الموضوع: رابطة حائزى الفلوينس

المشاركة الأصلية كتبت بواسطة bukla

بسم الله ما شاء الله اللون الفضى جميل الف شكر على الصور
بس مش ملاحظين يا جماعة حاجة غريبة العربية دى كل الالوان حلوة عليها حتى الابيض اللى شوفتة فى التوكيل اعتقد السبب فى كدة حاجتين التصميم بتاع العربية مع حجمها الكبير بيخلى كل الالوان تليق عليها

مستنيين صور اللون الفيرانى الغامق يا جميل

المشاركة الأصلية كتبت بواسطة dr dido

ححاول ارفع صور للعربية

ألف شكر على تعبك يا دكتور ،تسلم ايدك ،معلش تعبتك ،ربنا يباركلك و يحفظ طريقك .

المشاركة الأصلية كتبت بواسطة bukla

وعليكم السلام ورحمة الله وبركاتة
شوف يا سيدى اهم حاجة فى استلام العربية
1- تتأكد ان ما فيهاش حكات فى اى حتة يعنى تراجع عليها كويس من كل الجوانب
2 تتأكد من وجود الاستبن (مقاس اصغر و مش جنط علشان ما تتخضش) و الكوريك و مفتاح العجل و طقم مسامير علشان الاستبن مش زى الجنوط و القاطرة (قطعة معدنية علشان لو حابب تقطر حد او لاقدر الله محتاج تتقطر) و حافظة انيقة فيها الكاتالوجات و الصيانة و طفاية السجائر (قطعة منفصلة على شكل كوباية بغطى) و ولاعة السجائر و الايريال
3- المفروض ان يكون حد فى المعرض فاهم فى العربية علشان يشرحلك كيفية تشغيل الكاسيت و يديك الكود بتاعة و يديك فكرة سريعة عن العربية, هيا العربية مش معقدة قوى يعنى انت ممكن تعرف كل حاجة بعدين عن طريق قراءة الكاتالوج و التجربة بس لازم يدولك فكرة اولية عن الاساسيات زى الفتيس و الكارت وكيفية التعامل معهم
4- الاوراق عبارة عن عقد البيع من المعرض ليك باسمك فية رقم الشاسية و رقم الموتور و لو باقى الورق جاهز بعض المعارض المحترمة بتديلك شهادة البيانات و البعض الاخر بيديلك صورة من الاقرار الجمركى اللى فية رقم الشاسية و الموتور بتاع عربيتك و انت بتروح تطلع شهادة البيانات من المرور اللى المعرض تبعة
يارب ماكونش نسيت حاجة و يكتبلك السلامة و تستلم على خير فى اقرب وقت ان شاء الله

شكراً يا أستاذ bukla على المعلومات القيمة ،ربنا يستر طريقك .

أنا نسيت اقولكم انا جربت النهاردة على الدائرى مثبت ومحدد السرعة بسم الله ما شاء الله تحفة فعلا و بالذات محدد السرعة وهمى علشان اول مرة أجربه يعنى حكاية انك تزود السرعة من الديراكسيون وتقللها من غير ما تدوس بنزين او فرامل فعلا رفاهية وهو ده Travelling with style و ربنا يحفظهالنا جميعا من كل شر