الموضوع: لو سمحت متعملش حركة من الحركات اللي تغيظ دي

مجهود جميل جدا و يارب اعيش لما اشوف الناس بتلتزم بالكلام دا .. دي بقت امنيتي الوحيدة :d

شكرا علي المجهود وطريقة الفلاش الرائعة والمعبرة......فعلا الصورة افضل من 1000 كلمة

المشاركة الأصلية كتبت بواسطة eng.octooo

بس انا الى اعرفة انك لوا بتاخد يو تيرن تاخد اقصى اليمين وانت بتلف علشان سرعتك يتكون قليلة ...

ووالدى اخد مخالفة فى كندا بسبب الموضوع دة انة اخد اليو تيرن على اقصى الشمال والعسكرى قالة ان الشمال دة حارة الطريق السريع اما اليمين دة للسرعات البطيءة والنقل وهوة بيلف اكيد سرعتة بطيئة ف لازم ياخد اقصى اليمين

+111111111111
دي القوانين المرورية المتعارف عليها في العالم.....جايز عندنا في مصر ليهم وجهة نظر تانية الله اعلم.

المشاركة الأصلية كتبت بواسطة الصيداح

والله الواحد في حيرة لإن أخذك لأقصى اليمين والناس اللي جاية طيران ممكن تبقى مصيبة وخاصة لو تعطلت أو وقفت بك السيارة وأنت ماشي في عرض الطريق

أما الشمال فالمشكلة أنك لم تأخذ سرعة الحارة بعد

فايه الحل؟؟؟؟؟؟؟

لكن التصادم وأنت واخذ شمالك غير لما يكون التصادم وأنت بتعدي عرض الطريق
بتهيألي لو حصل تصادم وأنت في الشمال هيكون أهون

ماهو ياباشا دي من الحاجات الي عايزة يتعملها فلاش توضيحي .....مش المفروض ان العربيات تمشي علي اليمين بسرعات عالية اساسا وخصوصا في الطرق السريعة....الحارة اليمين للي ماشي بطيء وللنقل والاتوبيسات.........الشمال اسرع حاجة والي عايز يسرع ينقل من اليمين للوسط للشمال حسب سرعته.

المشاركة الأصلية كتبت بواسطة smsm_cato

مجهود رائع وتوضيح ولا احلى من كده وفعلا المحروسة اتملت من الناس اللى بتعمل كده ومتعرفش حاجة عن التزامات المرور وده سببة الرخص اللى بتطلع بالكوسة ولو من غير كوسة ممكن تدفع المدرسة ومتروحش وتروح على الامتحان علطول سواقة بس مفيش امتحان كمببيوتر للاشارات وده علشان ميضيعوش وقت وحضرتك بتكون دفعت فلوس المدرسة انا لما كنت فى السعودية كان استحاله تمتحن سواقة او يطلعلك رخصة غير لما تمتحن فى اشارات الكمبيوتر الاول ولو سقطت يقعد ياجلك لغاية لما تنجح فيه الاول وبعد كده يختبرك فى السواقة

ماهي دي الاصول الامان اولا......ده غير في دول كتير لاتسمح ابدا بالرخصة الا للي بيعرف يقرأ ويكتب علي اقل تقدير

المشاركة الأصلية كتبت بواسطة محمد عز

تعقيبا على موضوع اليو تيرن

القاعدة الاساسيه المتبعه انك ما تخرجش من فتحة اليو تيرن على الشارع الا لما تتاكد ان الحارة الشمال خاليه وانك تقدر تدخل الطريق بدون مشاكل

جايز تمشي القاعدة دي في بلدنا بس ....ماحنا طرقنا ليها ظروف وقواعد خاصة بيها.

المشاركة الأصلية كتبت بواسطة tlrsiap

حصلت معايا من حوالي اسبوع , كنت ماشي على الكورنيش و طالع من ملف خفيف , على حوالي 80 , لقيت قدامي تاكسجي قاطع الطريق بالعرض على سرعة مثلا 30 , لحقت نفسي بسرعة و فرملت و هديت و انا وراه على طول

بسلامته اتخض و قعد يشوح لي

ياباشا معلش مانت لو واخد الشمال بسرعتك دي كنت لاقيت انه عنده حق وكنت عديت منه بمنتهي السلاسة.


ده كده هي دي المشكلة الكبري الي لاحظتها من ردودنا عدم وضوح رؤيتنا لما هو متفق عليه لعلامات المرو روبالتالي كل واحد فينا فاكر انه بيعي صح وعلشان كده بتحصل اللخبطة.

فعلا مشكله كبيره بنواجها واخنا سايقين ومش بس ف مصر كمان
بره مصر برضه بيعمله كدا شكرا ع الصور دي

المشاركة الأصلية كتبت بواسطة الصيداح

معلش سؤال بالنسبة لحتة أخذ اليوترن
المفروض أن الواحد يأخذ اليوترن وبعدين ياخذ شماله ميروحش يمين علشان ميقطعش الطريق كده تمام زي ما حضرتك تفضلت

السؤال بقى هل الكلام ده على الطرق داخل المدينة فقط ولا حتى الطرق السريعة
لأن مثلا في طريق مصر إسكندرية الزراعي لو أخذت يوترن وفضلت ماشي شمالي اللي هي أسرع حارة مش هلحق أخذ سرعة الحارة واللي جاي ورا طاير ممكن يخبط فيا

في حين أن أخذ الطريق بالعرض لأخذ أبطأ الحارات وهي اليمين يعرضك لحوادث أبشع

فإيه الصح مروريا في هذه النقطة؟

تطلع علي الحارة الي في النص بسرعة مناسبة ليها بعد التاكد من ان الشمال والي في النص فاضية ولو عايز تنزل بسرعتك تكمل شوية وتاخد الحارة اليمين بمنتهي البساطة
الميزة انك في النص وحد جاي بسرعة وماكنتش واخد بالك منه هايبقي عنده مساحة كفاية لتفاديك سواء بالتغيير للحارة اليمين او الشمال بدون الحاجة نهائيا لاستعمال فرامل قوية خلفك ماهو الدنيا هاتبقي واسعة يمينك وشمالك.

المشاركة الأصلية كتبت بواسطة shouk_1987

ما اعتقدش إن الكلام ده valid فى مصر !!!
عشان تستنى حارتين يفضوا اللى ولرالك مش هيرحمك عشان إنت كده هتخلي عربيته خارجة على الشارع اللى إنتوا جايين منه و غيره
السواقة فى مصر عايزة code خاص بيها و أهم chapter فيه الفهلوة ثم الفهلوة ثم الفهلوة

عندك حق والله في حتة الفهلوة دي........ماهو لو الشمال فاضي تماما والنص مليان بفرض الشارع 3 حارات سواء سريع او داخلي......هاخد اليوتيرن علي الشمال وبعدين الحم تاني في اليمين مع اول فرصة....ماهو لو العملية ماشية صح الي في الحارة الي في النص مش هايكون ازيد من70 :60 بفرض الشمال 90....متهيالي كدة تمشي....انا عن نفسي مابتفرقش معايا كده سالك وكده سالك ان شاء الله خبرة في شوارع المحروسة.....وتوقع بيجي بالخبرة لسواقة الي معاك في الطريق....بس منتهي الاجهاد ان كل واحد يبقي ماشي بالكود بتاعه.

http://www.youtube.com/watch?v=tykmVa29HHU
وده فيديو في كوريا يوضح قصدي.........بس شوارعهم فاضية حبتين.......بس لو علي الزحمة والشارع شبه واقف مافيش مشكلة الواحد يعدي من اليمين من الشمال هاتبقي بالتفاهم مع العربيات الي معاك في الشارع.