرفة حضرتك والله وشكرا على التنسيق الجميل واللى انا اتشرفت وسعدت بوجودى معاكم بما انتى ليس من ملاك نيسان ويارب نتجمع فى الخير دائما
-وبالنسبة للعربية العربية تحت امرك من دلوقتى لو عاوز ههههههههههههه بس خلى اكتوو معاك لانوا كان عايزها وبيفكر فيها وان شاء الله نتجمع من تانى و فى رمضان لانى حابب اشوفكم من تانى

ودة حاجة مالفها كدة للمناسبة الجميلة دة وانى شفتكم :

اعز ناس بنقابلهم فى حياتنا وبنحكيلهم كل حكايتنا

بنفكر فيهم دايما ولا ننساهم ابدا مهما بيحصل

بنتمنى يعدى الوقت ويتجدد من تانى الوعد

علشان نشوفهم ونكون بصحبتهم

ولما بنبقى مع بعض لية الوقت
بيعدى بسرعة من قدمنا
والحظات الحلوة كانها ذكرى

ماشيين دلوقت

وبنتمنى نتقابل تانى حتى لو صدفة

--------------------------------------

**AhmadKamal** · 03-05-2010 04:45 PM

واحمد كمال شخصية فى منتهى الروح والجمال ولذيذ جدا ,ونفسى اقعد معاه تانى , وكفاية ان رجل اهلاوى صميم ههههههه , عاوزين نروح مع بعض ماتش الاهلى اللى جى يا احمد ايه رايك؟! ومتنساش تسلملى على اسامة

شكرا جزيلا يا أبو حميد علي الكلام الحلو ده؛ كمان علي المجهود الكبير بتاعك

بالنسبة للماتش صعب

بس الأهلي ألماظ وان شاء الله هنكسب و نتأهل

**mohamedhamam** · 03-05-2010 06:11 PM

روح جميلة جداً و أتمنى أن تساعدنى الظروف و أكون بينكم المقابلة القادمة إن شاء الله

**Dr_Smart** · 03-05-2010 08:51 PM

والله يا جماعه انا اتشرفت بمقابلتكم جميعا وفعلا كان يوم اكتر من رائع وناس قمه في الذوق الواحد كإنه قاعد وسط اهله واصحابه اللي يعرفهم من سنين ... والحمد لله اني قدرت احضر المقابله دي اكيد كنت هخسر كتير لو ماجتش ... واتشرفت بكل الاخوه اللي اتكلمت معاهم زي استاذ احمد مصطفى و دكتور امير و مهندس ايمن و محمد رماح واستاذ علي و استاذ سامح واكتو ... واتشرفت بمقابلة كل الاخوه اللي لم تتح الفرصه اني اتبادل الحديث معاهم .

طبعا شكر خاص جدا جدا لأخي الحبيب احمد مصطفى على دعوته ليا لمشاركه اسرة نيسان في اليوم الرائع ده وربنا يكرمك ويجازيك كل خير .. بجد كإني قابلت اخويا الكبير وعلى فكره يابوحميد انت فيك شبه كبير من صديق عزيز ليا ... وربنا يديم المحبه ويجعلها خالصه لوجه سبحانه .

اتشرفت بمقابلة البشمهندس سبعاوي وكان نفسنا يقعد معانا وقت اطول وكان نفسي الحقيقه يعملنا تقييم عن التيدا والsx4 بحكم خبرته وآرائه اللي بتحظى باحترام الجميع ولكن للاسف الوقت كان ضيق .

واتشرفت بالبشمهندس غازي ربنا يتمم شفاؤه والف حمدلله على سلامتك راجل قمه في الذوق .

واتمنى مشاركتكم في مقابلاتكم المقبله واكون ضيف خفيف عليكم .

**Dr_Smart** · 03-05-2010 08:58 PM

المشاركة الأصلية كتبت بواسطة mohamed.ramah

وقبل اما انسى شكر لد- احمد مجدى وانا سعيد بالتعرف عليه جدااااااااا هو واخوة علاء اللى شرفونا فى المقابلة وشكرا على التوصيلة الجميلة

يا محمد ربنا يكرمك والله انا سعيد بمعرفتك ده احنا طلعنا جيران كمان وان شاء الله نشوفك تاني على خير

**Dr_Smart** · 03-05-2010 09:05 PM

المشاركة الأصلية كتبت بواسطة aymenseef

انا بصراحه مش عارف اقول ايه !!
غير انه كان من اجمل الايام اللى مرت على الواحد
فعلا كان يوم جميل جدا والواحد اتعرف على ناس فى قمه الاحترام والزوق
وطبعا عايز اشكر كل واحد حضرالمقابله وساعد على ترتيبها
واخص بالذكر الاعضاء من خارج قسم النيسان
واحنا مروحين حصل موقف كوميدي مع دكتور امير
مكنش عارف الطريق ازاي
قولتله تعالى ورايا على الدائري
واول ما دخلنا الدائري جاتلى حاله الزهايمر ونسيت هنمشي ازاي

وساعتها قالى تعالى ورايا هههههههههههه
لغايه ما دخلنا مدينه نصر
فعلا يوم ميتنسيش مع ناس زي العسل

ايمن باشا والله انا سعيد بمعرفتك فعلا شخصيه محترمه وجدع واتمنى اشوفك تاني على خير ان شاء الله

بس انا اتفقت معاك انت وامير اني عارف الطريق وكنا ماشيين مع بعض وبعدين لقيتكو اختفيتو خالص بس رجعنا تاني اتقابلنا في الاشاره في مدينة نصر

واحنا في الطريق امير كلمني بيقولي انت ماشي على مهلك ليه وكان بيتريق على نمر العربيه هههههه قلتله والله انا شديت شويه لقيتكو مش عايزين تجروا هديت تاني وبعدين جيت جنبه عملت كيك داون عشان اسخنه بس معرفتش استفزه

**Mohamed.Ramah** · 03-05-2010 09:11 PM

المشاركة الأصلية كتبت بواسطة dr_smart

يا محمد ربنا يكرمك والله انا سعيد بمعرفتك ده احنا طلعنا جيران كمان وان شاء الله نشوفك تاني على خير

انا الاسعد والله انى اتعرفت عليكم وباذن الله نتقابل تانى فى اقرب وقت على خير باذن الله

**amir** · 03-05-2010 09:18 PM

المشاركة الأصلية كتبت بواسطة Dr_Smart

وبعدين جيت جنبه عملت كيك داون عشان اسخنه بس معرفتش استفزه

هو اللي كنت بتعمله جنبي ده كيك داون؟!!
ده انا اشفقت علي عربيتك من اني اكسر حاجز الصوت و انا معدي من جنبك
و قلت بلاش دلع علي الحبايب و خليني عادل و امشي عدل يحتار سو زووكي فيك

-

الموضوع: تغطية اول مقابلة للاسرة نيسان فى 30/4 /2010بالصور

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مكان المقابلة الثانية للاسرة نيسان والدعوة عامة لكل الاقسام

تغطية مقابلة كيا موتورز...بالصور!

تغطية مقابلة شهر فبراير 2009

تغطية مقابلة شهر ديسمبر 2008

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة