الموضوع: النافتالين في البنزين

المشاركة الأصلية كتبت بواسطة verynice

يا اخ ايفو متحاولش تهاجمنى لانى مهاجمتش حد انا فعلا ليسه عامل مشاركه جديده لان المنتدى عجبنى و قرأت منه و عرفت منه الكثير و كمان عرفت ان المقصود من المنتدى هى الافاده
مساله النفتالين هى شديتنى ليه؟؟؟؟؟؟؟؟
لانى اتحرقت منها و من عواقبها ليس الا هو مغرى جدا فى البدايه انا معاك و مانقرتش ده و بيوفر فعلا
لكن فى النهايه مشاكله جسيمه و كل واحد هو ودماغه انت بتقول قرات لناس علماء و مقتنع انت حر يا سيدى
لكن انا بتكلم عن تجربه و كل واحد حر انا ليست شريك فى شركه نفتالين و فضيت الشركه علشان اطفش الناس و متشتريش
و على العموم اللى بيشيل اربه مخرومه بتخر على دماغه هو مش دماغ اللى جانبه
و حقق عليا استعمل النفتالين زاى مانت عايز بس فى الاخر حتصدق كلامى لما تتلسع و العربيه مشاكلها تكتر معاك
و انا بجد غلطان ان شاركت بتجربتى معاكم و اسف جدا كمان اللى يقول الحق و يبقى خايف على الناس علشان لا يقعوا فى المطب اللى واقعت فيه الناس تهاجمه بشتى الوسائل
و اللى يكدب ويمشى مع التيار الناس تصقف له و تقول له برافو عليك و عجبى
بس انا عن نفسى مش حكرر التجربه المريره تانى
ثم لو تعبت نفسك شويه و فتحت جوجل عن موضوع مكونات النفتالين تلاقى
ان فيه نسبه كبيره من الكبريت من وزن كل حبايه قول بقى ان الكبريت ليس مضر بالموتور
يا جماعه الكبريت مضرررررررررررررر
جدا بالموتور و الناس الكيميائين عارفين ضرره على المعدن قبل و بعد احتراقه كدبنى فى دى كمان غير اثره على الناس اللى ماشيه فى الشارع
كدبنى فى دى كمان و كمان بيسد علبه البيئه بعد فتره من استخدامه زاى ما حصل فى العربيتين ليه بقى
لان نتيجه احتراقه بيطلع منه دخان كثيف اسود فى جزء بيترسب على الشوميز و جزء علبه البيئه بتحجزه
و انا اسف للمره الاخيره للمشاركه اللى حتبتدى بالهجوم مش بالتفاهم اقراء كويس عن اضرار النفتالين
سلاممممممممممم

يا أستاذ VERYNICE علشان بس مانصعدش الموضوع
إنت بتقول اللي بيكدب الناس بتسقفله وحاجات حلوة كده '' تلميح مش ظريف ' انما ماعلينا

أنا قلت ليك لو سمحت هات دليل واثبات علمي .

النافتالين مفيهوش أي ذرة كبريت نهائي وإلا كان زمان هدوم المصريين بقت مصافي بسبب استخدامهم المستمر ليه .وكان نفسهم اتقطع بسببه !

احنا جبنا دليل من علماء في اوروبا وناس كيميائيين في مصر هنا إنه مجرد حلقتين بنزين مرتبطن ببعض . لذلك بيرفع الرقم الاكتيني للبنزين جامد .بالاضافة إن الطاقة الناتجة عن احتراق النفتالين اكبربكتير من الطاقة الناتجة عن احتراق البنزين فبتزود العزم ! فين الضرر من بنزين بشكل انضاف على بنزين سائل و داب فيه

وده التركيب الكامل ليه وشرح بالتفصيل عنه .
Naphthalene - Wikipedia, the free encyclopedia

مكتوب '' forming a flammable vapor '' أظن مش عايزه شرح دي !!

ده بالإضافة إن برنامج Mythbusters في حلقة "Scuba Diver, Car Capers" اتكلموا في الموضوع واثبتوا إنه حقيقي ومفيهوش مشاكل .

وتاني ده التركيب بالضبط من موقع علمي حكومي
Mothball Effectiveness and Ingredients

عموما أنا برده هقولك على اللي ممكن يحصل خطر
العلماء برة وفي مصروكل المواقع بيأكدوا على استخدام نافتالين خام مش معدل لان في انواع من كور النافتالين بينضاف عليها كلور ودي اسمها paradichlorobenzene وده عند الإحتراق بيكون HCL وده لو ماتعرفش حمض قوي جدا ممكن يعمل تأثير تاكلي على الموتور من جوه

لكن ......

ده فقط بعد الإحتراق!محدش جاب سيرة تأثير قبل الاحتراق على رشاشات بنزين أو تنك بنزين نهائي !!!



تشييرز

المشاركة الأصلية كتبت بواسطة verynice

تجربه بسيطه جيب بنزين و ضعه فى زجاجه و ضع معه النفتالين و اتركه فى مكان ساكن
حتلاقى بالنظر اليه ان فى حاجه عامله زاى الجاز فى القاع و ثقيله و لم تختلط بالبنزين لكن زابت فيه
و مترسبه فى القاع هز الزجاجه حتختفى بعد الرج
بعد الاذابه الكامله اترك الزجاجه فى سكون فتره امسك الزجاجه براحه خالص حتلاقى رواسب سوداء فى القاع
او
صافى البنزين المخلوط بقطعه من القطن او المناديل حتلاقى رواسب سوداء
كل ده فى الفلتر يتم حجزه و اللى بيعدى ويوصل للرشاشات يتم حجزه من خلال المصفاه داخل الرشاش بعد كده حتلاقى العربيه مش بتسحب معاك و الرشاش باظ و بيسيل
خذ شويه من البنزين المخلوط و ثم احرقه فى الحمام شويه صغيرين
حتلاقى كم من الهباب الاسود نتيجه الاحتراق كل ده يتم حجزه داخل الموتور وعلبه البيئه
انا تعبت علشان اتاكد ان النفتالين هو سبب الاتلافات دى اخر حاجه اقدر اوصلها لكم و تلاحظ بالعين المجرده

اقولك على حاجة كرر نفس التجربة باستخدام بنزين بس بدون نافتالين

هتلاقي بردو رواسب في القاع
هتلاقي بردو شوائب في القطنة
هتلاقي بردو هباب لما تحرقه

البنزين اللي عندنا زبالة

تعرف إن بنزين 95 هو في الاصل 89 وكسور وبـنزين 92 يوازي 87 وكسور أكتين وإن الوحيد المظبوط عندنا هو بنزين 80 !
ر

1-طارد العتة قد يكون نفتالين و قد يكون باراهيدروكلوروبنزين، و هو مادة تنتج حمض الهيدروكلوريك عند إحتراقها. حمض الهيدروكلوريك يسبب تآكل المحرك. لابد أن تتأكد أن الكرات الطاردة للعتة مصنوعة من النفتالين النقي بدون أي إضافات أخري.

2-نسبة الكاربون إلي الهيدروجين في النفتالين كبيرة مما يسبب خروج عادم أسود و ترسب الكاربون في المحرك و هو ما يقلل آداؤه مع الوقت.

3-النفتالين يرفع من رقم الأوكتين للبنزين و لكن عند إضافته لبنزين ذو رقم أوكتين عالي فإن تأثير النفتالين و فائدته تقل.

المشاركة الأصلية كتبت بواسطة Evo

البنزين اللي عندنا زبالة

تعرف إن بنزين 95 هو في الاصل 89 وكسور وبـنزين 92 يوازي 87 وكسور أكتين وإن الوحيد المظبوط عندنا هو بنزين 80 !
ر

فى 3 انواع من الاوكتان نمبر و واضح ان حضرتك ملخبط بينهم
برجاء مراجعة الرابط
Octane rating - Wikipedia, the free encyclopedia

طب يا جماعه نجيب النفتالين ده منين من الصيدلية و لا من عند العطار و ياريت حد من الاخوه المهندسين او الكيمائين يفصل فى الموضوع ده اناا ليسه العربيه فيها النفتالين و لو طلع بيخرب الدنيا الواحد حيزعل ان العربيه مش حتعرف تعمل كده تانى بصراحه يا جماعه استجابه العربيه بفيت سريعه جدا