لو سمحت متعملش حركة من الحركات اللي تغيظ دي

**Terrible_DaRsH** · 05-05-2010 03:47 PM

و فى كمان اللى بيرجع بظهره فى طريع سريع سواء يمين او شمال و لما حد ييجى يتجاوز اللى قدامه يتفاجىء بالكارثة فى وشه ..

و ممكن كمان الناس اللى مش بتبص على كل الحارات المرورية و هى بتعدى الطريق و تتفاجيء ان فى عربية طالعة من ورا التانية و بتسبب كارثة برده .

اللى بيكتشف ان الشارع اللى هيدخله قرب و هو ماشي على الشمال و مرة واحدة يحدف على الطريق كله علشان يدخل الشارع .

و كمان اللى بيتجاوز اللى قدامه من غير ما يبص فى مرايته الشمال او اليمين و يكسر على اللى وراه و ده بيسبب توقف مفاجىء بيلبس الطريق كله فى بعضه .

و لسه من السلبيات كتيرررر .

**Karim_Monir** · 06-05-2010 01:55 AM

هايل يا باشا
يستاهل التثبيت
وافضل موضوع الشهر كمان في العام مالم يضاف افضل منه

**saber2010** · 06-05-2010 02:14 AM

المشاركة الأصلية كتبت بواسطة abou_ruqi

3- الحريف اللي بياخد اليوترن اللي قدام الشارع اللي طالع منه فيقطع الشارع بالعرض مع إنه ممكن يمشي شوية لقدام فياخد اليوترن اللي بعده مرتاح
ودي ممكن تشوفوها كتير في كورنيش اسكندرية

[flash=http://higraph.freeoda.com/03.swf]width=550 height=200[/flash]

ايوة كتير جدا ومع تحياتى وقلبى معاه وهو بيدور على رفرف او وباب شمال ويبقى امه دعياله لو القوايم سليمة

**saber2010** · 06-05-2010 02:23 AM

المشاركة الأصلية كتبت بواسطة abou_ruqi

حلوة دي بتغيظ موت

اتفضل

5-

[flash=http://higraph.freeoda.com/05.swf]width=550 height=200[/flash]

جامدة جدا انت بجد معلم

**abou_ruqi** · 06-05-2010 03:29 AM

المشاركة الأصلية كتبت بواسطة karim_monir

هايل يا باشا
يستاهل التثبيت
وافضل موضوع الشهر كمان في العام مالم يضاف افضل منه

شرف لينا يا كريم باشا و ويا رب يكون لنايل موتورز دور إجتماعي في تحسين الشارع المصري
إن شاء الله تكون البداية هنا

**gazzar91** · 06-05-2010 10:23 AM

المشاركة الأصلية كتبت بواسطة abou_ruqi

انا كنت ناسي حاجة رخمة قوي قوي

6-
[flash=http://higraph.freeoda.com/06.swf]width=550 height=200[/flash]

للأسف أنا جديد في السواقة و ساعات بعملها بس المشكلة إني مش ببقى شايف lane أمشي فيه خالص في جسر السويس بلاقي الناس بتلوش و تعمل حاجات عجيبة و أنا لقلة خبرتي مببقاش فاهم أمشي إزاي

**wsamir** · 06-05-2010 10:50 AM

لا انا شفت اللى اروع من كدة 128 كان بيرجع للخلف فى طلعة كوبرى اكتوبر اللى بعد نعمة فى العجوزة و انا كنت طالع كنت هخبط فيه حاجة زى الفل ولا فى الاحلام

**abou_ruqi** · 06-05-2010 10:57 AM

المشاركة الأصلية كتبت بواسطة gazzar91

للأسف أنا جديد في السواقة و ساعات بعملها بس المشكلة إني مش ببقى شايف lane أمشي فيه خالص في جسر السويس بلاقي الناس بتلوش و تعمل حاجات عجيبة و أنا لقلة خبرتي مببقاش فاهم أمشي إزاي

طيب كرامة لمنتدى نايل موتورز ما تعملهاش تاني علشان بتخنق الناس إمش في الحارة ولو مفيش تعالى يمين و امشي برحتك

**ahmed4000** · 06-05-2010 11:18 AM

موضوع اكثر من رائع بس فى شوية اسئلة بتتعبنى ومبقاش عارف مين الصح

ساعات بنبقى ماشيين فى شارع حارتين مثلا وبعدين يجى مخرج يمين...طيب لو انا مش خارج هل لازم افضى اليمين..طيب مانا كل شوية حسيب اليمين واروح الشمال وافرض الشمال فيه مخارج هو كمان، من ابرز الامثلة كورنيش الاسكندرية ابقى ماشى على اليمين الاقى الميكروبصات والتاكسيات واقفة اروح الشمال كل كام كيلو الاقى نفسي فجاءة قدام اليوتيرن

او حتى لو الدنيا زحمة وماشية سلحافة وانا مزنوق فى اليمين اطلع ازاى على الشمال مانا حلاقى نفسي مستمر غصب عنى للفتحة

السؤال الاهم نفترض -سواء غلط او صح- انى ماسك اليمين وفيه ملف يمين وجالى واحد من على الحارة اللى جنبى (الشمال) وعايز يدخل؟ مين الغلطان؟ لو انا غلطان انى مش مفضى الحارة اليمين؟ طيب مهو غلطان برده لانه ممسكش الحارة اليمين من بدرى؟

السؤال التانى فى اليوتيرن -اسمع ان الصح ان عربية واحدة بس تدخل اليوترن والباقى وراها فى صف - طيب ليه اليوتيرن فى بعض الاماكن بتتعمل واسعة بحيث انها تاخد 3 عربيات ، طيب ولو افترضنا ان شارع رئيسى عمودى على شارع تانى عمودى رئيسى- مثلا شارع الاستاد عمودى على طريق النصر طيب ازاى العربيات اللى فى شارع الاستاد تتجمع كلها فى حارة واحدة علشان تدخل النصر على الضيق؟ وهل لو النصر فاضى اقدر ادخل على الواسع شوية؟

السؤال الثالث طيب لو كان يوتيرن شمال وانا دخلت وماسك الشمال وداخل واحد على يمينى واحنا بنلف لازم حد يقف يستنى التانى...مين ليه الاولية؟

السؤال الرابع: موضوع اللى ورا غلطان دايما ده غريب، وحصل معايا قريب اننا عدينا اشارة امن الدولة وبعديها في مطب كبير والناس مهدية وانا كاشف الشارع كويس لغاية اخر لاننا نازلين من فوق لتحت وماشى قدامى عربية وفجاءة وقف بدون اى مقدمات -اتهايله ان الخط اللى فى الارض مطب- وطبعا انا فرملت جامد والحمد لله محصلش حاجة لكن الغريبة انه مكنش عاجبه كمان، طيب وهو من حق اى واحد انه يقف من غير سبب ويقولك اللى ورا غلطان