الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

إستكمالاً لموضوع:
سيارة الشركة وحادث (من يتحمل التكاليف ؟) قل رأيك
في الرابط التالي:
http://www.nilemotors.net/Nile/138014-a.html

وصل الموضوع إلى إتفاق بين الموظف وإدارة الشركة:

تم الاتفاق على أن الشركة ستتحمل خطأ الغير ويتحمل الموظف الذي كان يقود السيارة خطأه
بمعنى أنه لو كانت نسبة خطأ الموظف 50% فإنه يقوم بدفع نصف تكلفة إصلاح سيارة العمل وعلى الشركة أن تدفع النصف الآخر

* لكن المشكلة التي ظهرت هي الآتي:
من الذي سيحكم على الموظف ويوضح مدى خطأه في تلك الحادثة ؟؟
وبعد البحث لم نجد أحداً.
لذلك فهذا الأمر متروك لاجتهادكم في توزع نسبة الخطأ بين السيارة الحمراء والسيارة الصفراء
وسأحكي ظروف الحادث بالتفصيل مع التوضيح بالصور فيما يلي:

1- موقع الحادث هو شارع صلاح سالم أمام معهد الإحصاء عند مدخل شارع الطيران
الحادث حصل الساعة الثانية فجراً
السيارة الصفراء هي التي يقودها الموظف
حيث كان متواجد بالحارة الوسطى تقريباً
وكانت السيارة الأخرى الحمراء لم تظهر بعد له
كما بالصورة التالية رقم 1:
http://img215.imageshack.us/img215/3...accedent01.jpg

2- بدأت السيارة الحمراء تظهر ولكنها فجأة انحرفت يميناً قليلاً قبل أن ينتهي المدخل بقليل وهدأت من سرعتها
كما بالصورة رقم 2 :
http://img88.imageshack.us/img88/253...accedent02.jpg



وفجأة ظهر لها أمر آخر بسبب التردد أو وجود عائق يمينها فتوقفت تماما بشكل مائل
واصطدمت بها السيارة الصفراء من الخلف مع عدم وجود أي فرصة له للهروب يمين أو يسار بسبب الزحام
وعلامة زحف العجلات على الأرض بسبب الفرامل طولها حوالي 10 أمتار
كما بالصورة رقم 3:

http://img228.imageshack.us/img228/6...accedent03.jpg

ملاحظة هامة:
الفرق الزمني بين الصورة 2 والصورة 3 هي لحظات

فمن المخطئ ؟؟
وإذا كان الكل مخطئ فما هي نسبة خطأ الموظف في السيارة الصفراء وما هي نسبة خطأ السيارة الحمراء
أي إذا كان الاثنان مخطئان فما هو توزيع الخطأ بينهما
أتمنى أن تضعوا آراءكم حتى نستطيع وضع نهاية لتلك القصة

وأي إستفسار أنا موجود
وشكراً لكم

انا شايف إنها ٥٠٪ لإن بدام الزحف بتاع الفرامل ١٠ متر معناها إن الي راكب العربيه الصفرا كان بيجري وبسرعة مش بسيطه

أنا رأيي برضة من الوصف المصور ده إن الموظف علية نسبة خطأ بس لا تتعدى 30% والله أعلم

مش هقدر احدد اسف

70% the red one

30% el yellow

اقتباس:

---

المشاركة الأصلية كتبت بواسطة yoko

انا شايف إنها ٥٠٪ لإن بدام الزحف بتاع الفرامل ١٠ متر معناها إن الي راكب العربيه الصفرا كان بيجري وبسرعة مش بسيطه

---

لما ركزت تاني ومن الحوادث الي كنت بشوفها بره مصر هو أقل من ال٥٠ ٪ بس مش بكتير

الموظف غلطان بدرجة 70% لأن الطريق واضح وماكانش فيه أى عائق للرؤية أمامه-انا مش مصدق انه ما كانش شايفها- هو أكيد كان سرحان لأنه لو كان لاحظ انحراف المفاجئ للعربية الحمراء وشاف ان يمينها عربية تانية قافلة عليها مدخل شارع الطيران
كان مفروض يهدى السرعة فى هذه اللحظة - لكنه حاول التوقف فى آخر لحظة

اقتباس:

---

المشاركة الأصلية كتبت بواسطة khaled_nowaihy

الموظف غلطان بدرجة 70% لأن الطريق واضح وماكانش فيه أى عائق للرؤية أمامه-انا مش مصدق انه ما كانش شايفها- هو أكيد كان سرحان لأنه لو كان لاحظ انحراف المفاجئ للعربية الحمراء وشاف ان يمينها عربية تانية قافلة عليها مدخل شارع الطيران
كان مفروض يهدى السرعة فى هذه اللحظة - لكنه حاول التوقف فى آخر لحظة

---

الفرامل معلمه ١٠ متر في الأرض!!! ده غير بتاع ٥ متر على ما أخد ردة الفعل
ده غير إن التاني توقفة غير متوقع في الحرة الي في النص!!!

اقتباس:

---

المشاركة الأصلية كتبت بواسطة yoko

الفرامل معلمه ١٠ متر في الأرض!!! ده غير بتاع ٥ متر على ما أخد ردة الفعل
ده غير إن التاني توقفة غير متوقع في الحرة الي في النص!!!

---

لو 10 متر زحف ... يبقى كان ماشى على سرعة كام ؟؟؟
حد يعرف اجابة السؤال ده يا جماعة ؟؟

Stopping Distances for Cars

العامل المهم هنا الاتى
1- هل السيارة الحمراء كانت مدية اشارة قبل الانحراف لانها بتدى تحزير
لو مدتش اشارة يبقا الخطاء كل الخطاء على السيارة الحمراء لية لانة توقف فجأة فى شارع السرعة فية 60 كيلو متر كحد اقصى ولا يصح التوقف فى الحارات التى تتوسط الطريق لان ببساطة لازم كان خد الحارة الاخيرة الملامسة للحودة غير كدة السيارة الحمراء هى المخطاء (الحمراء 80 % الصفراء 20%)
لكن لو مدى اشارة تنبية كدة من الواضح استهتار السيارة الصفراء بالموضوع وتكون نسبة الخطاء (الحمراء 10% الصفراء 90%)

اقتباس:

---

لكن لو مدى اشارة تنبية كدة من الواضح استهتار السيارة الصفراء بالموضوع وتكون نسبة الخطاء (الحمراء 10% الصفراء 90%)

---

معاك في الجزء الأول لكن التاني ﻷ لإن الإشارة متديلوش حق إنه يتوقف كليا في وسط الشارع!!!!!!!!!!

اعتقد ان المخطأ في البدايه صاحب السياره الحمراء
نظرا لانه داخل يمين متأخر اوي وداخل من نصف الطريق وده خطا واضح
وصاحب السياره الصفراء على خطأ لكن بنسبه اقل لان دا طريقه بس في الوقت كان على سرعه عاليه
ممكن نقول 70 مقابل 30
او 80 مقابل 20
دي وجهة نظري

بس عندي احساس بيقولي ان نسبة الخطأ مناصفه بين الاتنين هيكون العدل

اقتباس:

---

المشاركة الأصلية كتبت بواسطة yoko

معاك في الجزء الأول لكن التاني ﻷ لإن الإشارة متديلوش حق إنه يتوقف كليا في وسط الشارع!!!!!!!!!!

---

اولا قانونا السيارة الحمراء هى السبب بنسبة 100 % لية بقا لان القانون للمرور يقول عندما تريد الدخول الى احدى الشوارع الجانبية اعطاء اشارة جانبية اولا والتزام الحارة الجانبية حتى لو وقفة على بعد 10 كيلو لكن احنا فى مصر السواقة عندنا عفية
وكمان توقف السيارة الحمراء توقف كامل فى طريق 60 كيلو متر كحدى اقصى وفى حارة تتعداء فيها السرعة التوقف يبقا الحمراء غلطان بنسبة 100%
وكمان قانون المرور يقول الاتى فى كل دول العالم الذى فى الخلف غلطان مش فى مصر بس لية بقا لانك المفرود تسيب عدد من الامتار بين كل سيارة اذا كان استعمل المكابح 10 امتار يبقا كان ماشى بسرعة تتعداء المقررة لهذة الخانة ترتيب السرعة الخانات الاولى 60 اقصى حد الثانى 40 الثالث 20 الرابع 10 اى انة كان يجب ان يمشى عشرين او ثلاثين كحد اقصى وكام متر يوقفوة مستريح يبقا الخطاء مذدوج لكلاء السائقين

اقتباس:

---

المشاركة الأصلية كتبت بواسطة tamertamer

اولا قانونا السيارة الحمراء هى السبب بنسبة 100 % لية بقا لان القانون للمرور يقول عندما تريد الدخول الى احدى الشوارع الجانبية اعطاء اشارة جانبية اولا والتزام الحارة الجانبية حتى لو وقفة على بعد 10 كيلو لكن احنا فى مصر السواقة عندنا عفية
وكمان توقف السيارة الحمراء توقف كامل فى طريق 60 كيلو متر كحدى اقصى وفى حارة تتعداء فيها السرعة التوقف يبقا الحمراء غلطان بنسبة 100%
وكمان قانون المرور يقول الاتى فى كل دول العالم الذى فى الخلف غلطان مش فى مصر بس لية بقا لانك المفرود تسيب عدد من الامتار بين كل سيارة اذا كان استعمل المكابح 10 امتار يبقا كان ماشى بسرعة تتعداء المقررة لهذة الخانة ترتيب السرعة الخانات الاولى 60 اقصى حد الثانى 40 الثالث 20 الرابع 10 اى انة كان يجب ان يمشى عشرين او ثلاثين كحد اقصى وكام متر يوقفوة مستريح يبقا الخطاء مذدوج لكلاء السائقين

---

ما أنا بقول كده وإن الخطا مشترك والنسبه ٥٠٪ ٥٠٪ ولو أقل يبقى الصفراء هي الي أقل

اقتباس:

---

المشاركة الأصلية كتبت بواسطة yoko

ما أنا بقول كده وإن الخطا مشترك والنسبه ٥٠٪ ٥٠٪ ولو أقل يبقى الصفراء هي الي أقل

---

المشكلة فى النظام الفاشل لان ببساطة مفيش حاجة اسمها رقابة انا سقت برة مصر كل واحد برة عارف لية اة وعلية اة كلة ملتزم وان وجد الغير ملتزم بيتم سحب الرخص نهائيا فى مثل هذة الحوادث سدقنى ممكن تلقى اربع او خمس حرات فضين وحارة وحدة وقفة بالخمسة كيلو عادى بدون فزلكة انك تاخد الحارة الثانية وتلف على واسع الكلام دة مبيحصلش لان فى رقابة وغرامات مكلفة جدا جدا جدا جدا طالما مفيش حساب خلاص الخطاء هنا فى التطبيق والرقابة

هو طبعا الخطا مشترك لكن بصفتي محامي واكيد مرت عليا قضايا من النوع ده فالمحاكم ليها حسابات وعوامل محدده لتحديد الخطاء اهمها اثار الفرامل وحالة الرؤيه وحالة الطريق وعوامل اخري زي اتجاه الخبطه والتلفيات الموجوده في العربيات
بتطبيق الحالات علي الحادثه المعروضه هيتضح ان اثار الفرامل 10 متر يعني العربيه الصفرا كانت ماشيه بسرعه اكبر من السرعه المسموح بيها في الطريق وهي 60 ك واعتقد من الفرامل ان العربيه سرعتها اكتر من 100 ك
حالة الرؤيه الواضح انها كانت ليليه بس طبعا في انارة في الطريق والرؤيه كانت كويسه لسائق العربيه الصفرا
وحالة الطريق جيده يعني مفيش مطبات او عوامل اخري تعوق السير زي مياه علي الطريق او زيوت او غيرها
الحاله الاخيره وهي الانحراف المفاجئ للسياره الحمراء ودي روايه لايمكن اثباتها الا بالشهود وبالاقوال لاكن المعاينه مش هتسبتها الااذا اذا كان هناك اثار لذلك
ومن السابق يتبين من وجهة نظري ان السياره الصفراء تتحمل نسبة الخطا الاكبر لانه لو استخدم الحيطه والحظر في القياده واتبع القوانين الخاصه بالسرعه كان بامكانه تفادي الحادثه
وبتوزيع النسب من وجهة نظري هي 20 % السياره الحمراء و 80% السياره الصفراء

اقتباس:

---

المشاركة الأصلية كتبت بواسطة tamertamer

المشكلة فى النظام الفاشل لان ببساطة مفيش حاجة اسمها رقابة انا سقت برة مصر كل واحد برة عارف لية اة وعلية اة كلة ملتزم وان وجد الغير ملتزم بيتم سحب الرخص نهائيا فى مثل هذة الحوادث سدقنى ممكن تلقى اربع او خمس حرات فضين وحارة وحدة وقفة بالخمسة كيلو عادى بدون فزلكة انك تاخد الحارة الثانية وتلف على واسع الكلام دة مبيحصلش لان فى رقابة وغرامات مكلفة جدا جدا جدا جدا طالما مفيش حساب خلاص الخطاء هنا فى التطبيق والرقابة

---

فعلا ووقفت مره ١٠د عشان u turn لو سرقته مكنش هيخد نص د

اقتباس:

---

المشاركة الأصلية كتبت بواسطة mr_sameh

هو طبعا الخطا مشترك لكن بصفتي محامي واكيد مرت عليا قضايا من النوع ده فالمحاكم ليها حسابات وعوامل محدده لتحديد الخطاء اهمها اثار الفرامل وحالة الرؤيه وحالة الطريق وعوامل اخري زي اتجاه الخبطه والتلفيات الموجوده في العربيات
بتطبيق الحالات علي الحادثه المعروضه هيتضح ان اثار الفرامل 10 متر يعني العربيه الصفرا كانت ماشيه بسرعه اكبر من السرعه المسموح بيها في الطريق وهي 60 ك واعتقد من الفرامل ان العربيه سرعتها اكتر من 100 ك
حالة الرؤيه الواضح انها كانت ليليه بس طبعا في انارة في الطريق والرؤيه كانت كويسه لسائق العربيه الصفرا
وحالة الطريق جيده يعني مفيش مطبات او عوامل اخري تعوق السير زي مياه علي الطريق او زيوت او غيرها
الحاله الاخيره وهي الانحراف المفاجئ للسياره الحمراء ودي روايه لايمكن اثباتها الا بالشهود وبالاقوال لاكن المعاينه مش هتسبتها الااذا اذا كان هناك اثار لذلك
ومن السابق يتبين من وجهة نظري ان السياره الصفراء تتحمل نسبة الخطا الاكبر لانه لو استخدم الحيطه والحظر في القياده واتبع القوانين الخاصه بالسرعه كان بامكانه تفادي الحادثه
وبتوزيع النسب من وجهة نظري هي 20 % السياره الحمراء و 80% السياره الصفراء

---

يمكن إثبات وضع العربيه الحمرا بسهوله من أثر الكاوتش ووضع العربيه بعد الحادثة من المدخل!!!!

اقتباس:

---

المشاركة الأصلية كتبت بواسطة mr_sameh

هو طبعا الخطا مشترك لكن بصفتي محامي واكيد مرت عليا قضايا من النوع ده فالمحاكم ليها حسابات وعوامل محدده لتحديد الخطاء اهمها اثار الفرامل وحالة الرؤيه وحالة الطريق وعوامل اخري زي اتجاه الخبطه والتلفيات الموجوده في العربيات
بتطبيق الحالات علي الحادثه المعروضه هيتضح ان اثار الفرامل 10 متر يعني العربيه الصفرا كانت ماشيه بسرعه اكبر من السرعه المسموح بيها في الطريق وهي 60 ك واعتقد من الفرامل ان العربيه سرعتها اكتر من 100 ك
حالة الرؤيه الواضح انها كانت ليليه بس طبعا في انارة في الطريق والرؤيه كانت كويسه لسائق العربيه الصفرا
وحالة الطريق جيده يعني مفيش مطبات او عوامل اخري تعوق السير زي مياه علي الطريق او زيوت او غيرها
الحاله الاخيره وهي الانحراف المفاجئ للسياره الحمراء ودي روايه لايمكن اثباتها الا بالشهود وبالاقوال لاكن المعاينه مش هتسبتها الااذا اذا كان هناك اثار لذلك
ومن السابق يتبين من وجهة نظري ان السياره الصفراء تتحمل نسبة الخطا الاكبر لانه لو استخدم الحيطه والحظر في القياده واتبع القوانين الخاصه بالسرعه كان بامكانه تفادي الحادثه
وبتوزيع النسب من وجهة نظري هي 20 % السياره الحمراء و 80% السياره الصفراء

---

اختلف معك اخى لان ببساطة لو التزم السيارة الحمراء بالحارة الجانبية التى يجب السير فيها لدخول المنحنة هنا القانون واضح وصريح وبالبلدى مينفعش يلف وهو بهذة الوضعية ابدا ابدا

الموظف مش غلطان

و اللي بيقولوا انه بيجري ...... هو لو ماشي 60 مش هيلحق يقف برضه

plus دي عربية شركة يعني اكيد مستهلكة و حالتها بالبلا يعني ممكن يكون عمل اللي عليه و الكاوتش و الفرامل ماجابوش معاه

اقتباس:

---

المشاركة الأصلية كتبت بواسطة tamertamer

اختلف معك اخى لان ببساطة لو التزم السيارة الحمراء بالحارة الجانبية التى يجب السير فيها لدخول المنحنة هنا القانون واضح وصريح وبالبلدى مينفعش يلف وهو بهذة الوضعية ابدا ابدا

---

ياباشا انا معاك طبعا بس لما بيتعمل معاينه اكيد بتكون بعد الحادث طبعا ومفيش قدامك غير اوضاع العربيات والتلفيات اللي فيهم
الحاجه التانيه هتثبت ازاي ان العربيه دي كانت هتدخل المنحني . طبيعي لما يتسئل سائق العربيه الحمراء هيقول ان انا كنت ماشي وفوجئتبعربيه داخله فيا من الخلف

انا شايف السواق مش غلطان فى حاجه , طبيعه صلاح سالم فى الوقت ده ان الواحد على الاقل ماشى 80 ( ماشى على الرابع مرتاح ) وده مش جرى مقارنه بالناس اللى بتبقى ماشيه 100 فما فوق فى المكان ده

السيناريو اللى انا متخيله , العربيه اللى قدام فجأه أخد يمينه على اخر حته فى الدخله وبعدين لقى حد داخل الملف او الملف ضيق فهدى جامد ووقف تماما فى وضعيه واخد جزء من الحاره الوسطى والحاره اليمين , وسواق الشركه ماشى فى الحاره الوسطى وجاى حد من شماله فمش هيعرف يجى شمال

الفتره اللى هياخدها فى النظر للمرايات وبعدين رد الفعل ثم الفرمله عادى جدا انها تكون غير كافيه للوقوف خاصه ان العربيات بتبقى قريبه من بعض ومسافه 10 متر فرمله مش مسافه كبيره ابدا بالنسبه لسرعه فى رنج ال 80 وعربيه وارد جدا ان فراملها وكاوتشاتها مش فى حاله جيده

انا شايف السواق بعيد عن دائره الخطأ

في وجهة نظر المرور اللي من الخلف دائماً مخطئ

اقتباس:

---

المشاركة الأصلية كتبت بواسطة أحمد كمال

الموظف مش غلطان

و اللي بيقولوا انه بيجري ...... هو لو ماشي 60 مش هيلحق يقف برضه

plus دي عربية شركة يعني اكيد مستهلكة و حالتها بالبلا يعني ممكن يكون عمل اللي عليه و الكاوتش و الفرامل ماجابوش معاه

---

:S_thum1[1]:
واكييد الفرامل بتاعته مش abs واكيد عاديه وحالتها وحشه فطبيعي انها متجبش معاه والعربيه تزحف ده كله

العربية الحمراء طبعاً غلطانه مفيش حد يقف الوقفة دي وبعدين العربية الصفراء ماشية في طريقها عادي

اقتباس:

---

المشاركة الأصلية كتبت بواسطة د.محمود صلاح

في وجهة نظر المرور اللي من الخلف دائماً مخطئ

---

مش ديما يا باشا ووالدي عمل حادثة ومعاينة المرور (طبعا بره مصر) قالت إن والدي مخطأ ١٠٠٪ مع إن الي خبط فينا خابط ورا!!!!

اقتباس:

---

المشاركة الأصلية كتبت بواسطة yoko

مش ديما يا باشا ووالدي عمل حادثة ومعاينة المرور (طبعا بره مصر) قالت إن والدي مخطأ 100٪ مع إن الي خبط فينا خابط ورا!!!!

---

في الامارات لو مشيت تحت الحد الأدنى للسرعة القانونية وسط الطريق و حد خبطك من ورا انت الغلطان

اقتباس:

---

المشاركة الأصلية كتبت بواسطة أحمد كمال

في الامارات لو مشيت تحت الحد الأدنى للسرعة القانونية وسط الطريق و حد خبطك من ورا انت الغلطان

---

الكلام ده بره يا أحمد باشا
وأنا خبطة والدي كانت شبه دي بس هو دخل الشارع والي قدامة وقف فشنطة العربيه كانت طالعة (فورد بقى طول العربيه حوالي 5 متر!!!) بره قام التاني جه شالها ومكنش كاسر سرعة كان ماشي ٨٠ المرور قال والدي غلطان ١٠٠٪ لإنه كان المفروض لقى الطاريق واقف ميخشش!!!

اقتباس:

---

المشاركة الأصلية كتبت بواسطة yoko

الكلام ده بره يا أحمد باشا
وأنا خبطة والدي كانت شبه دي بس هو دخل الشارع والي قدامة وقف فشنطة العربيه كانت طالعة (فورد بقى طول العربيه حوالي 5 متر!!!) بره قام التاني جه شالها ومكنش كاسر سرعة كان ماشي 80 المرور قال والدي غلطان 100٪ لإنه كان المفروض لقى الطاريق واقف ميخشش!!!

---

انا اليومين العمي اللي سقت فيهم في الامارات علموني حاجة واحدة

ان كل اللي انا اتعلمته هنا عن السواقة و قواعد المرور غلط

ههههههههههههههههههههههه

عندنا نظام ان المرور لازم يجى ويقيم الحادث
وبالصدفه البحته انا حصلى نفس الموقف اللى انت بتحكى عليه
انا كنت ماشى على السرعه المقرره وكانت 120 وواحد عمل نفس الحركه الزباله دى وكان بينى وبينه مسافه
ضابط المرور عاين الحادث والمفاجئه اللى عمرها ما حصلت لان السايد عندنا الغلط على اللى صادم من الخلف
لكن المرور طلع نسبة الغلط عليه 100% لانه لازم قبل ماياخد المخرج يكون فى الحارة اليمين قبل 200 متر منها من مكان اليفطه الأولنيه اللى بتبينله المخرج.

طالما كان بيعمل مأموريه للشركه بسياره الشركه

يبقى الشركه تتحمل كل التكاليف ... ده المبدأء المتعارف عليه سواء كان غلطان ام لا

تخيلوا لو الموظف ده لا قدر الله مات فى الحادثه كانت ساعتها الشركه لا هتفكر فى عربيه ولا تصليح ولا كلام فارغ

الموضوع مش محتاج لا صور ولا ادله ولا براهين

الشركه اللى تتحمل التكاليف بنسبه 100%

وده للأسباب الأتيه :

1- عربيه الشركه
2- كان فى مأموريه للشركه
3- حتى لو الموظف هوا اللى غلطان فرضا يعنى فده برده غلط الشركه لآنهم هما اللى وفقوا يدولو العربيه من غير سائق يعنى بموافقتهم يعنى هما اللى يتحملوا نتيجه غلطتهم

ده رأيى بصراحه و بما يرضى الله

اقتباس:

---

المشاركة الأصلية كتبت بواسطة أحمد كمال

في الامارات لو مشيت تحت الحد الأدنى للسرعة القانونية وسط الطريق و حد خبطك من ورا انت الغلطان

---

ده لو سايق بسرعه قليله مش اتوقف او حاجه حصلت خليته يهدى

الراجل طبعا غلطان كل الغلط بتاعه

المفروض الطريق له سرعه و هوه معدى السرعه بدليل الفرامل 10 متر و كمان خبط
و ثانيا المفروض انه مسئول عن ان يبقى فيه فرق بينه و بين اللى قدامه يسمحله انه يتوقف من غير ما يخبط فيه

هوه اللى غلطان معلش

صلاح سالم طريق سريع , لا يمكن ان حد يقف فى وسط الطريق ابدا خصوصا ان الساعة 2 الفجر .

العربية الحمراء غلطانة بنسبة 95 % .

هو اللى سرحان و مخدش باله ان الشارع هيفوته , المفروض كان التزم اليمين مع اشارة بسرعة هادئة و دخل الشارع عادى , لكنه شكله كان ماشي بسرعة و مخدش باله من الشارع و توقف فجاة , و ده خطاه بنسبة 95 % .

الصح انه يفوت الشارع و يدخل اى شارع تانى و يلف منه او ياخد يو تيرن و يرجع للطريق تانى بدل ما يتوقف فجاة و يعمل كارثة .

اقتباس:

---

المشاركة الأصلية كتبت بواسطة د.محمود صلاح

في وجهة نظر المرور اللي من الخلف دائماً مخطئ

---

للأسف آه ... و انا كنت هروح في داهية بسبب الحكاية دي بس ربنا ستر....

المفروض يعملوا حد ادنى للسرعة على الطرق السريعة ...بجد يا جماعة انا اعصابي بتفلت لما الاقي واحد ماشي على اقل من 40 (اه و الله بدون مبالغة!) في السريع

في النهاية انا شايف فعلاً سواق الشركة مش غلطان ... ببساطة لأن دا طريق سريع و مينفعش حد يقف عليه بالمنظر دا

اقتباس:

---

المفروض الطريق له سرعه و هوه معدى السرعه بدليل الفرامل 10 متر و كمان خبط
و ثانيا المفروض انه مسئول عن ان يبقى فيه فرق بينه و بين اللى قدامه يسمحله انه يتوقف من غير ما يخبط فيه

هوه اللى غلطان معلش

---

انا لو سبت مسافة قانونية بيني و بين اللي قدامي .. هلاقي عربيتين تلاتة اتحشروا في المسافة دي

الخطأ من صاحب العربية الحمراء ولكن خطأ الموظف هو السرعة اللى كان ماشى بيها لان 10 متر فرامل دى يعنى كان ماشى على سرعة عالية وده اللى مخلاهوش يلحق نفسة

في قاعده مرورية معروفه بتقول
Expect the unexpected
و لو طبقناها في حالتنا دي يبقي المهندس ليه دور في الحادثة
لان احد مخاطر السواقة بشكل عام التعرض لاخطاء الاخرين
و عشان كده اظن انه مشارك في الخطا و لو بشكل بسيط و طبعا الحمل الاكبر علي صاحب السيارة الحمراء.
اما بالنسبة لموضوع تحمل الموظف او الشركة للتكلفه فالمفروض الشركة تكون مامنه علي العربيات او في اقصي الظروف مخصصة مبلغ معين في حال تعرض سيارتها لحوادث و تصليحها و خصوصا لو في بلد زي مصر المرور فيها صعب. فاعتقد ان الشركة لازم تتحمل الجزء الاكبر من التكاليف مع مشاركة الموظف بجزء صغير و ضمن قدراته المادية في سبيل العظة ليه و لغيرة

اقتباس:

---

المشاركة الأصلية كتبت بواسطة د.محمود صلاح

في وجهة نظر المرور اللي من الخلف دائماً مخطئ

---

++++++++++++++++++

مبدائيا العربيه الجمرا غلطانه السؤال على العربيه الصفرا
مبدائيا خلي بالكم ان العربيه الحمرا عملت خداع انها حتخش يمين و رجعت تاني للحاره بتاعه العربيه الصفرا و ياريتها رجعت عادي لأ بفرمله و الدليل ان العربيه فرملت بجنبها
خلينا نستحضر ظروف الحادث و كل واحد يتخيل الموقف
انا ماشي و سايب مسافه بيني و بين قدامي و الدنيا زي الفل لقيت القدامي بيكسر و طالع بره الحاره بتاعتي و انا مكمل طريقي حد يقولي اهدي و اهدي ليه و هو المسافه كافيه انه يخش الفتحه و اعدي عادي (السرعه النسبيه الامنه) لكن هو فجاه رجع للحاره بتاعتيو ياريته بسرعتي لأ ده بفرمله
كانه بالظبط حد كسر عليا او حد طالع من يوتيرن
انا شايف ان الموظف مش غلطان نهائيا و الغلط على العربيه الحمرا
لو فيه غلطه على الموظف فانه مبيعرفش يعمل دريفت يتجنب بيه العربيه الحمرا زي الافلام (دي تريقه علشان محدش يصدقني :d )
وربنا يسترها علينا كلنا

عشان محكم صح لازم نعمل الاتي


تبعا لكل ما سرد من ملابسات للحادث مطلوب من كل واحد فينا يحط نفسة في سيارة من السيارتين في كل مرة يعني

انا مثلا سائق الحمراء - وعملت زي الشرح بالظبط من وقوف وانحراف ومحاولة الدخول يمين - والعربيات اللي جنبي واللي ورايا ----- انا مخطي ولا لاء ؟؟؟؟؟؟؟؟؟؟؟؟؟؟؟؟؟؟؟؟؟؟

انا الان سائق الصفراء - مع كل التفاصيل السابقة - صدمت السيارة الحمراء من ورا نتيجة لملابسات الموقف - انا الان مخطئ ولا لاء ؟


حط نفسك في نفس الموقف لكل منهم حتلاقي الرد واضح وصريح

من وجهة نظري الحمراء مخطئة 90% - الصفراء 10% للسرعة وعدم توقع الطريق وظروفة واخطاء الغير ( من اساسيات القيادة )

اقتباس:

---

المشاركة الأصلية كتبت بواسطة atrees

عشان محكم صح لازم نعمل الاتي


تبعا لكل ما سرد من ملابسات للحادث مطلوب من كل واحد فينا يحط نفسة في سيارة من السيارتين في كل مرة يعني

انا مثلا سائق الحمراء - وعملت زي الشرح بالظبط من وقوف وانحراف ومحاولة الدخول يمين - والعربيات اللي جنبي واللي ورايا ----- انا مخطي ولا لاء ؟؟؟؟؟؟؟؟؟؟؟؟؟؟؟؟؟؟؟؟؟؟

انا الان سائق الصفراء - مع كل التفاصيل السابقة - صدمت السيارة الحمراء من ورا نتيجة لملابسات الموقف - انا الان مخطئ ولا لاء ؟


حط نفسك في نفس الموقف لكل منهم حتلاقي الرد واضح وصريح

من وجهة نظري الحمراء مخطئة 90% - الصفراء 10% للسرعة وعدم توقع الطريق وظروفة واخطاء الغير ( من اساسيات القيادة )

---

فكرة حضرتك حلوة
انا لو مكان العربية الحمراء يبقى انا كدا مخطئ 100% ... لأن عمري ما هفكر اقطع الطريق بالمنظر دا... خصوصاً انه طريق سريع... طالما الفاتحة فاتتني يبقى انا اللي المفروض استحمل و اشوف اللي بعدها ...

لو انا الأصفر ... هنا في مصر الواحد مبيعرفش يسيب مسافة بينه و بين اللي قدامه ... لازم تلاقي واحد او اتنين حشروا نفسهم في المسافة دي..... + ان ممكن كمان لو كنت سايب مسافة اللي ورايا ميكنش سايب ... و بالتالي لما افرمل هيروح لابس فيا على طول.... (حصلت معايا قبل كدا) .... لأن دا طريق سريع و مفيش فيه موضوع الوقوف

يبقى الخلاصة في نظري العربية الحمراء هي اللي غلطانة 100% لأنها هي اللي اتسببت في تعطل و اربتاك المرور في طريق السريع اللي المفروض الوقوف فيه يكون ممنوع قطعياً و المفورض كمان محدش يقل سرعته على الطرق السريعة عن 80 كم/س

انا داخل المدينة لما اكون عايز اركن و لقيت باركنج فجأة و شايف في مرايتي ان مينفعش اهدي سرعتي مبقفش و اشوف ركنة تانية