النافتالين في البنزين

**nab!l** · 10-05-2010 10:54 PM

يانهار
طب انا هجرب واللى يحصل يحصل

**heshamzaky** · 10-05-2010 11:14 PM

المشاركة الأصلية كتبت بواسطة devilavokate

و الله يا جماعه انا قريت عن الموضوع ده كتير لغايةلما قولت ايه ياعنى اللى حيحصل و كمان الاخ اللى كتب عن اروابط بتاعه البنزين شجعنى اكتر و قولت اجرب ايه اللى ممكن يحصل
انا معايا كيا شوما اوتو بحطلها 90 كنت امبارح فى كام مشوار كده لقيت العربية مافيهاش بنزين قولت اجرب الموضوع ده اشتريت من صيدلية النفتالين فى علبة كرتون مغلفين ب2.5 و رحطت على محطه البنزين و فولت 80 و قبل ما افول فتحت النانك و حطيت بليتين و قولت يارب استر
دورت العربية و مشيت يانهار اسسسسود ايه اللى بيحصل ده العربية مش بتسقف بس ده صوت صويت قولت يبقى انا استاهل اللى حصللى فى ناس حذرت من الموضوع ده روحت البيت و بعديها بكام ساعه نزلت روحت القهوه اشرب حجرين دورت العربيه و مشيت الاصوات اختفت خالص السحب بقى عجيب جدااااا العربية فايققققه بتجرى تجميع عجيب
شكرا لصاحب الموضوع

والله العظيم اخى كان بيحط عدد 2 او 3 كور فى تانك ال 127 سنة 85 وللعلم ال 127 يوجد بها مصفاة فى زور التانك وبعد كدة بيفول العربية والعربية كانت بتسحب جامد

**hobby10** · 10-05-2010 11:14 PM

متابعة باهتمام

**yahiahelaly** · 11-05-2010 12:15 AM

يا جماعه اتاكدو بدل ميكون فعلا العاد بتاعه بيسبب سرطان وتشيلو زنب مرض الناس وموتهم وممكن تيتم حد ولا ترمل واحده بجد اتاكدو
الله مابلغت الله

**mrsailor** · 11-05-2010 12:20 AM

النفتالين و عواقبه على المحرك و مميزاته
رابط المشاركة
المشاركة دى مقتبسة من تجربة للعضو verynice
وقولت انقلها لكم علشان احذركم:
================================
انا ليسه عضو جديد لان ليسه مركب نت جديد لكن المنتدى عجبنى لما فيه من تعاون و معلومات وافاده
حبيت احط تجربتى انا و ابن عمتى للافاده
علشان الكل يستفيد لانه موضوع مغرى فى البدايه و مهلك فى النهايه
الحكايه تبتدى من سنه ونصف تقريبا
سمعت عن اضافه النفتالين فى التنك و قالو انه مغرى و يعطى قوه
قولت اجرب و كونا انا و ابن عمتى قاعدين سوى و قولت له نفس الموضوع قالى تعالى نجرب و مش حنخسر حاجه عجبنى اوك معجبناش يبقى خلاص
اول ما جربنا لاحظنا
ان الموتور روعه فى السحب و قوه وعزم و نعومه واستمرينا انا و ابن عمتى فى الموضوع و كان بيوفر بنزين
لكن بعد فتره الموتور كانه مو سنه 40 كمان لكن الرشاشات باظت و لما فكيت الموتور علشان نعمل طقم شنبر لاقيت الموتور مخرم من الداخل زاى سوس الاسنان و الشوميز اسود فحم و البستم عليه كربون بالكيلو وتنك البنزين مهرى كانه بقاله 50 سنه شغال و اتخرم مش خرم واحد لا دى بقى منخول زاى شاشه الطبيه مهرى من الاخر و عند ابن عمتى نفس الحوار فكانت شوره مهببه و انا قولت اقول تجربتى علشان الكل يستفيد و بعد ما سالت مكونات النفتالين وده للاسف جاء متاخر لاقيت من مكوناته الاساسيه الكبريت بنسبه عاليه و حاجه شابيه بالسيبرتو و هيدوجين لكن اتضح ان الهيدروجين يتبخر و الكبريت هو اللى بيعمل النصايب دى كلها و لما بيختلط بالبنزين بيدى قوه فى الحرق لكن ترسبات سودا بعيد عنكم
فكانت تجربه مرار
و بسببهاعملت عامره و فتحت معى فى حاجات كبيره زاى انى انا و ابن عمتى غيرنا التانك و نصف بلوك و بساتم و شنابر و رشاشات مع رغم ان العربيتين كانو جداد و عاملين فى حدود 3000 كيلو كونا فاكرين نفسنا ناصحين و بنفرح لما العربيه تجرى بقوة و هدوء فى المحرك رغم انه جديد
و شكرا على الاطاله
===========================
و ده رابط المشاركة للاستفسار و التواصل

http://www.nilemotors.net/Nile/148404-a.html

**mrsailor** · 11-05-2010 12:23 AM

المشاركة الأصلية كتبت بواسطة hobby10

متابعة باهتمام

اقرى الموضوع ده قبل ما تجربى
http://www.nilemotors.net/Nile/148404-a.html

**nab!l** · 11-05-2010 08:41 AM

انا كده مش هجرب

**Abdm** · 11-05-2010 09:25 AM

جزاكم الله خيرا على النصيحة

والله المستعان

**zaza_lanos** · 11-05-2010 01:50 PM

العربية عاملة 50.000
ده رضى قوى كده
اما عن موضوع النفتالين فالراجل حذر من استخدام النفتالين المضاف ليه كلور
المستورد يعنى
مش البلدى بتاعنا

**mrsailor** · 11-05-2010 02:26 PM

المشاركة الأصلية كتبت بواسطة zaza_lanos

العربية عاملة 50.000
ده رضى قوى كده
اما عن موضوع النفتالين فالراجل حذر من استخدام النفتالين المضاف ليه كلور
المستورد يعنى
مش البلدى بتاعنا

يعنى لما اوكتافيا 2008 عندها سنة و نص فى عمرها ماتورها يروح .. يبقى لسة مصمم انه اختراع سوبر .. انت حر فى عربيتك .. انما لما ننقل مشاركة عضو حصلت له مشكلة .. يبقى اللى ينصح لازم يكون امين .. الرد مش مفروض يبقى:
( العربية عاملة 50.000
ده رضى قوى كده
اما عن موضوع النفتالين فالراجل حذر من استخدام النفتالين المضاف ليه كلور
المستورد يعنى
مش البلدى بتاعنا)
لازم تتأكد قبل ما ترد .. نسيت اسألك هو انت حللت المستورد و البلدى علشان تتكلم بالثقة دى .. انا مش قصدى انى اخش معاك فى جدال او انى اهاجم رأيك .. بس انا بس عاوز اوضح للاعضاء ان الموضوع مش بالسهولة اللى بتحاول تبينها ب (العربية عاملة 50000 ده رضى قوى) و كأننا بنرمى العربيات و نكهنها بعد ال10000كم .. و لا كأننا فى مصر ..

الموضوع: النافتالين في البنزين

LinkBack

أدوات الموضوع

عرض

-

-

خللى بالكوا -

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

وزير البترول يناقش اليوم صرف البنزين بكوبونات لرفع الدعم عن البنزين

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

هل يوجد علاقة بين نوعية طلمبة البنزين واستهلاك البنزين وسحب العربية ؟

هل بالفعل يوجد مادة تضاف مع البنزين لتنظيف دورة البنزين؟

الكلمات الدلالية لهذا الموضوع

المفضلات

المفضلات

ضوابط المشاركة