الموضوع: النافتالين في البنزين

يا جماعه انا نقلت التجربه بتاعتى و على فكره العربيه عامله 50000كيلو
و ليست500000كيلو
العربيه مو 2008 مش مو سنه 70
و النفتالين كان بلدى و ليست مستورد لان كان مكتوب عليه فى كيس شفاف و شكله معفن الشركه المصريه لصناعه الكيماويات تحذيرى انك حتفرحوا فى بدايه الامر لكن حتحزنوا فى نهايه المطاف انا مش بحارب الافاده لا طبعا انا هدفى تعرفو النفع من الضرر و كل واحد و عقله العربيات مش رخيصه و لا من الساهل ان الواحد يتحصل على عربيه صح ولا غلط

أنا عن نفسي مش مقتنع إن النافتالين اللي بيتحط في الهدوم واللي مكون من روابط بنزين هيهري تانك بنزين مصمم لتحمل أشد من البنزين 10 مرات بالمنظر اللي إنت وصفته ده .

إذا كان موتور الأوكتافيا اللي بتقول بتحسس عليه استحمل 50 الف كم معنى كده إن المواتير اللي احنا بنحط فيهـا بال 12 و 15 كورة دول ونهري فيها لحد آخر ال rpm كل النقلات وسرعات فوق 240 المفروض تنفجر بعد 2000 كم .
أنا في واحد صاحبي داخل على سنتين بالمنظر ده ومتوروه ولا حصل فيه أي حاجة .

عموما أنا قلت اللي عاوز ينفي ينفي بالدليل مش مجرد كلام وبس وأنا وناس جبنا كلام موثق من علماء في مصر وبرة مصر واخرهم الاخ اللي شرح العملية الكيميائية بتتم ازاي وإزاي مفيهاش أي ضرر لانه بنزين في بنزين ماحطيناش نابالم على البنزين احنا !


سؤال بس للاخ verynice هو إنت عامل عضوية مخصوصة علشان ترد على الموضوع ده ولا إيه أصل شايفك لسه مشترك من كام يوم

و طول ال 50 ألف كيلو بتستخدم ال '' و النفتالين كان بلدى و ليست مستورد لان كان مكتوب عليه فى كيس شفاف و شكله معفن الشركه المصريه لصناعه الكيماويات '' !!! ''

ةالله كلامك موزون يا اخevo
بس ممكن نعرف انت ماشى كام كيلو بالنفتالين و كنت بتعمل صيانه او عملت صيانه بعد ما سمعت عن التلفيات اللى حصلت للعربيتين دول

متابع باهتمام و ضحك :) هههههه
يعنى ال 127 نفتالين هتطلع من البومة 2006 :) ؟

يا اخ ايفو متحاولش تهاجمنى لانى مهاجمتش حد انا فعلا ليسه عامل مشاركه جديده لان المنتدى عجبنى و قرأت منه و عرفت منه الكثير و كمان عرفت ان المقصود من المنتدى هى الافاده
مساله النفتالين هى شديتنى ليه؟؟؟؟؟؟؟؟
لانى اتحرقت منها و من عواقبها ليس الا هو مغرى جدا فى البدايه انا معاك و مانقرتش ده و بيوفر فعلا
لكن فى النهايه مشاكله جسيمه و كل واحد هو ودماغه انت بتقول قرات لناس علماء و مقتنع انت حر يا سيدى
لكن انا بتكلم عن تجربه و كل واحد حر انا ليست شريك فى شركه نفتالين و فضيت الشركه علشان اطفش الناس و متشتريش
و على العموم اللى بيشيل اربه مخرومه بتخر على دماغه هو مش دماغ اللى جانبه
و حقق عليا استعمل النفتالين زاى مانت عايز بس فى الاخر حتصدق كلامى لما تتلسع و العربيه مشاكلها تكتر معاك
و انا بجد غلطان ان شاركت بتجربتى معاكم و اسف جدا كمان اللى يقول الحق و يبقى خايف على الناس علشان لا يقعوا فى المطب اللى واقعت فيه الناس تهاجمه بشتى الوسائل
و اللى يكدب ويمشى مع التيار الناس تصقف له و تقول له برافو عليك و عجبى
بس انا عن نفسى مش حكرر التجربه المريره تانى
ثم لو تعبت نفسك شويه و فتحت جوجل عن موضوع مكونات النفتالين تلاقى
ان فيه نسبه كبيره من الكبريت من وزن كل حبايه قول بقى ان الكبريت ليس مضر بالموتور
يا جماعه الكبريت مضرررررررررررررر
جدا بالموتور و الناس الكيميائين عارفين ضرره على المعدن قبل و بعد احتراقه كدبنى فى دى كمان غير اثره على الناس اللى ماشيه فى الشارع
كدبنى فى دى كمان و كمان بيسد علبه البيئه بعد فتره من استخدامه زاى ما حصل فى العربيتين ليه بقى
لان نتيجه احتراقه بيطلع منه دخان كثيف اسود فى جزء بيترسب على الشوميز و جزء علبه البيئه بتحجزه
و انا اسف للمره الاخيره للمشاركه اللى حتبتدى بالهجوم مش بالتفاهم اقراء كويس عن اضرار النفتالين
سلاممممممممممم