النافتالين في البنزين

**Evo** · 13-05-2010 12:31 PM

المشاركة الأصلية كتبت بواسطة l0new0lf

فى 3 انواع من الاوكتان نمبر و واضح ان حضرتك ملخبط بينهم
برجاء مراجعة الرابط
octane rating - wikipedia, the free encyclopedia

لأ أنا مش قصدي ال ron ومقابله من aki وغيره أنا قصدي إن البنزين اللي عندنا ron 95 هو في الاساس ron 89.7 مش 95 ده تحليل معمل مرسيدس مصر على حسب ماسمعت !!

**ConDoR** · 13-05-2010 02:15 PM

طيب يا استاذ ايفو ممكن تقولنا نجيب النفتلين دا منين ونعرف المصري من المستورد ازاي لاني بصراحه متقنع بكلامك ما لم يثبت العكس

**ahmed31031** · 13-05-2010 03:30 PM

متااااااااااابع

**ConDoR** · 13-05-2010 06:19 PM

انا جربت النفتالين جبت كيس شفاف كدا بجنيه وفيه كور بيضه مش مكتوب عليه اي حاجه بس طالما بجنيه يبقا اكيد البلدي انا بصراحه حطيت 4 كور في التنانك اللي كان فيه 10 لتر وبعدين حطيت عليه 10 لتر كمان يعني بتاع 20 لتر في التانك انطباعي انه فيه فرق واكيد مش وهمي لان السحب بقا احسن شويه الاستهلاك مع الحرق برده بقا احسن شويه بس فيه سؤال محيرني لما حطيت ال 4 كور حسيت ان فيه حاجه وقفتهم زي مصطفى كدا يا ترى 10 لتر كفايه يدوبو ال 4 كور ولا الكور لسه موجوده في المصطفى ومفيش مصطفى والكور وقعت في البنزين يا ريت حد يفدني

**elassar2010** · 13-05-2010 06:32 PM

متابع الموضوع

**Evo** · 13-05-2010 06:41 PM

النافتالين ماهو إلا صورة من صور البنزين بس في حالة صلبة وبالتالي بيحصله تبخر أو علميا تسامي
الكور المحجوزه في المصفى مع الوقت هتتبخر في البنزين .

احنا لما بنحط في التانك بنحط على فل تانك و بنرج العربية كام مرة علشان نتأكد انهم دابو تماما

بس أنا أحب أقول حاجة قلتها قبل كده كذا مرة أنا عرضت تجربة ونجحت معانا مش معاني كده إنه بقول للناس تعملها .
واللي يعملها ميتوقعش إنه هيجيب من 0-100 في 4 ثواني مثلا لكن الأداء بـيكون أحسن والموتور هيحس بيه أقوى ودي بالذات بتكون باينة قوي حتى والعربية واقفة مكانها .

**devilavokate** · 13-05-2010 09:22 PM

انا فولت لتانى مرة و حطيت 3 كور بصراحه العربيه فايقه جدا و شكرا يا ليفو للمعلومه الجامده د ى

**Car's Sniper** · 13-05-2010 09:51 PM

الافضل ان انت تدوبهم فى اى كمية من البنزين برة (فى جركن مثلا) وبعد مايدوبوا ادلق الكمية دى فى التانك.....بس بردو ياريت نتأكد من حكاية تآكل الموتور
و لو مافيش اى اثار جانبية على الموتور ,ياريت الناس ماتحطش اكتر من كرتين بس لأننا مانعرفش تأثيرهم الصحى على الناس ايه....
مش عشان نفوق العربية يبقى ندمر الموتور ونسرطن الناس....
اهم حاجة حكاية الغازات المسرطنة دى...الموتور لو باظ ممكن يتغير اما حياة الانسان هى واحدة بس مابتتغيرش
ومن فضلكم محدش يهاجم قبل مايتأكد علميا من حد متحصص (مع فائق احترامى وتقديرى لآراء حضراتكم)ان مافيش اى اضرار منه
تخيلوا لو انتشرت الحكاية دى بين فئات الشعب الغير مثقفة من سواقين ميكروباصات وتاكسيات وتكاتك وتريلات..وطلعت فى الاخر بتسرطن لا قدر الله...شوفوا بقى الكارثة دى هاتتلم ازاى
انا باتكلم بصراحة وبجدية مطلقة وحيادية وياريت محدش يزعل من كلامى
واسف على الاطالة

**SaberMan** · 13-05-2010 10:17 PM

المشاركة الأصلية كتبت بواسطة mody_elmoshax

الافضل ان انت تدوبهم فى اى كمية من البنزين برة (فى جركن مثلا) وبعد مايدوبوا ادلق الكمية دى فى التانك.....بس بردو ياريت نتأكد من حكاية تآكل الموتور
و لو مافيش اى اثار جانبية على الموتور ,ياريت الناس ماتحطش اكتر من كرتين بس لأننا مانعرفش تأثيرهم الصحى على الناس ايه....
مش عشان نفوق العربية يبقى ندمر الموتور ونسرطن الناس....
اهم حاجة حكاية الغازات المسرطنة دى...الموتور لو باظ ممكن يتغير اما حياة الانسان هى واحدة بس مابتتغيرش
ومن فضلكم محدش يهاجم قبل مايتأكد علميا من حد متحصص (مع فائق احترامى وتقديرى لآراء حضراتكم)ان مافيش اى اضرار منه
تخيلوا لو انتشرت الحكاية دى بين فئات الشعب الغير مثقفة من سواقين ميكروباصات وتاكسيات وتكاتك وتريلات..وطلعت فى الاخر بتسرطن لا قدر الله...شوفوا بقى الكارثة دى هاتتلم ازاى
انا باتكلم بصراحة وبجدية مطلقة وحيادية وياريت محدش يزعل من كلامى
واسف على الاطالة

كلامك مظبوط 100% لو السواقين الوعيهم قليل خدو على الحاجات دى خلاص حلنى لما يكون فيه عاده و تتغير , هتنتشر و يمكن نكون اول المتضررين و الله أعلم بتجيب ايه ..أحنا مش هنحلل كل كميه بتتصنع منه .